قصيره وعصقوله وزوجي وامي معقديني

والله اللي اشوفة في السوق كله سمول وبعد فيه اكس سمول --
والقصر فيه شيء اسمه كعب خاصة وانت نحيفة ماراح يتعبك0
الملابس على افى من يشيل روحي للمراكز الكبيرة ونسقي ملابسك0
الجلابيات بعد تقدرين تطلبين من المحل نفسه يعدل لك المقاس0
النظارة استبدليها بالعدسات وفورا ولو تكون ملونه من باب التغيير0
الشعر مايبيله حل اصلا ماله الأ قص وصبغ القص حسب ما يناسب وجهك والصبغة وماتناسب بشرتك 0
ملابس البيت شكلي فيها بناطيل قمصان قصيرة واذا رحتي لهاالمحلات طبي وتخيري00



وفي النهاية احمدي ربك على العافية غيرك يتمناها ووالله اني اعرف ناس كثير قصار ونحاف ولا قصروا في حق نفسهم وخاصة ان هالنوعية يكون شبابها طويل والله يوفقك0

انا ماادري ليش بعض هالبنات اذا شافو قصيرة متزوجة استكثرو عليها مو حرمةالله يجازيهم على قد نيتهم
اختي ما عليك من احد والمفروض مرة ثانية لا تورين احد اغراضك استعينوا على قضاء حوائجكم بالكتمان
المهم انة ما عندك ثقة بنفسك وهذا ماثر فيك اهم شي تحبي نفسك زي ما انتي ضيقة الصدر مو مطولتك ولامسمنتك عشان كذا اهتمي باختيار المناسب لك من الملابس والاكسسوار
الملابس اكثر ما كثر الله المقاسات الصغيرة خاصة البلايز شوفي جنيفر ومس سلفريدج وستراديرفيرس ومانجو والسواني والتنانير خذيك تنورة قصيرة لان الغالب ان مقاساتها صغيرة واشتري تول او كلفة او دانتيل وطوليها حسب طولك عند الخياط
الاكسسورات اشتري شي صغير او متوسط عشان يناسب حجمك ونفس الشي بالنسبة للشنط
الجزم اشتري كعب متوسط لان العالي مايخليك تمشين متوازنة والمتوسط يخليك توقفين وقفة مستقيمة والكعب يكون روكي مريح
النظارة في الايام العادية جربي انك تشتري وحدة ماركة عشان يكون شكلها انيق واذا كانت ميزانيتك ماتسمح اختاري عادية بس يكون حجمها صغير والاطار ملون والمناسبات عدسات ملونة او شفافة

بكمل الباقي بعدين

أختي الغالية قريت موضوعج وحبيت اساعدج............
ومعاي خطوة خطوة راح ان شاء الله يروح عنج هالهم....
انتي احمدي ربج انج ضعيفه غيرج يتمنى>>>>>أقصد نفسي لووووول ماخليت رجيم ماخليت تمارين اريد اضعف ماهو راضي الوزن ينزل...

المشكله الأولى:(الضعف>>>المتن)
انتي تبين تمتنين ؟؟؟؟؟؟؟؟؟؟ عندي لج الحل.........
في حرمة بقطر تبيع وصفة تمتن.....بنت خالتي استخدمتها وطلعت النتايج والوصفه أنا شفتها بنفسي عبارة عن بودره بيضا ويوم شميتها حسيت كأنه ريحت حنا وفي نشا انا ماعرف المكونات بس هاي من الريحه والطريقه انج تبلعين البودره هاي وتشربين بعده ماي ......والصراحه النتايج طلعت واضحه على بنت خالتي كانت عصقوله وسوت خدود حلوه احين وجسمها بعد ماكانت عصقوله صار مثير يعني طلعن التضاريس......
اعتقد الكيلو ب500 درهم.........ها بخصوص الضعف.....

المشكله الثانية( النظارة)
عندج أكثر من حل......
1)تسوين ليزر للعين وبالتالي بتفتكين من سالفة النظارة وتغيرها على كل ماتنزل موضه يديده
2) تشترين عدسات لاصقة طبيه وبالتالي ترتاحين من شكل النظارة البشع
3)تشترين لج نظارة تليق على وجهج وانا دايما افضل النظارة اللي بدون فريم لان من بعيد تبينين انج مو لابسه نظارة وبعدين تليق على كل الملابس وماطيح موضتها..........

المشكله الثالثة:(القصر)
يا حبيبتي القصر ماهو عيب بالعكس يخليج طول عمرج صغنطوطه يعني مايبين عليج الكبر بسرعه......واذا حاسه انها مشكله في حل اللي هو الكعب وانا انصحج بالكعب الدبابة اذا سامعه عنه اييج الكعب على طول الرجل يعني من جدام ومن ورا ها مايتعب في المشي وفي نفس الوقت يطولج....

