قصي شعر بــنــيــتك بنفسك

مسااااء التماسي ياورد جالس على الكراسي

كيفكم حبيباتي .....ورمضان كريم قبل الزحمه

شوفو لو تلاحظون كل مواضيعي خسارة لي هههههه
واكسبكم فيها ....بس زبايني شكلهم ركبوا جنحان
وطاروا بعد....
يمكن اغلبهم من المنتدى ....ههههه مين عارف

************* أنا طايحه بهالورعان قص اللي
عندي بالبيت ....

وبما إن ليله العيد الحلاقين زحمه ....فقلت يا سموووووره علمي بنات الجمال كيف يقصوا
بنفسهم أفضل وأقل كلافه ....وأريح بال
ما تدرين عن مدى نظافه الأجهزة والمقصات خاصه الهنوووود

نبدأ الدرس .....يله يا معين :

= * = * = * = * الأدوات ::
- مسكه للشعر
- مقص
- فوطه للكتفين
- دبابيس


= * = * = * = *طريــــقه القــــص ::
طبعا تحضرين الطفل الي راح تقصين له >>>> الله يعينه
وتحطينه بالكرسي
وإذا كان واطي عليكي ارفعيه بشي ....يعني حطي تحته
تكايه أو ستاندر أو اي شيء يرفعه لك على مستواكي.........اوكيه
اسم الله على قلب طالباتي لاتخرعون ...البنيه شوي مو صاحيه من شكلها هههههههه


- سرحي شعر الطفله زين ما زين ..وفكي كل تشابك..
واذا فيه علوك ولا شيء افركيه بالثلج ههههه
وتأكدي من الأطوال


- الحين راح تحددي القصه اذا تبينه دائري ولا كيف ....
بتحديدك للشعر والقصه من قدام ...واختيار مسارك بالقص
يعني مع غره
افصليها الحين


-الآن ابعدي الشعر الزائد عنكي ....بربطه من الجوانب بكلبس
أو دبابيس ....ولازم الشعر مبلول
وصارت القصه واضحه لك


- ارفعي الشعر الزائد الموجود بالشباكه الكبيرة
علشان تعملي وتبدعي صح في القص
ودائم قصي اقل علشان يزبط مو تحشي شعر البنيه انتبهي حطي في بالك انه راح ينشف ...ويرتفع فوق وهذا مو طوله الحقيقي بس لأنه مبلول


- ابدئي حبيبتي باسم الله وقصي بشكل متساوي وخلي البنت
تغمض عيونها .....وتحاول قدر الامكان توقف من غير حركه

ما أدري بس صرت أتعامل معهم عادي حتى تبكي وتتحرك ...وانا ولا هنا
أتصرف بكل برود لأن هذا قص ...ويقعد شهور ما يطلع الشعر
أو يطول


- الآلآلآن حددي ماذا تريدين بالضبط عملتي غرة
طيب وبعد
تبين دائري ...ولا قصه الطاقيه مرة دائريه ولا مربعه
ولا كيف ازيلي الكبسات وحددي


- قصي وشذبي الأطراف ....أو على الأقل القصه القديمه معجبتك

اعملي ستبس
ومعناتها مرور على القصه القديمه بالمقص
فكأنك تجدديها مرة ثانيه


راااااجعه