قصيده مؤثره

يقول صاحب الابيات :



ما اعترض يوم ربي حطني بعالم إعاقة

ادري يمه أحيان واجد من وجودي تستحين

ناس واجد .. ناس تحلم .. ناس تتمنى وتبي

وأدري مثل الناس يمه كنتي انتي تحلمين



كان حلمك …. طفل ينده

يمه شوفي أوجعك وانا اتحرك داخل احشائك جنين

وانت حامل فيني يمه الألم يغلب عليك

ولما يطري الحلم لحظة كنت يمه تفرحين

كان حلمك يمه طاير في فرح ..

كنه يقول :

باكر وليدي يجي ..يكبر .. وأنسى آلام الونين




كنتي بلسانك تقولي :

راح يصير … وراح يصير …. وراح يصير

مره ضابط .. لا .. مهندس

يمه كنتي تحلمين ….. يمه كنتي تحلمين

وانقطع حلمك لحظة الآم الولادة



لما قالوا لك :
(((((معاااااااااااااق ))))

قمت يمه تصرخين ……

مات حلمك …

إيه أنا ادري ماتت أحلام السنين …..

مات حلمك ..

مالي ذنب يموت حلمك وأنت أصلاً تعرفين

حتى أبسط حلم عندك
انحر متي قول : (يمه )

وادري ان كلمة ( يايمه ) وش كثر كنت تنطرين

وأنا انحر مت أبسط حقوقي
لاربع … لا أصدقاء

عالمي كله إعاقة

عالمي كله ونين

الله اللي قدر إني ابتلى ببهذي الإعاقة

وبالصبر يمه الأجر عند رب العالمين

اصبري يمه عشاني

اصبري … والله كريم

والله ان الموت ارحم

قبل أشوفك تدمعين

قبل أشوفك تدمعين

قبل أشوفك تدمعين