قطاوتي الصغار يدننننننون

السلام عليكم بنات حواء الحلوين

قدر الله علي بقلب رهيف حنون يحب الحيوانات :) << وش تحس فيه !!!

ايام المطر والغبار والحوسة في الرياض قبل أسبوعين شفت قطاوة صغاااااار

لعب الهواء والمطر فيهم لعب ومالهم أم والسيارات رايحة جاية لين دعست واحد منهم

مالكم بالطويلة خذيتهم قلت أكسب فيهم أجر لين تهدى الأوضاع وارجع اردهم

حبيتهم يابنات يدننننون بسم الله عليهم ومررررررة لعابين وكيوت

بس المشكلة عندي دوام وعيالي صغار مايعرفون لهم بهذلوهم كذا مررة بغوا يموتهم

قلت والله بدل ما أكسب أجرهم شكلي بشيل وزرهم ولا عندي مكان لهم بعيد عن عيالي

تكفون وش اسوي لهم وربي تعبووووووني عيالي معهم مايفهمون ان اللي يسووونه فيهم حراااام مايصير

لأنهم صغار حيل مايفهمون ان هذولي روح مايصير كذا ؟؟؟

طبعاً هم مايسوون لهم شي غير طريقة شيلهم لهم بحد ذاتها تعذب ويتركونهم فجأة
لا شافوا لعبة او شي يعني المسيكين القطو مايدري عن نفسه الا وهو بالأرض :(

بنات اللي تبيهم وتحب القطاوة وتقدر على تربيتهم وتبي تاخذهم

تعلمني وانا مستعدة اتنازل عنهم لها بس اهم شي القطاوة المساكين يرتاحون ويفتكون من عيالي