قص شعر الاطفال

بنتي كان شعرها خفيف وفلافل خخخخ صرت اقصصه عند الحلاق والحين ماشاء الله تغيرت نوعية شعرها وصار ناعم وكثر انتبهي لا تجيها المكينة ولا الموس بس بالمقص والحين صرت كذا بعيالي كلهم وتزين شعورهم وتكثر ماشاء الله لاقوة الا بالله.

قصصوه انتو في البيت اي خصله ملتقه قصيها ..ماراح يبين.....


اختي كذا تودي بنتها للحلاق وبعض الحلاقين يرفضون..الله لايشق بنا ابد امسكي الخصله وقصي الملتف..والواجهه خليها مستقيمه..


بنتي حلقتها من عمر شهرين ...وكبرت في الاشهر زينبس بعد سنه صار فلااااافل ناعمه عانيت من شكلها بس اقصصها انا الملتف اقصه....والحمد لله الحين زين..

• مو عالعموم ان القص يزين نوعية الشعر بنتي من صغرها اقصه والحين بتكمل سنتين ونفسه ماتغيرر ابد

انا عندي بنات تؤم عمرهم سنتين وحده ناعم وبني او اشقر غامق وخفيف لكن ملفلف وطوله مو متساوي
والثانيه اخشن شوي ونافش ويميل لسواد وطويل من فوق وقصير من تحت لكن اذا مسكته ببكل يطلع طويل ويتظفر
وعجزت وانا اطلب ابوهم ابغى اوديهم مشغل عشان يواسون طوله ورافض واتبهذل كل ماجينا نطلع ومايرضى لازم اسوي لهم ظفيرتين يقول ينفش اذا لميته مره وحده
وكل اولادي يرفض الحلاق او المشاغل البنت الكبيره كان نفسي حلقتها يوم كانت صغيره لان شعرها الان صح طويل لكن يتلفلف ويتشابك وينفش بشكل جنوني كدش غير طبيعي وتعقدت من البنات بالمدرسه يتمصخرون عليها مع اني احاول ارتبه لكن تبغى تفكه مثل صاحباتها واذا فكته نفش كالعاده وحتى افكر افرده لها لكن الكل يحذرني من الفرد
والولد هو احسنهم شعر بس برضه كان يرفض احلقه لين كبر وصار شكله مو حلو اذا طال شعره والحين الحمدلله مايخليه يطول على طول يوديه الحلاق يحدده بالمقص
مدري وش اسوي اتمنى يوافق اتلاحق على شعر التؤم واقصهم لهم نفسي لما نطلع البسهن ربطه او فيونكه واخليه مفكوك لكن مع شعورهن الحين ابد ماينفع شي قصير وشي طويل مو متساوي