السلام عليكم ورحمة الله وبركاته
مين إلي قال إلي يقدم في رابط الأخت نورة العتيبي ظلم ؟!! 
ماهوا ظلم ابدا اصلا هيا ما سوت الا حصر عدد فقط لا اكثر ولا أقل ،والديوان الملكي كل الناس تقدم فيه مطالبها سواء شخصي او بشكل جماعي ،ومو قاصر على مشاكل التوظيف والتعليم بل تشمل كافة قطاعات الدولة من الصحة والزراعة وغيرها وغيرها من جوانب 
والديوان الملكي هذه هي وظيفته الإساسية ،الرقي بالدوله ومواطنيها والحد من المشاكل ورفع مستوى البلد.
وهما كيف راح يعرفون اننا قديمااات وغير موظفات !!!!
(الإطار الذي لا يحدث صريرا لا يحصل على التشحيم )
ومن يوم قامت الأخت الفاضلة نورة العتيبي بالفكره وناس مؤيدين وناااس معارضين وناس يحبطوا وناس يمنعوا  وناس متشائمين ليه هذااااا كله لا حول ولا قوة إلا بلله (خلو الناس في حالهم)
هوا مو بالقوة إلي حابه تسجل تسجل وإلي ما عندها رغبة مو ضروري بس المفروض محد يخوف ويقول هذا ظلم وهذا ما يسير 
وهدي الدين وسنة الرسول الكريم تحبذ التفائل بالخير ونهى عن التشائم والرسول علية الصلاة والسلام كان يحب الفال ويكرة التطير والتشائم وتحبيط النفس او تحبيط الغير هذا من التشائم
من حق اي مواطن انه يطالب بأقل الحقوق وكله من عند الله خير 
نحن راضين انو يدخلونا في جدارة ويوظفوا بالنقاط سواء الأقدمية او المعدل وحتى ندخل إختبار كفايات قياس ما عندنا مشكلة نهائي بس يطابقوا ويرشحوا!!!
اصلا نظام جدارة نظام اكثر من رائع في عدل، ونهائي ما في ظلم لأحد(ليش التحبيط )
انا ليا 12 سنة متخرجه وعمري قارب على الأربعين يعني متى ما شاء الله اتوظف ؟؟؟؟!!!!!!!!!!
يعني لما ازوج عيالي وأسير جده !!!!!!!
هيا ارزاق من عند الله بس ما يمنع الإنسان يأخذ بالأسباب وهذا برضو من الدين والسنة النبوية( إعقلها وتوكل ) 
أي نعم في ناس توظفوا بالواسطه ربي يبارك لهم هذا رزق من المولى ، جعل الواسطة سبب في وظيفتها ولو شاء ما وظفها لا بواسطه ولا غيرها .
انا ليا زميلات في الجامعة بعد التخرج بي سنه توظفواما شاء الله تبارك الرحمن مرررره فرحت لهم  يعلم الله ، أسال الله ان يرزقنا مثلهم يااارب 
هيا المسالة مو توظيف أو غيرة هيا المسالة إيمان بلله عزوجل ،وكل ما اترفع إيمان الإنسان أرتقى بنفسه وأيقن واطمئن انه رزقه محفوظ عند الرزاق وقت ما يشاء كيف مايشاء أين ما يشاء .
فيارب لك الحمد من قبل ومن بعد إذا توظفنا الحمدلله وإذا ما توظفنا لله الحمد والمنه ، كله خيررر سواء في تأخير الوظيفه او عدم الوظيفه لأنها ارزاق من السماء وماهي بيد اكبر شخص في الدنيا (والله يعلم وأنتم لا تعلمون)
حملة الحصر الغير رسمية من الأخت الفاضلة نورة العتيبي جزاها الله خير نحسبها كذلك والله حسيبها ما فيها أي شيء ، ورقم السجل المدني مين راح يأكلوا !!!!!!!!!!!!!!
الحمدلله سجلنا وتوكلنا على الله إن احد سمع لهذه الحملة فخطوة طيبه وان ما سار شيء الحمدلله نحنا كما نحن .
وبعدين دائما الإنسان يحسن الظن بلله أولا وثم بالناس ،ودائما يصفى قلبة ويخلي نيته طيبه ، النيه الطيبه دائما تخدم صاحبها ،ودائما الإنسان يحب لغيره مثل ما يحب لنفسه ،ويفرح لهم في كل شيء حتى لو ما أملك مثلهم وما يمنع ان أدعو الله ان يرزقني مثلهم وزيادة ( كله من عند الله )
أسال الله العظيم الرزاق الكريم أن يمن على كل وحده بالعفو والعافية ثم الوظيفة إلي تتمناها وربي يعطي كل وحده على قد نيتها .......

سبحان الله امس كنت مو في بيتي وناسيه سنت التخرج قلت يلا اذا رجعت بيتي شفت الوثيقه وسجلت في الحصر وجيت الحين بسجل طلع لي تم ايقاف الحصر

الله يجعلها خيره

بس ايش سبب الايقاف اكتفاء ولا شي ثاني؟
يلي تعرف السبب تطمنا

السبب انه نورة العتيبي حددت وقت معين ولم تقصر في ذلك يعني كان في فترة كافية للجميع لتسجيل بياناته
وبما ان موعدها اليوم مع الديوان الملكي كزيارة فقد حان وقت تسليم الاسماء وارفاقها مع الخطاب 

هلا أختي بنفسج
اكيد خيره ، بس ما عليك أختي ادخلي لها في الخاص في تويتر وكلميها واعطيها بياناتك  لو قدرتي ، هذا شيء
الشيء الثاني لا تشيلي هم هوا لو تقدم الموضوع وصار رسمي ما عليك اكيدددد راح يعملوا حصر جديد عن طريق الخدمة المدنية 
ماعليك بردي قلبك 
وربي يرزقك كل خير يا شريطه😍😍😍
موفقه بإذن الله ،،،،،،،،

امين وياك يارب
دخلت على حسابها بتويتر وعرفت ايميلها وارسلت لها بياناتي مع توضيح تاخيري