صباح الخير يا بناااااات

مدام وائل ازيك وحشتيني و الله, ربنا يباركلك في ابنك و يخليه و يحفظه يااااااا رب

زوجي مسافر من يومين و باذن الله يرجع بكرة الصبح, البيت مش متنظف كويس بس انا عندي برد مبهدلني و مش قادرة أعمل حاجة

ان شاء الله أخف شوية و أحاول ألم شوية الدنيا عشان النقل للشقة الجديدة

نهاركم فلللللل يا عسولات

السلام عليكم ورحمة الله وبركاته
ايه يا جماعه حكاية الكسل والاكتئاب
نصيحه لعلاج الموضوع ده المشى رياضة المشى مهمه جدا بتغير النفسيه تماما وبتجدد النشاط
حتى قبل م اسافر من مصر كنت لازم امشى واخرج الولاد يتمشوا كنت برجع نشيطه جدا واشتغل
بنفسيه مختلفه فجربو و***** الله تلاقو فرق
اليوم كان فى برنامج عرضت فكره عجبتنى وخصوصا فى فصل الشتاء مع قلة الخروج
انك تعملى للطفل مخده من ملابس قديمه وتكون دى وسيله انه يخرج طاقته فيها
انه يضرب فيها يلعب بيها ملاكمه ينط عليها هى طريقه سهله لكن فعلا حا تخرج طاقة الطفل
وتقلل حدة الملل مع الرسم والتليفزيونواهم شىء تنظيم وقت الطفل
التليفزيون له وقت والكمبيوتر والرسم لان ده حا يعود الطفل على النظام ومع المدرسه
يسهل على الام انه فى وقت محدد للمذاكره ولباقى هواياته فبتفرق جدا فى نفسية الطفل
عطر المقاله رائعه فعلا الحمد لله على نعمة الاسلام انا سمعت كمان من دكتور عبد الباسط
ان الانسان طول ما هو متوضى ان شاء الله لايؤثر فيه الحسد
مدام وائل منوره معانا ياريت ما تتأخريش عننا وسلامتك من الاكتئاب لكن بلاش تستسلمى
ولو حاسه بكسل حاولى رتبى البيت وبلاش تنظيف عميق لان شكل البيت منظم حا يشجععلى الشغل بعد كده
وتسلم ايدك على ورق العنب بس كلنا بنرجوكى شاركى معانا يوميا حتى لو بكلمتين وبس
مادو انتى فين منتظرين افكارك الحلوه
وكل البنات يارب تكونو بخير
سلام ولى عوده ان شاء الله

انا كاتبه المشاركه دى من انبارح بس النت كان فاصل
هقرا المشاركات وارجع
بس طبعا اقول حمد لله على السلامه لمدام وائل الاول



