هذه القصيده وقعت بين يداي صدفه لشاعر غير مشهور فاحببت ان تقرأونها
ارجو ان تعجبكم
يابنت يا اللي تلعبي بالطباشير**** الجلد شاحب كثر ما تشخمطينه
مكياجك الكذاب وإيا المناكيـــر**** لعبه جمالك لأجلها تخسرينــــــه
الوجه صفحة حسن والعين تعبير****وجهك كفايه لعب لاتخربينــــه
وقص الشعر يا بنت ماله تفاسير****الشعر نصف الزين لاتقصرينه
لاتقلدي القصات أنسي الكوافير****من صافح الاشواك تجرح يمينه
ولا للقصير ولا لكثر المشاوير****دوم الجواهر للخزاين رهينـــــــه
وكشف الشعر والوجه ماهو بتطوير****الدين هو التطوير كانك تبينه
تنبهي بنت الرجال المغاويــــر****الحرص واجب والجواهر ثمينـه
بنت الاسد أنت وما هوب تزوير****فإن كان غاب السبع أحمي عرينه
منتي بجيفه ينهش الكلب والطير****اصلك شريف بقريتك والمدينه
ولا تزودي بالنعش دق المسامير****أمجادنا تبكي علينا حزينـــــه
مات الشجر ماتت معاه العصافير***والشمس غابت والخطاوي سجينه
اختم قصيدي لك وقول الرجا خير****ثوب العفاف الحلو لا تخلعينه
للامانه الادبيه
شعر/ محمد الفيفي

خلصوا الاسامي @khlsoa_alasamy
عضوة جديدة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️