قصيده نسجتها لشابه تزوج بشايب تحت عنوان ( حظي ونصيبي )

حظي ونصيبي
***********
بحكي لكم ماجرى لي من هلي
لشايباً هم رموني
مادروا أني بعز شبابي
وكل الشباب يتمنوني
ولو أطلب الغالي يرخص لي
وفالأخر لشايباً يكون حظي!!!

غرهم بدنيا الزوالي
وانا كبش الفدى ياخواني
صحت وبكيت وأرغموني
لادموع ولارجاوي عندهم أشفعتلي

وفي ليلة من الليالي
على الشايب سروني
ودموعي ماجفت من على خدودي
وراحوا هلي مني ومعاه خلوني
قرب مني ومسح دموعي
وقال أدري أني عليك مفروضي
ودري أن دمعك ماهو فرحة بي
قلبي يابنت الناااس عليك دلاني
قال الوفاء والطيب فيكي
وأنا عهد الله وميثاقه لهنيكي
وماأبي منك غير الحنان والطيبي
والدفا من لمست يديكي
الله عطاني من العز ماسمعتي
ومحروم من كل زين في حياتي
صحيح ضاع العمر ونسيت نفسي
وجريت ورى جمع الأموالي
ويوم صرت بهل مرحله من عمري
عرفت أني أنا الخسراني
عز وجاه لمن تكون لجت ساعة وفاتي
اااااه وش كثر متحسر على مافاتي
لاكن ماينفع الندم لافات الفواتي
ربي حطك بطريق كله عثراتي
حاسس يابنت الأجاويد فيكي


قوليها بصريح العباره لي
أن الموت أرحم من أنك تقرب لي
وأنا مستعد على أهلك أسريكي
ولاكن شي بينك وبيني
أختاري يابنت الناس ولي تبين يتنفذ فالحالي

رديت ودمع وسط العين محتاري
كلامك مازادني غير حب وغرامي
ماأبيعك دام هذا كلامك لي
لو يعطوني وزنك ذهب و ألماسي

وهذا هو حظي ونصيبي
مع شايباً فاقد حنان وطيبي
وهو عندي اليوم يسوى أمي وبوي
وكل طوايف هلي
أنا أشهد أنه مهنيني
وماهو للعازه مخليني
عسى عيني ماتبكيه
ومنه لايخليني
***************
أنتهى

أتمنى بالفعل تعجبكم هذي من كتاباتي إلي ماأعتبرها قصيده بمعنى قصيده ولاكن هي كقصه أدخلت فيها نوع من القصيد حتى تستصيغونها وتستمتعون بقرأتها أحسن من الكتابه العاديه برأي
وهذي بالفعل قصه حقيقيه تأثرت بها جدا ، قصة زميلة لي أيام الثانويه أرغمها والدها من الزواج لشايب تقدم لخطبتها وكانت تداوم بالمدرسه وكأن ميت قد مات لها
لما سألتها مابكي أجابت ودموعها تسابق كلامها
وتقولي بصراخ ماأبييييييييييييييه شايب ياناااااااس مو حرام
كل المدرسه من إداريات ومعلمات وطالبات تأثرو بحالتها
وحاولت معلمة دين التأثير على أمها فردت ( الشور شور ابوها أنا مالي دخل !!! )
وبعد فترة غياب.... جاتنا المدرسه توادعنا تقل ميت بيوادع الدنيا
وتقول :حكمو علي بالموت يوم الخميس وهي تبكي وتبكي
واااااااه لو تشوفون دموعها . تبكي الكافر
وبعد سنه بتمام والكمال على بدايه السنه إلي بعدها جات وكلنا بغينا نشلها من الأرض
أش جمال زادت وش فرحه في وجها متغيره 180 درجه
وحكت لنا حكايتها إلي قريتوها بالقصيده وودها كندا، وبريطانيا ، وتركيا ، وتقول مرينا على مصر لأنها قالت له نفسي أشوفها
تعشقه تحبه تمووووووووت على التراب إلي يمشي عليها ألحين
يمكن لو خذت شاب ماحبته ولاشافت الدنيا هذي كله معه
****************************
وأسفه أسفه على الأطاله وتمنى ردود فعاله

تحياتي