هذا قطايف تعلمتها من وحده سورية
اعيالي وزوجي يحبونها وااااااااااااايد
وياااااااااااازينها من تعلومه والله رهييييبه انا استخدم ربع المقادير تعطيني تقريبا 13 حبه
بس يبالها اشوي دقه تلتزمين باللي اقوله
وهذي اقياسات الاكواب المعيارية 250 مل
قطايف
المقادير
2 كوب سميد اللي بالقوطي الاحمر"ناعم" + 2كوب طحين + 3.م.سكر = يخلط
0.5 كوب ماء دافئ + ملعقه كبيره خميره + ملعقه صغيره سكر = يخلط ويترك 5 دقائق
الطريقه
1_تضاف الخميره لخليط السميد.
2_يضاف 4.50 كوب ماء دافئ ويخلط ستتكون عجينه لينه تغطى وتترك 20 دقيقه.
3_تحضر العجينه ويضاف لها ملعقه صغيره باكن بودر مع ربع كوب ماء
4_تحمى المقلاه ويتم الخبز على شكل دوائر صغيره من جهه واحده فقط استخدمي ربع كوب المعياري لتظهر لك حبات متساوية واضبطي النار على حراره متوسطه
5_ستتكون لديك 35 حبه تقريبا احشي من الجهه الغير مخبوزه واقفليها جيدا بالضغط عليها باطراف اصابعك اقفليها جيدا من جميع الاطراف
قومي بخبز 5حبات وحشوها على الفور لكي لا تنشف وبالتالي يصعب قفلها وههذا شكلها من ورا ومن جدام
الحشوات
1_جوز مفروم"عين الجمل" +لوز+جوز الهند+سكر+جرفه.
2_حشوه اخرى ( ربع كوب حليب بارد+4 ملاعق كبيره نشـأ)يخلط مع بعض ويضاف على نصف كوب حليب ويخلط ويرفع على النار ..... اول ما يثقل يبعد عن النار ويضاف القليل من الفانليا و3 ملاعق سكر ونصف علبه قشطه ويخلط ويوضع بالثلاجه نص ساعه او عادي برع لو بتستخدمينها مباشره
القطر
1كوب سكر + ثلاث ارباع كوب ماء + قطرات ليمون =تغلى لمده 5 دقائق.
*من الممكن عملها الصبح واستخدميها متى اردتي طول اليوم ولكن ضعيها بالثلاجه
*قبل الخبز ادهنيها بالزبده اللي تكون على درجه حراره الغرفه من الجهتين واشعلي الفرن من فوق أول ما تنشف اقلبيها واتركيها تنشف اخرجيها واسقيها بالشيره البارده انتبهي تراها تسنشف بدقايق
قطايف عصافيري
1-نفس العجينه ولكن دوائر صغيره تقفل نص قفله من غير حشوه وتدهن بالزبده وتدخل الفرن أو تقلى.
2_بعد الخبز يوضع بالفوهه أو الوجه القشطه فقط دون اي زوائد وترش بالفستق ويوضع عليها الشيره أو العسل.
وهذا الشكل النهائي