السلام عليكم
ايوة كده يلا نشجع بعض تانى
مع انها يوميات بسيطه بس شجعتنى
عروس
فعلا المطبخ واكل دماغى الومين دول
انا كل فترة كده بحال
اول حاجه بدات بالاعمال الفنيه كنت مهوسه بيها وعملت شموع فى البيت بطرق مختلفه واتعلمت استغلال الكراتين والورق والعلب فى اى شىء مفيد او اعمال فنيه
وبعدها اتهوست بالكروشيه وكنت ابيض فيه برده واتعلمت شويه من المنتدى عملت حاجات بسيطه كدة كاب ,توك,شراب ,شال بسيط
وبالمناسبه فى دوره بقسم الكروشيه بداه من كام يوم متجربى هو موضوع مثبت فى القسم
ودلوقتى فى المطبخ وفى فعلا طرق كتير قوى للمسقعه بس كنت عايزة اعرف طعم البشاميل لوحده عليها هيضيف ايه ؟ وعجبنى
وجربى البطاطس المسلوقه اخف وطعمها مختلف تماما وكمان هى كانت جاهزة فى الفريزر- تعليمك هههه
عطر
المقاله جميله اوى مع انى عارفه اللى فيها بس سبحان الله تجديد المعلومه حتى لو بسيطه بيفيد
فعلا ان الذكر ينفع المؤمنين
وبمناسبه الاطلاع والقراءة انا اليومين دول بقرا كتاب قصص الانبياء لاحمد بهجت اسلوبه ممتع ممتع ممتع
وناويه اشترى له كتب تانيه ان شاء الله مع ان القصص معروفه بس الاسلوب والشرح شدنى جدااا
وكاتبين فى الاخر بعض اسماء لقصص الاطفال المصورة هبقى ادور عليها زى قصص الحيوانات فى القران
ميمسى
بمناسبه اسمك كان انبارح بيقولو ان اسم ميس يعنى الشجرة العظيمه قلت يمكن يعجبك
وعلى فكرة سؤالك عن الاطفال انا سالته قبل كده بالظبط وكان نفسى مدام وائل تشاركنا فى الاجابه
ونفسى كلنا نقول اللى بنعمله ببساطه كده ممكن حاجه يبقى حد بيلعبها وبسيطه واحنا منعرفهاش فيا ريت نتبادل افكارنا
وكمان يا ريت يا ريت كلنا نقول ايه الالعاب اللى عندنا اللى الاطفال فى السن دة بيحبوها وبيتعلقو بيها
احيانا بتبقى العاب بسيطه بتاخد وقت كبير منهم واحيانا فى العاب غاليه جدا ومش بيبصولها
لانى حاسه بيكى اد ايه الشتا ممل فى عدم الخروج وقله الفسح
وجوزى كمان مش فاضى خالص لدرجه انه بيقولى اجبلكم نافورة ومنظر طبيعى بالبيت وخلاص هههه
بس مكدبش عليكى مفيش احسن من الخروج للاطفال واللعب مع اطفال تانيه واللعب الحركى بالاخص
بس احنا بنحاول نعوضهم شويه
ابدا بنفسى بس متضحكيش عليه
اولا لعب العجله والعربيه اكتر حاجه ممتعه بالنسبه ليهم اى كان النوع
لعبه حيوانات الغابه والمزرعه ممكن تعلميه اسماءهم وتعلميه يوقفهم لوحده باى ترتيب يحبه
وكان عندى فاكهه وخضار بلاستيك خليته لعب برده وتحفظيه اسماءهم برده
لعبه المكعبات اللى عليها صور للتعليم وممكن تعملى منها اشكال هرمى- مربع- بيت-اى حاجه
فى العاب من البلاسنيك وخلى بالك من القطع الصغيرة لاقل من 3 سنين
هو ابنك عنده اد ايه؟
انا عامله بلوك نوت وراسمه فى كل واحده مثلا وسائل المواصلات وتحت كل واحده الاسم بالانجليزيه والعربيه
فى العاب تركيبيه زى الطائرة اللى بتتفك قطع ونعيد ترتيبها بس يكون معاكى
الالعاب المكسوره بعينها فترة ولما بطلعها بتاخد وقت كبير فعلا وخيالهم بيشتغل
الاورج بس مش بياخد وقت الا اذا كان معايا
البولينج وعلميه الرمايه عليها وهى بعشرة جنيه تقريبا
وفى لعبه تصويب عباره عن دائرة بتتعلق بس مش اسهم بقى –كور وبتلزق لما تيجى فى الدائرة وبتعلمهم الرمايه برده
وبرده بعشرة جنيه والله كتر خير الصين مش عارفه من غيرها كنا هنعمل ايه ههههههه
فى لعبه فقاقيع الصابون دى انت اعملى بلونات وهو يمسكهم برده ظريفه بسبها للعياط الجامد
المغناطيس برده ليه افكار توريه بيمسك الحاجات ازاى وممكن تجيبى ورقه وتجيبى اى معدن فوق الورقه وتجيبى المغناطيس تحت ولما تحركيه يتحرك المعدن وهو ينتبه او يحاول يمسكه
بقالى يومين عايزة اعمل فكرة التليفون البدائي دى بعلب صفيح وسلك لو تعرفيها
وفى افكار بالورق بس مش عايزة اطول عليكى اكتر من كده النهارده
وكل ده وزهقانين برده- ربنا يهديهم يا رب
سلام لكل الحلوين
وفاصل ثم نواصل

يااااااا خبر دى اطول مشاركه عملتها فى حياتى
هههههههههه

السلام عليكم
ليكى وحشه كبييييرة يا مدام وائل يا رب تفضلى معانا علطول
بس ممكن اعرف حكايه تظبيط الحرارة دى لان عندى نفس الحكايه بس عمر ما دكتور علق على كده
يعنى حاله مرضيه ولا مفيش قلق

البطاطين الصينى فعلا تحفه وفى منها مقاسات انا بخلى الصغيرة للمخده والكبيره على الملايه
وكلامك عن الاطفال بيعجبنى جدا ربنا يخليلك بودى

لميا ايه قناة مواهب وافكار دى؟؟تعرفى ترددها
والرابط تحفه جزاكى الله كل خير
عروس
ربنا يبارك فيكى وفى اولادك
فكرة المخده جميله ومعلوماتك كلها حلوة
ام فرح وخديجه
بالنسبه للفينيل متقسمى البلد نصين وهاتى فينيل مثلا فى المطبخ والصالون والسفرة لان استخدامهم اقل
والصاله وغيرة خليها موكيت تخيلى كده والراى ليكى طبعا


طبعا انا كنت بشكركم على اليوميات قبل ما اقرا يوميات النهارده هههههه
بس اقول ايه بتحصل بس متتستسلموش كده
سلام