mado2006 :

هو هو الملف انا بجرب طريقه بس

هو هو الملف انا بجرب طريقه بس

mado2006 :

انا كاتبه المشاركه دى من انبارح بس النت كان فاصل هقرا المشاركات وارجع بس طبعا اقول حمد لله على السلامه لمدام وائل الاول السلام عليكم ايوة كده يلا نشجع بعض تانى مع انها يوميات بسيطه بس شجعتنى عروس فعلا المطبخ واكل دماغى الومين دول انا كل فترة كده بحال اول حاجه بدات بالاعمال الفنيه كنت مهوسه بيها وعملت شموع فى البيت بطرق مختلفه واتعلمت استغلال الكراتين والورق والعلب فى اى شىء مفيد او اعمال فنيه وبعدها اتهوست بالكروشيه وكنت ابيض فيه برده واتعلمت شويه من المنتدى عملت حاجات بسيطه كدة كاب ,توك,شراب ,شال بسيط وبالمناسبه فى دوره بقسم الكروشيه بداه من كام يوم متجربى هو موضوع مثبت فى القسم ودلوقتى فى المطبخ وفى فعلا طرق كتير قوى للمسقعه بس كنت عايزة اعرف طعم البشاميل لوحده عليها هيضيف ايه ؟ وعجبنى وجربى البطاطس المسلوقه اخف وطعمها مختلف تماما وكمان هى كانت جاهزة فى الفريزر- تعليمك هههه عطر المقاله جميله اوى مع انى عارفه اللى فيها بس سبحان الله تجديد المعلومه حتى لو بسيطه بيفيد فعلا ان الذكر ينفع المؤمنين وبمناسبه الاطلاع والقراءة انا اليومين دول بقرا كتاب قصص الانبياء لاحمد بهجت اسلوبه ممتع ممتع ممتع وناويه اشترى له كتب تانيه ان شاء الله مع ان القصص معروفه بس الاسلوب والشرح شدنى جدااا وكاتبين فى الاخر بعض اسماء لقصص الاطفال المصورة هبقى ادور عليها زى قصص الحيوانات فى القران ميمسى بمناسبه اسمك كان انبارح بيقولو ان اسم ميس يعنى الشجرة العظيمه قلت يمكن يعجبك وعلى فكرة سؤالك عن الاطفال انا سالته قبل كده بالظبط وكان نفسى مدام وائل تشاركنا فى الاجابه ونفسى كلنا نقول اللى بنعمله ببساطه كده ممكن حاجه يبقى حد بيلعبها وبسيطه واحنا منعرفهاش فيا ريت نتبادل افكارنا وكمان يا ريت يا ريت كلنا نقول ايه الالعاب اللى عندنا اللى الاطفال فى السن دة بيحبوها وبيتعلقو بيها احيانا بتبقى العاب بسيطه بتاخد وقت كبير منهم واحيانا فى العاب غاليه جدا ومش بيبصولها لانى حاسه بيكى اد ايه الشتا ممل فى عدم الخروج وقله الفسح وجوزى كمان مش فاضى خالص لدرجه انه بيقولى اجبلكم نافورة ومنظر طبيعى بالبيت وخلاص هههه بس مكدبش عليكى مفيش احسن من الخروج للاطفال واللعب مع اطفال تانيه واللعب الحركى بالاخص بس احنا بنحاول نعوضهم شويه ابدا بنفسى بس متضحكيش عليه اولا لعب العجله والعربيه اكتر حاجه ممتعه بالنسبه ليهم اى كان النوع لعبه حيوانات الغابه والمزرعه ممكن تعلميه اسماءهم وتعلميه يوقفهم لوحده باى ترتيب يحبه وكان عندى فاكهه وخضار بلاستيك خليته لعب برده وتحفظيه اسماءهم برده لعبه المكعبات اللى عليها صور للتعليم وممكن تعملى منها اشكال هرمى- مربع- بيت-اى حاجه فى العاب من البلاسنيك وخلى بالك من القطع الصغيرة لاقل من 3 سنين هو ابنك عنده اد ايه؟ انا عامله بلوك نوت وراسمه فى كل واحده مثلا وسائل المواصلات وتحت كل واحده الاسم بالانجليزيه والعربيه فى العاب تركيبيه زى الطائرة اللى بتتفك قطع ونعيد ترتيبها بس يكون معاكى الالعاب المكسوره بعينها فترة ولما بطلعها بتاخد وقت كبير فعلا وخيالهم بيشتغل الاورج بس مش بياخد وقت الا اذا كان معايا البولينج وعلميه الرمايه عليها وهى بعشرة جنيه تقريبا وفى لعبه تصويب عباره عن دائرة بتتعلق بس مش اسهم بقى –كور وبتلزق لما تيجى فى الدائرة وبتعلمهم الرمايه برده وبرده بعشرة جنيه والله كتر خير الصين مش عارفه من غيرها كنا هنعمل ايه ههههههه فى لعبه فقاقيع الصابون دى انت اعملى بلونات وهو يمسكهم برده ظريفه بسبها للعياط الجامد المغناطيس برده ليه افكار توريه بيمسك الحاجات ازاى وممكن تجيبى ورقه وتجيبى اى معدن فوق الورقه وتجيبى المغناطيس تحت ولما تحركيه يتحرك المعدن وهو ينتبه او يحاول يمسكه بقالى يومين عايزة اعمل فكرة التليفون البدائي دى بعلب صفيح وسلك لو تعرفيها وفى افكار بالورق بس مش عايزة اطول عليكى اكتر من كده النهارده وكل ده وزهقانين برده- ربنا يهديهم يا رب سلام لكل الحلوين وفاصل ثم نواصل

انا كاتبه المشاركه دى من انبارح بس النت كان فاصل هقرا المشاركات وارجع بس طبعا اقول حمد لله على...

حبيبه اوسو :

يومياتى بكمل تنضيف فى المطبخ تنضيف عميق بنات دولاب المطبخ بتاعى صغير ومش بيكفى غير انه عالى وفيه رف انا مش عالرفه استخدمه خالص وومساحه المطبخ صغيره انى اعمل دولاب الناحيه التانيه تصورو انى حاطه طقم حلل تحت السرير حد عنده اى افكار لاستغلال المساحه الضيقه فى المطبخ وخاصه للدواليب عروس انا بحب المشى جدا لكن مش عارفه اخرج وهسيب عيالى فين لسه صغيرين مادو مشاركاتك رائعه انا استفدت كتير من بيكربونات الصوديوم مكتوب انها بتبيض الملابس يا ترى تنفع تتحط فى الاتوماتيك وهل فيه فرق بينها وبين البيكنج صودا عندى سؤال خاص على النت ههههههههه عندى التهابات بقالها كتير شبه مزمنه اخد العلاج تروح ثم ترجع تانى خاصه----- وبصراحه محرجه اروح للدكتوره عنى سؤال ايه هو مدى اهتمامك ببيتك واسرتك وعلاقتهم باءهتماماتك الاخرى مثل عملك او هوايتك وهل عملك اواى شىء بيسعدك وانتى بتعمليه اثر على بيتك واسرتك بالسلب ولو دا حصل بتستمرى فى اى اتجاه معلش بقا اصلى كنت عايزه اطلع صحافيه ههههههههه اتمنى انه ميكونش سؤال تافه انا تهمنى الاجابه

يومياتى بكمل تنضيف فى المطبخ تنضيف عميق بنات دولاب المطبخ بتاعى صغير ومش بيكفى غير انه عالى...