قصيده مؤثره جدا للشاعر المتميز سالم سيار ..(مسموعه),,

السلأم عليــــــــــــــــكم ورحمه الله وبركاته,,

قصيده مؤثره جدا للشاعر المتميز سالم سيار ..



شفتك على كتاف الرجاجيل نايم
وشفتك مغطى بالعلم قلت بردان

يبه هو حزني داخل القلب حايم
قلت أشعل دموعي وأخليك دفيان

صوتي يبه من بين الأحزان عايم
لو أصرخه تهتز من حولي جدران

أخاف تقعد يا يبه وانت صايم
وإنت قلت قعدني على صوت الآذان

تعبان ؟؟ تعبان أدري والتعب فيك دايم
تفرش ضلوعك حب وتكون تعبان

للحين جسمك فوق الأكتاف نايم ؟
وانت الذي قامت على أكتافك أوطان

إنت العزيمه لي حكوا بالعزايم
يا ما شعلت النور في ليل الأحزان

حتى الرمل في دفنتك صار هايم
من كثر ما وجهك يشع نور وإيمان

تنزل في قبرك والدعاء فوق قايم
كل الاوادم صاروا قلوب ولسان

يالله يالله ترحم منهو طفا الظلايم
اللي شعل عمره وسط عمر الإنسان



تم حذف الرابط لاحتواء القصيدة على مؤثرات موسيقية..

شموخ العزة..

,,,, ,,,,, ,,,,,, ,,,,, ,,,,,,,

أنشالله تعجبكم؟؟؟