السلام عليكم ..
قبل 4 ايام كنت نايمه وكالعاده ساعه 3 قبيل الفجر اصحى ..اول ماصحيت سمعت صوت غريب من باب البيت
الداخلي (المدخل بين الحوش والبيت ) وحسيت كأنه احد يحاول يفتح الباب وحسيت بخوف كبير واذكر نفسي
اني محافظه على اذكاري و احاول اطل على الباب بشوف فيه شي واضح ..
المفاجئه قط اسود جدا كبير وطويل واقف عند باب المدخل لكن من الداخل وكأنه يحاول الخروج ..للامانه صعقت
من الخوف كيف دخل ..؟
ومن متى موجود في المنزل ..؟
خاصه انه الباب مقفل ..
واقراء اذكاري ..واول ماشافني انطلق تجاهي وانا ركض وافتح الباب على امي وانواع الصراخ ..امي صحت مرعوبه ..واقولها قط اسود ...الخ
هي على بالها احلم ..واحلف لها اني شفته ..
امي جات معاي ورحنا للصاله ومافيه شي ..اختفاء..وامي تفتش المطبخ (المطبخ قريب من باب المدخل )
وكمان مافيه شي ..
قالت انتي تحلمين او تخيلين ..
واقسم لها اني متأكده وانه اسود وكبير واني اول ماشفته على بالي رجال جالس على ركبتيه او في وضع السجود ..
وارجع وادر بالمطبخ والصدمه شفته جاي بين الثلاجه والدرج ..وكانت عيونه كبيره ومخيفه ..
واقول ل امي شوفيه ..
وقالت لي اطلعي لغرفتك انا بطلعه ..وفتحت باب المدخل وتحاول تطلعه ..انا وقفت عند مدخل الصاله اطالع وحطيت الكنب على مدخل الصاله لانه مقوس من غير باب عشان مايدخل للغرف داخل ..ومن الربكه نسيت اقفل باب الغرف ..
واول ماطلعته امي ماراح لباب المدخل عشان يطلع ..جاء نحوي مسرع كأنه يدور علي وقسم بالله قفز من فوق الكنب وانا واقفه وانواع الصراخ ..وامي تهاوشني وتقول سمي ..ويروح ويدخل غرفه اختي النايمه ..:o
وادخل عليها واصحيها بطريقه مفزعه من الخوف وامي تهاوشني تقول خوفتي اختك وتسمي عليها ..
اخذت اختي لغرفتي وكانت تبكي وقفلت عليها بغرفتي ..ورحت وقفلت كل الغرف وحتى المطبخ قفلته وتركت باب المدخل بس مفتوح عشان يطلع ...ورديت ل اختي مره 2 واهديها ..وامي تحاول تطلعه ..وافتح باب غرفتي
بشويش واناظر الا طلع وعلى طول جاء يمي بطريقه مسرعه وكأنه يشم ريحتي ويدورني:(
انا من الخوف قفلت الباب بوجهه ..
وامي اخذت عصاء المكنسه وتطرده ..وفجأه راح للممر الي يوصل لباب المدخل ..ولحقته امي واختفاء ..
تقول مدري طلع او اختفاء ..بسم الله الرحمن الرحيم .
انا الحمد لله محافظه على اذكاري ..لكن من يومها افكر شنو جابه للبيت وكيف دخل والابواب مغلقه وليش اسود بالذات ..وليش كان يركض تجاهي بس ..؟!!!!!!
***
امس اكلم خالتي واقول لها عن الموضوع .وهي كانت مسحوره مثلي ..وقالت لي هذا مو قط هذا جن من خدم السحر على هيئه قط اسود ومرسل بيحط لك سحر ..
وقالت لي انا يوم كنت مسحوره كنت جالسه في الصاله وفجأه دخل قط اسود واجلس اصارخ واهرب واترك له الصاله .ودخل مجلس الرجال .ثم شفته طلع .
ويوم جاء زوجي قلت له ..وقال هذا مو قط هذا خادم سحر على هيئه قط
واكيد جايب سحر معاه ..وزوجها فتش المجلس والصدمه وجد تحت احد التحف
سحر معقود ..
وفكه وتعبت خالتي .
وومن قالت لي هالكلام وانا بس افكر ونفسيتي تعبانه ..
وتقولي ضروري تفتشين المطبخ والصاله وبشكل دقيق ...وقالت لي عن اشيا غير متوقعه افتش فيها ..حتى اسلاك الثلاجه تقول فتشيها ..
حسبي الله ونعم الوكيل ..
أنكسار @anksar_10
عضوة فعالة
يلزم عليك تسجيل الدخول أولًا لكتابة تعليق.
بسم الله عليك خيتوووو
وربي فجعتيني الله يحفظك بحفظه
يااااارب
اناصايره خواااااافه بالمرررره من كل شي
والحمدلله ع كل حال
وربي فجعتيني الله يحفظك بحفظه
يااااارب
اناصايره خواااااافه بالمرررره من كل شي
والحمدلله ع كل حال
الصفحة الأخيرة
ذكرتيني بموقف صار لي في الكلية كانت في قطة كل ماتشوفني تجري نحوي كأنها تبي تنقض علي وانا اخاف واهرب منها
اول مرة صار لي هالشئ رجعت بيتي ونمت وصحيت لقيت أثار خرمشة على جسمي وانا مدري ايش السبب لكن الله اعلم فهو علام الغيوب
المهم هذيك الفترة كنت مو كل الايام بس أكثرها اصحى من النوم والقى اثار خرمشة جديدة واستغرب مااذكر احد جرحني او خرمشني !!!!
وكنت بعض الايام احلمها
المهم صرت دايما بس مو كل يوم لمن اروح الكلية اول ماادخل الباب الرئيسي القاها واقفة وقفة الأسد وتناظر بين البنات كانها تدور علي وانا احيانا من كثر الخوف اقرأ الادعية الآيات وادخل واحيانا ادخل الكلية وانا متنقبة عشان بس ماتعرفني
من جد كانت معاناة والحمدلله اتخرجت وربي صرفها عني
عشان كذا أختي حآآآآسة فيك
عسى الله يصرف عنكم كيد الحاسدين والساحرين
وإن شاء الله ماتشوفون هذه القطة مرة ثانية لأنو راح تسبب لكم معاناة
حاولو تقرؤا سورة البقرة
وتوني أدري إنو معناتو خادم سحر
حسبي الله ونعم الوكيل
تقبلي مروري