قصيييييييييده لاتخلو من الطرفه

السلاااااام عليكم هذه اول مشاركه لي في هذا القسم وارجو ان تكون مشاركه
جديده
قصيده اعجبتني اتمنى ان تناااااااااااال اعجااااااابكن

كتب
قالـت : تعـال ابغـاك تعـرب لـي جملـه
لا ترتبـك .. خلّـك مثـل مانـت رجّــال
جملـة تراهـا يابـن الاجــواد .. سهـلـه
بـس قبلهـا بعطيـك جملـه للاطـفـال !!
قلت : اصلاً ( الإعـراب ) ماهـوب شغلـه
إمـا إســم .. ولاّ حــروف ٍ وأفـعـال
ولاّ ضمـيـر يـعـود لاشـيـاء قـبـلـه
عِلم ( النحو ) سهل ٍ مثـل شـرب فنجـال !
قالـت : حلـو دام النـحـو تفتـهـم لــه
صدقنـي هـذا شـي مـا جـا علـى البـال
إعذرني واعرب : ( إنّ فـي البيـتِ نخلـه )
قلت : العفو .. هـذي جمـل عيـب تنقـال !
عــاذرك .. لـكـن لا تعـوديـن مثـلـه
الحيـن ابعربهـا ولــك طـيّـب الـفـال
قلت ( انّ ) تنصـب مبتداهـا يَ ( أبلـه ) !!
وترفـع خبرهـا .. تتركـه فـوق يخـتـال
( البيت ) اسم مجرور .. وانحاشـوا اهلـه !!
( في ) حرف جرّ يجرّ فـي كـل الاحـوال
( في البيت ) دام انّه غـدت ( شبـه جملـه )
لازم نسمّيـهـا ( خـبـر إنّ ) بـالـحـال
وْ ( نخلـه ) تصيـر اسـم ٍ لهـا دام شكلـه
ماهـو شبيـه ( المعرفـة ) بـايّ الاشكـال
قالت : تمام .. وقلت انا ادري يَ ( خبله ) !!
جانـي غـرور ٍ خالـط شويّـة خـبـال !
متمـصّـع ٍ قدامـهـا وابـتـسـم لـــه
كنّـي ذبحـت لعينهـا ( ألـف ) رجّـال !!
بْزعمـي ثقيـل اليـا حكـت ألتفـت لــه
وليـا سكتـت ألهيـت نفـسـي بالاشـغـال
مقـرود انـا يـوم ٍ بديـت اعتـرف لــه
قلـت بصراحـة عنـدي شويّـة اشـكـال !
( وحدة ازعجتني صوتهـا صـوت طفلـه )
أكذب , بس ابغى اعلّـم ان عنـدي جـوّال !
وفجأة قْبسَت بـي قالـت اسمـع يَ ( أبلـه )
حـدّك .. تـرى ملّيـت ويكفينـي هـبـال
نفّـذ كلامـي .. خلّنـي مـثـل ( عبـلـه )
وخلّـك معـي ( عنتـر ) كـلام ٍ وأفـعـال
والحيـن حـان اعرابـك لْثـانـي جمـلـه
وان ماعرفـت اعرابهـا جتْـك الاهـوال !
إحـذر تفلسـف .. واحـذر تقـول سهـلـه
واحـذر تقـول انّـه بعـد عيـب تنقـال !
واحـذر تقـول ( النحـو ) ماهـوب شغلـه
واحذر تقول انّ ( الخبـر ) فـوق يختـال !
أعـرب ( أحبـك مـوت ) مـن دون مهلـه
عجّل علي دام ( النحـو ) شـرب فنجـال !!
قلت : اسمحي لي مرتبـك حيـل يَ ( ابلـه )
قالت لي : اخلص واترك اعـذار الاطفـال !
**************************
الحيـن ابعربهـا ولــك طـيّـب الـفـال
كلمـة ( أحـبْ ) فعـل ٍ تـمـادى بفعـلـه
وال( كاف ) مفعول ٍ على ( النصب ) محتال !
باقي لي ( مـوت ) ومـدري شلـون شكلـه
يمكن ( صفه ) قالت خطا , قلت اجل ( حال )