قطع الارزاق....والتفاهم

السلام

طبعا صايره ماابين غير بالمصايب ههههههه ابي رايكم لان من قلب في انسانه تشتغل معاي ومسببه لي تعب نفسي انا عن نفسي ماعرفت لها يعني مره تصير طيبه واخلاق ومتعاونه ومره مادري شيصير فيها تقلب تصير خبيثه.


نجي للموضوع


انا اصير مسؤله عن كم موظفه طيب من ضمنهم هذي يعني اي شي المفروض تجي تقولي دانه صار كذا كذا كذا وانا بدوري ارفعه للي اكبر مني هذاالشي الي المفروض وانا اعرفه

طبعا صار موقف مع حارس المبنى الي عندنا انا اول مره تكلمت مع الحارس وفهمته

المهم ثاني مره صار لها الموقف وياه بعد شنو سوت .......؟؟؟؟؟؟

طبعا لسان هذا طوله وانا ماراح اسكت وانا راح اشتكي :angry: انا قلت لها طيب بتفاهم معه

قامت وش سوت اتصلت على واحد من المسؤلين باداره ثانيه وقالت له السالفه

وردت وكلمت الحارس وهزئته :angry:

وقالت انا ماراح اسكت عن حقي مع ان السالفه صغيره يعني ماتستدعي بس مجرد
تبي توري شخصيتها وتستقوي على الضعيف

المهم انا وش سويت يوم شفتها كبرت السالفه طلعتني قدام الاداره كني خرطي يعين المفروض يوصلهم الكلام مني مهب منها

طبعا انا كلمت الحارس وقلت له انت حاول تضبط نفسك وفهمته وين المشكله وهو عصب لان شكلها هززئته

المهم رديت كلمت مدير الاداره الي ماله علاقه والي هي ماقصرت وفضحتنا عنده وقلت له معليش بس نبي نحل الموضوع من غير ما ينفصل الحارس قال انا هاوشته وبحط الموقف هذا بالربورت حقه انا ضاق صدري لان فعلا الموضوع ينحل بشكل ثاني بدون مانضر قلت له لا تحط اذا كلش مستائين نغيره نوديه لوكيشن ثاني بس ماتخرب ربورته لان السالفه ماتستاهل

طبعا بعدها كتبت ربورت اطالب فيه ان وقت تغير الشفتات ماينترك اللوكيشن فاضي يعوض بحارس ثاني تمويه عشان يخلون معاه ثاني عشان هاذا اذا صار ماصار وراح يفطر يتغدى يكون محله احد ثاني

طبعا رد علي رئيسي قال ماله داعي لان الحين نسوي انه نحط اكثر من 2 باللوكيشن قلت زين حلوو :)


بيت القصيد

الانسانه هذي مسويه لي مشاكل يعني تحب تثير المشاكل بالعمل الصغيره وتستقوى على الموظفين والموظفات الصغار انا المح لها واحترمها لانه كبيره اكبر مني بس لاحظتها لين اقولها شي تكسر كلامي تروح تسوي عكسه او توصل الشي الي تبيه بدون ماتستشير يعني مالها كبير الي قدامها ولا شي حتى المسؤلين اذا شافت ان وراه مصلحه احترمته وسوت شغله اذا ماوراه مصلحه شرشحت فيه وذمته :D


انا مادري وشو اسوي ابي افهمها ان تحترم بس بطريقه عدله واذا تبي شي ماتروح تتصرف من نفسها او تقعد تكبر السوالف وتكبر المواضيع انا لو ابي انكبها بالشغل قدرت بس من غبائي مااحب اضر احد


الله يخليكم ابي راي يكون عملي يعني من احد مجرب وحكيم

مشكورين بنات ادري طولت بس من قلب لايعه كبدي من سخافاتها :(