قطات الاستراحات والبر

عندي زوجة اخوي تصير بنت عمي دايم تطلع معانا ولها سنين طويله معانا فوق ١٥ سنه نطلع مكان نكلمها واذا قطه مرات امي تدفع او نخليها تجي بدون قطه لان اخوي مرات يقول م معاي وكذا وكنا ماشين تمام لدرجة امي مرات تقط عنها لذا طلعنا مع بنات اعمامي وبنات خالاتي هاذا زمان الحين اخوي ماشالله توظف وظيفه حكوميه زينه له سنتين ويعطي زوجته مصروف شهري فوق ٣٥٠٠الاف لها والعيال طبعا اكل وشرب فقط ومصروفها هي قالت هالكلام الخاص ومرات يعطيها تكثر الله يزيدها ماتدخلنا لو يعطيها راتبه كله.الحين خلال هالسنتين اذا عندنا استراحه او بر تطلع معانا تجي بس ماتقط معانا ابدا لو بريال ولا تشتري لعيالها أبدا تخليهم يصارخون وسيكون وامي تحن عليهم وكانت اخوي قال والله معطيها اللي مكفيها وزياده ومصروفها معاها ومرات يعطي عياله اذا طلبوه بالاستراحه وكذا تاخذها منهم وماتشتري لهم ماعندها مشكله يبكون لين احد يتبرع لهم من الموجودين مخليتهم زي المساكين الحين صرنا نتفشل منها مره وربي مره قطينامه بنات خالاتي وبنات اعمامي عشاء بخرجة بر حضرت ليتها اعتذرت اهون هي عارفه الخرجه بقطه تجي وتتفرج فينا وتقول مابغى اكل معاكم وامي تخليها تأكل وتشتري لعيالها عادي وربي كذا مره تسويها تجي واذا قالو هاتي القطه تقول مابغى اكل وتجلسس تتفرج فينا وفلوسها معاها الحين الكل يزعل اذا يقولون هي متعمده ماهي مره ولا مرتين ولا ثلاث دايم كذا طبعها قبل من كان المصروف على اخوي كنا نقول يمكن ما معاها ماعندهم لان كان اخوي شركه وظروفهم مو مره واذا جلست قدام اكلنا تحسون نفسها تأكل تقول ليش ماتخلون بدون قطه احلى طيب من يدفع الاكل دام الاكل م يبغى يقط؟
واذا قلنا هاتي القطه قالت م ابغى اكل وربي تحير هالاداميه
واخوي من النوع اللي يدفع ما يقول لا ابدا يحب يونس عيالها ونفسه ماعنده مشكله بالفلوس أبدا ماشالله عليه الحمدلله عندهم بيت ملك وسياره عشان لا تقولون تجمع تبغى تشتري شي وبيتها اثاث كامل قبل كانت يازينها واخوي يزعل علينا لو نقول لا تجيب زوجتك لان جمعتنا الحريم يخططووون والقطه يجيبونها الحريم ويجهزون كل شي
الحين وش الدبره معاها كيف نخليها تقط وضعيه امي دايم نقط عنها واذا قلنا لاخوي هات القطه منها نخاف تسوي مشاكل معاه او تقول مايبغوني وتصير مشاكل