قضية خطييرة (التحرش بالاطفال)قصص مروعة

اللي خلاني افتح الموضوع هذا هو انتشار هذي الظاهرة بكثرة وبشكل مرعب خاصة في الوقت الحاضر وللأسف مافي برامج توعوية رغم انه كثيرين تعرضوا للتحرش والقصص المرعبة اللي صرنا نسمع عنها
قبل فترة قريت عن وحدة تقول كنت في المستشفى الا بنت صغيرة داخلين فيها والام تولول وتصيح تقول حاولت اهديها وقلت ايش صارلها قالت ابوي اللي هو جدها اغتصبها سرت في جسمي قشعريرة مولاني استغربت الموضوع لانه ماهو غريب لكن لانه انعدمت الثقة حتى في اقرب الناس
عندنا في الحي كل فترة نسمع ان في ولد انخطف ولد كان مع اخوه في الشارع مرت سيارة قال صاحبها للولد الاكبر جيب لي موية عطشان راح وخلى اخوه خرجوا مالقوه وغيره كثييييييييير

الكارثة انه ماصار هذا الموضوع يقتصر على البنات لاصاروا اولاد وبنات وكل الاعمار لكن ماالاسباب والعلاج من وجهة نظري :

اولا الاولاد بصراحة صاروا في لبسهم وقصات شعرهم مثل البنات لدرجة انه احيانا منفرق بين الولد والبنت واهلهم يدلعوهم مثل البنات حتى طريقة مشيتهم يعني مثلا الولد لما الام تلبسه شورت قصير جدا لحد الفخذ والقميص علاقي كيف ماتبغى احد يلمسه واقصد الطفل في جميع الاعمار خاصة لما يكون الطفل ابيض ومربرب عوديه دائما يلبس تحت الركبة حتى اسلم له من العين

ثانيا لبس البنات وما ادراكم ما يلبسون بصاحة صرت نادر ما اشوف البنات الصغار لابسين مستر الاقليل بديهات وتنانير قصيرة جدا اوبناطيل ضيقةاوكثر مااشوفهم في المستشفى وانا في الانتظار البنات من كثرماهم ملابسهم قصيرة لماتجلس تبان ملابسها الداخلية والامهات صاروا يتنافسون اللي تلبس بنتها لبس متعري هي اللي تماشي الموضة وهذا موتعميم فيه امهات اشوف بناتهم صغار لابسين عببايات يهبلون بسم الله عليهم يعني حاولي تلبسين بنتك عباية مولازم طرحة وهم اساسا ينبسطون فيها

ثلاثة مراقبة اطفاكم لايغيبون عن نظركم حتى خلاص يكبرون ويصيرون يعتمدون على انفسهم لاتقولي بروح زواج واخلي اولادي عند اهلي ولامدري مين اهلك فيهم الخير والبركة لكن ماتدرين مين يزورهم او يروحوا عند احد لاتامني اطفالك الا انتي او ابوهم ختى الاب وعيه لهذي الامور ولاتخليهم لوحدهم خاصة اذا رحتي زيارة احيانا بنتك تلعب مع البنات وصيهم لاتقفلوا الباب ادخلي عليهم من فترة لفترةوالاولادبعد
اربعةالقنوات الفضائية حتى الكرتون ماسلمنا منه كله يبوسون بعض ...الخ والمسلسلات خاصة التركية اعوذ بالله والله اني اعرف عوائل يتفرجون هم واطفالهم عليهاوالاولاد والبنات يقولون في بالهم دام اهالينا يتفرجون معناه ذي الاشياء عادي خاصة البنات المراهقات الله يستر على الجميع
خمسة التوعية وعوا اولادكم دائما وكرروا عليهم اذا اجد لمسهم في المثلث اللي هو الذراعين واللرقية والاعضاء اسفل انهم يخبرونكم على طول واللي اطفالها في المدرسة خاصة الاولاد الصغار ياما سمعنا قصص تدمي القلب يجي واحد يقول ابوك تعطلت سيارته وانا صديقه بوديك البيت علميه مااحد تركب معاه الاابوك طفل في الابتدائي جاه واحد قال ابوك تعطلت سيارته وارسلني اخذك وفعلها معاه وقال لو علمت اهلك اقتلهم كلهم وصار ياخذه كل يوم لين طاح الولد وعرفوا

اهم شيء واخر شي كل يوم حصنوا اولادكم واستودعوهم للرحمن واعوا لهم

ليكن شعاركم ابناؤنا فلذات اكبادنا امانة في اعناقنا

بصراحة عندي كلام كثير لكن ماحبيت اطول عليكموما تمناه منكم المشاركة والتعاون في ذكر الاسباب والعلاج ومن مرت بقصة تحرش كيف تخطتها لاخذ العظة والعبرة :)