بسم الله الرحمن الرحيم
حبيت انشر هالقصيده من تاليف ابوي الغالي الله يحفظه
ويخليه لنا
كتبها بعد ماتوفت امه اللي هي جدتي
رايكم يهمني يابنات حواء
للمعلوميه ان القصائد لها انواع وهذي القصيده من النوع المغناه يعني اقريها وغني
يوم الاحد ليلة الاثنين
النوم عيا يطب العيـن
لامن مرض ولا عليه دين
ونيران في القلب تشتبي
جاني خبر جابه المرسول
وقلت له انت ويش تقول
قال امكم شالها المسئول
اطلب لها العفو من ربي
وصار وجهي عليه غيوم
احاول انهض لكن مااقوم
هذا مقدر وشي مقسوم
ماينفع الحزن والطبّـــــي
وقلت اسال الله من لطفه
كل المخاليق في عطفـه
ياخالق الزول من نطفـــه
ونجيت يوسف من الجّبـي
اسالك يالله يارب العرش
يامناجي اللي بلعه القرش
تفرش لها القبر احسن فرش
وطاقه من الجنه تهبّــــــي
اطلبك ياخالق الاكـــوان
ياربي انت عظيم الشان
اطلب لها العفو والغفران
عداد من حج ولبّــــــــــي
امي لك قدرك الغالي
افديك بالمـــال والحالي
حتى لو كانوا عيالــي
وجميع من سار في دربي
والله واللــه ثم واللــــه
حنان الام ماانســـــــــاه
من بعد ماتت وين القاه
لو كان ماتت بقى حبّـي
اناشهد ان الفراق صعيب
غصب عن الزول ماهو بطيب
يقول من جربه تجريب
قلت الصراحه ولا اخبّــــــي
بكيت والبكا ماينفـــــع
عسى نبيك لها يشفع
ندعوك وانت لنا تسمع
لاتترك الحزن يلعبّــي
وصلاة ربي على المختار
وعدد حجيجه مع الزوار
وعداد ماهلت الامطار
من السما غيث ينهبّـي
ام لمــــار @am_lmar_26
عضوة نشيطة
يلزم عليك تسجيل الدخول أولًا لكتابة تعليق.
صح لساااااااانه ملايين
الله يرحمها ان شاء الله .. بصراااحه مبدع ابوتس بقوووه ماشاء الله عليه
الله يرحمها ان شاء الله .. بصراااحه مبدع ابوتس بقوووه ماشاء الله عليه
صح لساااااااانه ملايين الله يرحمها ان شاء الله .. بصراااحه مبدع ابوتس بقوووه ماشاء الله عليهصح لساااااااانه ملايين الله يرحمها ان شاء الله .. بصراااحه مبدع ابوتس بقوووه ماشاء الله عليه
رووووووووووووووووووووووعه صح لساان قايلها
الصفحة الأخيرة
والله يخليـــه لكم يآآآرب
والله يرحم جدتكم وموتى المسلمين