قطر<<محلات نسائيه مقاسات كبيره ,, ومحلات اطفال

عندنا وايد مجمعات كبيرة مثل الستي سنتر - فيلاجيو - حياة بلازا - الاندمارك - المول ... اذا بغيتي الاسواق العادية عندج سوق الجبر فيه اشياء وايد حلوة واسعارها مناسبة وتحصلين مقاسات كبيرة ... فيه محلات سناء عندهم اشياء حلوة ولهم فرع في الستي سنتر ... لا يفوتج سوق واقف ... شي خيالي .. سوق شعبي تحسين وانتي فيه انج رجعتي ايام الستينات ... فيه مطاعم شعبية وعالمية ... فيه اشياء حلوة للحريم .. جلابيات وشيلات وعبايات

اولا حياج الله في قطر وانا في الخدمه اذا بغيتي اي شي ولا يردجّ الا كيبوردج
اولا بالنسبه للحلويات اذا تبين شي شعبي مثل الرهش والمعمول والمقطوع والحلوى العمانيه
فيه محلات واااايد في سوق واقف تبيع هالسوالف وكل انواع الحلويات الشعبيه والغير شعبيه
فيه محل اسمه الزباره هذا يبيع كل شي يتعلق بالظيافه من سكر الماركات والسكر اللي بالزعفران والحبق
والمعمول والحلويات واغراضه الضيافه وعنده بعد نافوره الشوكلاته ونافوره العصير معروضين برا على طاوله
والسوق مليان محلات حلويات ويبيعون بالجمله والمفرق واسعارهم ارخص من براااا
وعندج محل هظيم بتلاقينه على الزاويه عند اشارات سوق واقف واضح مكانه هذا يبيع كللللللل شي من الحلويات الشعبيه بتحتارين بصراحه وفيه محل في فيلاجيو اسمه هيل وزعفرن كويتي(الظاهر انه كشك مش محل مب متأكده ) يبيع الحلويات الكويتيه
وفيه محل يبيع حلوى عمانيه رهيييييييبه (الدوحه كلها تشتري منه) اسمه الخويرات للحلوى العمانيه عنده اشكال وانواع رههههههيبه للحلوى بس لازم تطلبين قبلها بيوم او يومين اذا تبين كميه كبيره والحلو فيه بعد انه تقدرين تطلبين منه يعبي الحلويات في علب صغار مع ملاعقها يعني استخدام مره وحده
عنده الحلوى السلطانيه والمسقطيه كل وتقدرين تذوقينها عنده وتطلبين
بس موجود في المعيذر في منطقه سكنيه مش في منطقه اسواق في شارع المعيذر التجاري اذا تبين الوصف لا تترددين
وبالنسبه للمقاسات الكبيره في المولات فيه فيلاجيو محلات للمقاسات الكبيره في روحي له وبتلاقين وفيه في رويال بلازا في اخر الطابق الاول وفيه في اللاند مارك محل ايفانز وماركس سبنسر وطبعا الستي سنتر في محلات للمقاسات الكبيره والماركات العالميه
و فيه سوق الجبر فيه المحلات اللي فوق يبيعون ملابس جاهزه بضاعه تركيه والمقاسات متنوعه كبير وصغير
ونفسها بالنسبه لملابس الاطفال وترى فيه بالستي سنتر محل كبيررررررر اسمه سناء هذا يبيعون ملابس ماركات بس ما انباعت (اللي ما انباع في المحلات الاساسيه) والمحل رخيييييييييص وفيه كل شي للنساء والاطفال والاولاد والرجال
انا مارحت له الفتره الاخيره بس ان شاء الله بضاعته حلوه وتناسبج

وترى بالنسبه لمحلات المقاسات الكبيره مب وايد ومحدوده
بس اذا انتي من اللي يحبون يخيطون ممكن تمرين على سوق الديره (بينه وبين سوق الجبر شارع السوق مكيف واغلبه محلات اقمشه) راح تلاقين حراير رهيبه وكل انواعه الاقمشه اللي يحبها قلبج وترى بضاعتنا في الاقمشه احلى من الجاهز وغير عن بضاعة السعوديه لانه عندي اهل في السعوديه لازم ذا زاروني يجون السوق هذا وياخذون اقمشه لسنه جايه ويحبونها لانها حلوه وراقيه وغريبه و مب موجوده عندهم
هذا عندي واللي اقدر افيدج فيه اذا عندج استفسار ثاني ارسلي على الخاص لاني اضيّع المواضيع

IUIe ,والغلا99 اشكركم ***
من اعماق قلبي على هذا الجهد الكبير واراد الوفي
,,[جزيتم خير























كم
+++++