المشكله الرابعة (اللبس)
يا حبيبتي من قالج مافي شي على مقاسج؟؟؟؟؟؟؟؟؟والله انا احسد الضعاف انه البناطلين الجنزات تي على مقاسهم....
وياعمري اذا مافي بالسوق في شي اسمه خياط ولا عاد ليش مسوين هم؟؟؟؟
انا نصحج تروحين محلات جينفر فيها اشيا روعه وسايزاتهم دايما صغيره
بعد عندج محلات دبنهامز في اشيا عجيبه
وانت نوعي يا اختي لاتمين على استايل واحد عشان زوجج مايمل يعني بنطلون مره ،ومره تنوره قصيره مع بوت ،مره البنطلون اللي تي فوقه تنوره للركبه.
وانصحج حبيبتي تاخذين البنطالين اللي يسمونها (شارلي شابلن) >>حنا في الجامعه نسميه جي اللي كل مانزلت توسع من تحت هالبناطلين بتخليج شوي امتن..
وبخصوص التنانير خذي اللي تاخذ الاستايل المكسيكي اللي تييج واسعه واحين تلاقينها طايحه وايد في السوق.........وعمري اذا شفتي انها ماتناسبج او وسيعه شوي مافي مانع خذها وصليحها عند الخياط صدقيني ويوم بترتبينها على جسمج بتكون روعه........
والجلابيات انا افضل انج لما تشترين جلابيه تودينها عند الخياط وتخصرينها صدقيني بتطلع عليج تهبل الجلابيات اللي يدها واسعه (كلوش) ومخصره رووووووووووعه في اللبس


المشكله الخامسه والأخيرة(المكياج)
حبيبتي المكياج لو بدورين ماركات ولا من دكاكين الهنود ترا كل واحد بس الأهم شو بشرتج؟؟؟
اذا كانت بشرتج اوكي ومافيها حب ترا اي مكياج بيركب عليها ودايما البشره الصافيه تعطي طله حلوة للمراة....
واذاتبين محلات تبيع مكياج ترا عندج كثير واذا تبين نصايحي في المكياج بعطيج عني شخصيا شو آخذ ومن وين:
البيس>>>شي سيدو
كريم الأساس>>بودي شو رقم2
البودرة المغوطه>>>من لانكوم
الأي شدو>>>>ماك
الكحل الأسود>>>نوبا
الآي شدو>>>ريميل
البلشر>>>محلات رد ايرث
اللب غلوس واللب استيك>>>من اي مكان على حسب اللون




هااااا بعد ماقلت هالكلام كله شو نفسيتج احين؟؟؟؟
ان شاء الله بس ماكنت طولت عليج بس الصراحه حبيت اساعدج
واذا تبين تسألين في اي شي انا حاضرة
ولايصير خاطرج الا طيب انتي آمري أمر

الى ام رها اسعدتني كلماتك واحمد الله على الصحه والعافيه بالنسبه للنظاره كثيرين قالو لي ان شكلي بالنظاره احسن لانها تغطي على الانحناء اللي عندي بالانف وحاجزه موعد بمستشفى حكومي مدري يوافقون على العمليه والالا "اختي حبوبة سدير"الثقه بالنفس مهزوزه نتيجة تربيه خاطئه وعنف اسري مدمر ونشأت ولايوجد من استشيره ولامن ياخذ برايي حتى في امر زواجي اشكر لك كل ماقدمتيه لي من نصائح بانتظارك ...عروسه دلوعه حياك الله بالنسبه للخلطات مااقدر اكل شي منها مادري ايش فيها زياده على كذا عندي ارتفاع بنسبة انزيمات الكبد على كلام الدكتور بالنسبه للمقاس حصلت بس مدري ايش اللالوان اللي
تناسب مثل مالاسود ينحف اكيد في الوان وقصات تمتن ووش قصة الشعر اللي توحي بان الوجه عريض و شاكره بالنسبه لنصائحك بالمكياج وبالنسبه للملابس والمكياج استحي اكلف على زوجي عشان التزاماته الماديهو الاقساط اللي عليه حابه تخبروني بس بالاساسيات للمكياج اليوم اول مره احس انه فيه احد افضفض له الله لايحرمكم من فضله

ماشاءالله تبارك الله بالعكس انتي محظوظه لانك ماتكبرين بسرعه...ويناسبك الدلع ..اللي يضحكون عليك بكرا اذا كبروا وعجزوا بيعرفون قيمة نعومتك...

شعرك قصيه قصير واصبغيه بلون يناسب بشرتك ...واللبس مثل ماقالوا البنات بتلقين بكل مكان بس انتي خليك واثقه من نفسك ..وياما فيه اشياء تناسب النعومات مثلك..انا اعرف واحده مثلك بس الفرق ان جسمها عاجبها ولو سمنت كيلو تنهبل وتسوي ريجيم...البسي وتهني وتدلعي وماعليك...