السلام عليكم و رحمة الله و بركاته

صباح الفل يا أحلى صحبة, ازيكم؟

وحشتوني قوي, كنت تعبانة و لسه لحد دلوقت و الحمد الله, عندي برد مطلع عيني :(

بصوا بقى, انا محتاجالكم كتييييييير اليومين دول, الحكاية و ما فيها اني ان شاء الله هنقل في شقة جديدة :icon28:

رحت شفتها امبارح, هي مساحتها حلوة و ايجارها بردو معقول, الحمد الله

المشكلة بقى, ان الشقة مش سيراميك, بلاط متبهدل قوييي, و الست الي كانت ساكنة فيها بهدلتها و وسختها قوي

المهم, انا فكرت اني أغطي كل حاجة, طبعا بعد التنظيف المتييييين, و قدامي حاجة من اتنين, اما أفرشها كلها موكيت

أو فينيل, و انا أحبذ الفينيل عشان الموكيت بيعمل ميكروبات و كمان في الصيف الشقة تسخن قوي

بس مش عارفة أجيب الفينيل منين؟ و مش عارفة هل هو فعلا حلو و لا ايه حكايته؟ انا عايزة أعمل كل حاجة بنفسي

و أختار كل حاجة من دلوقت عشان زوجي العزيز مش فاضي, و كمان بيكبر دماغه :arb:

و مش عايزة حماتي تتدخل أكتر من كده في حياتي:icon33: بالرغم ان الشقة في عمارتها و في نفس الدور الي

هي ساكنة فيه :angry:

ربنا يستر :mad:

نفسي و الله تدلوني أجيب الفينيل منين و كمان هل هو كويس و يستحمل معايا, عشان مش عايزة كل شوية أحتاس

فيه و أغيره

انا آسفة على الاطالة, بس ده من عشمي فيكم و الله

ربنا يباركلكم و يحرسكم و يسهل ولادة كل حامل و يرزق كل مشتاقة للذرية و يحمي أولادكم ياااااااا رب :)

السلام عليكم ورحمة الله وبركاته
ايه يا جماعه ظلمين الشتا ليه انه سبب للاكتئاب انا من عشاق الشتا
بحبه جدا واحب صوت المطر والمشروبات الشتويه ال بتدفى مش عارفه ليه بحس ان
الشتا استقرار وبيقرب الاسره لبعضا اكثر واحتمال ال زود حبلى للشتا اانا هنا فى الكويت بننطلق
فى الشتا بنفتح الشبابيك وبنخرج بالنهار فبحس بتفاؤل
سها احنا كده معانا اتنين سها منورانا وربنا يرزقك الذريه الصالحه يارب
أكثرى من الاستغفار والصدقه وقبل كل شىء الدعاء وجربى الميراميه لانها منشطه
وان شاء الله ما فيش منها ضرر وجربه كوب يوميا ملعقة ميراميه على كوب ماء مغلى
يغلى الماء فقط وممنوع شربها للحوامل والمرضع لانها بتقلل الحليب
شيماء منوره بصى اكتئاب الحمل ده معاناه وبيكون فى اول ثلاث شهور وبعد كده الامور بتستقر
مادو خلاص بقيتى تخصص مطبخ انا بعمل المسقعه ببطاطس الولاد حبوها كده اكتر لكن بقطع البطاطس شرائح وبقليها
وفى صينيه من المنتدى هنا لاخت اسمها زيتونه جربتها طلعت حلوه جدا لكن طورت فيها
تقلى شرائح البطاطس وترص فى الصينيه ثم الباذنجان يقلى ويقلب مع الزبادى ومع الدجاج كان شيش طاووق
لكن انا عملته بلحمه مفرومه ونسلق كوب مكرونه صغيره انا سلقت اتنين وتخلط ايضا مع زبادى وملح وفلفل
نضع المكرونه فوق البطاطس ثم الباذنجاج مع اللحمه او الدجاج وهى وضعت على الوجه كريمه ومايونيز
لكن انا عملته ببشاميل كبشة دقيق عليه اثنين كوب حليب ويلف على النار مثل الكستارد لكن بمضرب سلك
لمنع التكلتل وملح وفلفل واستغنيت عن السمن اكتفيت بقلى الخضار لكن كانت خفيف وجميله
فى قناه جديده اسمها الدليل اول يوم اتابع برامجها حلوه جدا منوعه دينيه وطبيه وكان فيها حلقه حلوه جدا
عن تهيئة الطفل للمدرسه
يومياتى يوم الاحد بيكون رجوع البيت لحالته الطبيعيه بعد فوضى الاجازه البيت بيكون دمار
ومن يوم الاثنين ابدأ الجدول اليوم ترتيب وكنس البيت وتحضير الغدا
بعد الغدا هدنه على النت شويه ثم ترتيب المطبخ وانزل امشى مع جارتى ساعه
وارجع ابدأ معركة المذاكره مع ابنى
ربنا يهديه ويهدى ابنائنا جميعا

ام فرح مبروك الشقه الجديده ربنا يجعلها مبروكه ان شاء الله ويرزقك خيرها
الفينيل ال هو مشمع الارضيه لو هو هو مريح فى التنظيف لكن مش عملى
انا فارشه بيتى هنا منه فكان غلطه لانه بيتقطع بسرعه مهما حافظتى عليه
هو السيراميك افضل لكن لو الظروف لا تسمح فكرى انك تفرشى موكيت لكن
فصليه حول الاساس بحيث انك تقدرى تخرجيه للشمس وتمسحى تحته
مثلا غرفة النوم بلاش تفرشى تحت الدولاب والسرير يتفصل حواليه بحيث
يكون الظاهر ان الغرفه كلها مكسيه لكن سهل فى شيله وغسله
وشوفى أراء باقى البنات ان شاء الله ممكن يفيدوكى افضل

بنات فى موضوع عجبنى هو من القسم هنا لكن خفت يتنقل للصفحه التانيه فياريت تقروه
http://forum.hawaaworld.com/showthread.php?t=1441195

يومياتى على السريع
بغسل مواعيييين وهمر على كل الشقه تنضيف وغسيل وتطبيق هدوم على اد ما اقدر
اصلى لسه مخلصه الامتحانات الى كانت بعدانى شويه عنكم وعن البيت برضه
سلامى لكل البنات لحد ما افضى واقعد معاكم
ادعولى اخلص قبل ما جوزى يجى احسن زعلان ان الشقه مش متروقه حلو

سلام الله عليكم