السلام عليكم ورحمة الله وبركااته :2thmup: كيف حالكم يااحلوين :king: حبيت افتح موضوع عن قطعه من الجنه >>على الارض تمشي>>((أمي الغاليه)). وكل ام غاليه من امهاتكم الله يحفظهم. حابين نذكر مواقف تدل على حبهم ومشقتهم في تربيتنا والخوف علينا والحرص حتى واحنا كبار امهااات. . نستفيد من المواقف وشعور كل واحده فينا تجاه تقصيرها وسعيها لبر امهاتنا طبعا ماننسا الاب الغالي بس الام غييير وحبهاا وااضح حلوة اللبن. ببدأ اذكر لكم بعض الموااقف البسيطه عندنا اللي تعبوا هم فيها. امي الله يحفظها تعبت تعب الله يجزاها صحبة الرسول ياارب في الجنه جزاته. اول حياتها تعبت في تربيتنا لانها خلفتنا ورااا بعض حنا 9الله يخلينا سند لها ويعيننا برها اولا اكبر اخواني هذا قصه لحاله لعمر 30 وامي كانت تعيش بمعاناه معه الله يسامحه والحمد لله ربي هداه وصرف شره وتزوج والحمد لله تغير بفضل الله ثم دعوة الوالدين 180 درجه بس للان ماانسا الليالي اللي كانت تسهر تنتظره على جمر وماتلاقي منه الا خصام لمن يرجع والله اذكر كان يقفل الباب في وجهها باقوا شي عنده عشان تقومه للصلاه الله يسامحه ومع ذلك كاان ولدها الغالي ياطيبة قلب الام . المهم مااطول عليكم الله يقدر اخوي ويقدر يعوضها عن الطيش ايامها. ومن المواقف معاناتها مع اختي الصغيره عمرها 10 سنين. معاقه الله يشفيها ياارب ويرفع عنها البلاء من يوم ولدت كانت تصرع بعدين تأخرت بالمشي ومامشت الا بعد 3وللان ماتتكلم والعمود الفقري عندها رايح في جهه والحوض بجهه وكل ماكبرت تزييد معاناة امي معاها والمشكله الوالد رافض اي شغاله بالبيت بحجه البيت ضيق وكله ذكور وامي مرات تأيده ومرات تحاول تقنعه بس للان ربي ماكتب الا انها هي تاخذ اجر بنتها الله لايحرمها من الجنه ويصرف عنها النار ياارب. افدااها بروحي هذا غير مواقفها معانا بنفاسنا ترفض نتنفس ببيوتنا وتزعللل اذا ماقعدنا عندها الا اسبوعين. وربي احززن عليها اني اكلف عليها والمفروض انا اخدم رجولها تصر الا تنفسنا وتصحا مع الفجر تفطرنا تقول لازم النفاس تتغذى وهي يااقلبي اللي لازم ترتاح مو حنا فاخر نفاس رفضت اتنفس ببيتي وماطولت عندها زعلت علي وشالت هميي يارووحي عليها. واخر موقف الحين لمن يجيها مسج بالجوال تدرون وش تسوي لانها ماتعرف تقرا ؟؟؟؟. تتصل على كل عيالها وبناتها المتزوجين تتطمن عليهم تقول جاتني رساله قلت لايكون فلان او فلانه فيه حاجه وارسل لي كول مياتعبتنا واحنا نفكر وش يجازيها من بررر والله لو تطلب عيوني فدوة لها. ادعو لها بطولة العمر ويشفي اختي ويعيننا على برها. صرااحه امي مدرسة في الصبر والعطاء الله يقدرني اصير مثلها واحب عيالي مثل حبها لنا والحين جاا دوركم بذكر مواقف حرص امهاتكم عليكم ناخذ منها دروووس نطبقها بتربية عيالنا وآسفه اذااا طولت عليكم بس مثل ماقلت امي جنه تمشي على الارض ولمن نوصف الجنه نقعد سنين ماوصفناها