عليك بالرشاد والعنزروت اذا بتسمعين نصيحتي

الرشاد تاكلينه مع التمره لانه بالايام الاولى من النفاس مايصلح كثره وبالعشرين الاخيره تاكلينه مع سميرا يعني كاس رشاد وكاس سميرا وتخلطينهم مع بعض وباليوم تاكلين 6 ملاعق بس بالعشرين الاخيره

اما العنزروت ياعيني على العنزروت منظف قوي للرحم

الله يسلمك طريقتي بالعنزروت اجيب علبة مويه واحط فيها ملعقتين كبار عنزروت ثم اصب عليه الماء واخليه مااحركه

بعد نص ساعه رجيه قوه ثم الله يسلمك تشربين منه الفجر فنجال مليان والعصر وبالليل

بس خليه بمكان بارد عشان مايصير فيه ريحه واذا جيتي تشربين دفي بس الفنجال عشان مايخرب

ومع القهوه ضروري الله يسلمك تاخذين من مخلط القهوه تحطين ملعقه صغيره بالفنجال وتصبين عليه القهوه وتحركينه وتشربينه

انا مااطيقه بس اشربه دفعه وحده

المخلط هو (نص كاس عنزروت مطحون _ نص كاس محلب مطحون _ قد الظفر صبر دقيه مره واخلطي المكونات مع بعض)

وحطيهن بعلبه واذا جيتي تقهوين ضروري تاخذين من هذي الخلطه

اخر شي اشربي كل شي دافي وكولي اكل سنع مو رز ومكرونه وفطاير ومدري وش بعد والله اني توي اتحسف على كل يوم

راح من النفاس وانا ماتغذيت زين

كولي مطازيز خليه يدفي الرحم ويثقله عشان اذا ثقل الرحم تنضف عندك كل شي

اشربي شاهي الاعشاب هو

ابقولك المقادير بالكاس وانتي اذا خلص المقدار زيني ثاني

كاس قشر قهوه مطحونه
نص كاس دارسين مطحون
نص كاس زنجبيل ناشف مطحون
نص كاس كمون مطحون
نص كاس نونخه مطحونه اهم شي النونخه

اخلطي كل المقادير مع بعض
الصبح اذا قمتي حطي بالزمزميه الي تجيك لتر حطي 3 ملاعق كبار من شاهي الاعشاب وصبي عليه ماء مغلي
وسكري عليه خليه ربع ساعه بعدين حركيه وكل ماطرا على بالك اشربي كاس مليان اهم شي انك باليوم الواحد تخلصين
زمزميه

المعذره والسموحه طولت عليك

التبخر بالايام الاولى مظر بالرحم ويسبب التهابات فظيعه

الله يفرج همك

انتبهي من المسكنات هي اللي توقف نزول الدم عليك بالاشياء الساخنه واذا حصلتي عشبة الرزنه تنظف الرحم تنظيف عجيب عن تجربه ولها اسم ثاني عشبة المدينه

انصحك بالبابونج لانه منظف فعال للرحم ، وممكن تمسحي منطقة الأرحام من الخارج بماء دافي معه ملعقه صغيره زنجبيل مطحون بس مو اكثر من ثلاث مرات والله يشفيك ويعافيك.