قطعت علاقتي مع صديقه

كانت عندي صديقه مااعتبرها صديقه ميه الميه
لانها كانت مسويه حواجز بيتي وبينها ..وغامضه...
نعرف بعض من فتره جدا طويله من ايام الدراسه ....
المفروض وصلنا لمرحله أعمق من كذا ..
تعرفني تخيلو من 12 سنه عشره عمر
وكل اللي بيتي وبينها طول هالمده فقط تكلمني كل شهر او كل كم شهر عشان تبي تزورني...
هذا وجه الضيف على قولتهم ...
بينما اتا اتصل فيها واكلمه واعطيها سوالفي واخباري باستمرار
وحتى لو قلت لها عن مشكله صارت لي ماتتصل تطمن تشوف وش اخباري ولايحزنون ...تتصل بعد مده طويله تبي موعد عشان تزورني بس...
انا لما شفت هذي طريقتها ضربت بريك معها ...وصرت ماعاد اقولها ولاشي لانها ميب صديقه مقربه
وقلت لها هذا الكلام ماعاد بقوللك شي لانك انتي ماتقولين شي لي
وكانت تنتقد صراحتي واني كتاب مفتوح واتكلم وكذا ...
ميب مشكله بسلامتها هذا طبعها وبقريح ...
اللي خلاني اختلف معها الاطفال
هي من النوع اللي لازم يزور بعياله
وانا اشوف مين بهذا الوقت اللي يزور بعياله...
وفوق هذا تنتقد عيالي وشقاوتهم معني مااجيب عيالي لها
يمكن ولدي جاها مره وحده
وطول الوقت وفي كل جلسه تذكر شقاوته عند الحريم
وهي الصح والكامله وعيالها مؤدبين وكاملين
حتى مره قال قدام حرمه لايجينا فلان تقصد ولدي ..قالتها بمزح لكن قاصده ولا اهتميت ولا رديت معن ولدي ماجاها الا مره وحده ..هي طول الوقت تجرجر بعيالها من بيت لبيت...
مره سولف معها عن دوريه بيني وبين جاراتي وقلت اختلفنا عشان الاطفال ..قال طيب اللي ماعندها شغاله وش تسوي المهم قامت تتعذر للي عندهم اطفال وماعندهم شغالات..
راحت ايش سوت ،،. اول ماسكرت من عندي
حطت بالحاله مقطع فيديوو وحده مصريه تتكلم عن عيالها وتقول عيالي اهم ماامللك واهم شي بحياتي وهم اولى من غيرهم
كانها تقط ذبه ونغزه علي
الي الان انا ماعلطت عليها !! يعني كانها تقصد عيالي اهم منك ومن القبيل... وحتى لو ماكانت تقصد توقيت هذا الفيديو غلط ..توني مسكره من عندها واضح نغزه..
واقوم انزل بالحاله ..اللي تزور بعياله تنطق في بيتها ..لاتزعج الناس بعيالها،،..
راحت زعلت علي ،،،، ولاعاد كلمتني
انا نسيت السالفه اصلا ...
بعدين بعد فتره طويله تكلمنا وقالت انها زعلانه مني عشان موضوع الاطفال
تخيلو لدرجه اني نسيت الموضوع نفسه
ولا وضحت لها دامك حساسه لهدرجه ليش تقطين نغزات
يعني الان هي زعلت من ردت فعلي
طيب ليش تنزلين الفيديوو وتنغزين بالكلام
قالت شفتك حطيتي بالحاله وزعلت
طيب انا حطيت بالحاله بعد ماانتي نزلتي الفيديوور وواضح انه نغزه
هي اللي بدت
واللي قهرني ماقلت لها هذا الكلام لاني نسيت الموضوع كله
قعدنا نتجادل في موضوع الاطفال
طيب هي الان تبي تزور بعيالها ومسويه حواجز ورسميات معاي...وفوق هذا تبي تنتقد وتقول اللي تبي وماتبي احد يقول شي
خيرررر
وش عالانانيه
انا اللي غبني بعد ماسكرت من عندها تذكرت السالفه ولا دافعت عن نفسي والحق
وهي حضرتها شايفه نفسها المكمله وهي الباديه تستاهل ماجاها
لو كنتو مكاني وش تسووون
احس اني مابردت قلبي بالرد عليها