ازيكم يابنات عاملين اية

وحشتوني كتير يوم ملخبط ومشحون خالص مش بلحق ادخل واذا دخلت مش بلحق ارد

وعندي حالت كسل غريبة مش عايزة اعمل اي حاجة رغم اني المفروض اعمل حاجات كتييييييييييييييير

لئني ان شاء الله هنزل مصر علي العيد وورايا شرا حاجات السفر وطبعا تنضيف الشقة ادعولي افوق كدة وابطل الكسل دة

عروس ومادو ولميا ونرمو وروني ومي وكل البنات الي بيضيفو معلومة او رابط او قصة مفيدة

جزاكم الله كل خير

نرمو الفول شكلة تحفة يابنتي بالهنا والشفا

عطر قوللنا انت في دماغك اية وعدد الناس والاغلبية سنهم قد اية وهاتشتري ولا هاتعملي في البيت

واحنا ان شاء الله نساعدك وكل سنة ووابنك بخير وصحة

ميمسى انا معايا بكالريوس تمريض
عطر كل سنه ويويو طيب وعقبال 100 سنه
وعلشان انا بحبك فعلا فى الله عايزه اقوللك على حاجه واوعى تزعلى
الاحتفال بعيد الميلاد بدعه ومش من السنه الرسول عليه الصلاه والسلام لم يحتفل بعيد ميلاده
يمكن تقولو انى معقداها
بس والله بحبكم وعايزالكم الخير انا عمرى ما عملت عيد ميلاد لحد من ولادى بس ممكن نجيب تورته بس مش فى يوم عيد الميلاد وفى اقتراح اخر
فى اليوم دا نتصدق علشان ربنا يبارك فى ولادنا ونكون شكرنا ربنا على النعمه الى ادهالنا
ولو حابه تعزمى الاقارب وتجيبى تورته وكده غيرى نيتك انه مش احتفال بعيد ميلاد لاء دى صله رحم واكرام الضيف ولا يكون فى نفس اليوم وعرفيهم بطريقه حلوه انك انه مش احتفال
والله اعلم
وكل سنه ويوسف بالف صحه وسعاده
وعقبال ما تشوفيه عريس وتجهزى لحفله فرحه ان شاءالله

صباح الخير على كل البنات
هبة واية وميمسى ومادو وكنزى ونيرفانا ونانو وعروس وعطر وامانى وكل الحاضرين والغايبين

كنزى حمد لله على سلامتك عامله ايه دلوقتى

نرمواديك اهو شطوره
اللهم لا حسد وانتى عارفنى


كل البنات هرجع كمان شويه

السلام عليكم

كنزى ولميا وحبيبه ورونى
صباح الخير

يومياتى
النهارده وضبت الشقه ترتيب يومى عادى ومسحت الاماكن الظاهرة فقط بالديتول والمساحه الشراشيب دى بتنفع اوى
من غير حوسه وبحطها فى الشمس بعد كده للتعقيم ودى احسن طريقه
حتى بيقولو ان سفنجه غسل الاطباق المفروض نحطها فى الشمس يوميا للتعقيم وبكده تعيش نظيفه مده اطول

المطبخ ترويق عادى واحسن حاجه ان الواحد بعد ما يخلص غسل الاطباق وغيرة بجيب باقى سائل الاطباق اللمخفف فى الماء واكبه على الارض وخصوصا عند البوتاجاز
وبالمساحه الشراشيب دى برده وامسح وبكده مفيش اى بقع دهون تتراكم على الارض خالص
انبارح عملت تورلى باللحمه ورز حبه وحبه يا عطر
على فكرة يا عطر دة الرز الاساسى عند كل الناس مش بيتعمل للتغير :)
هفضل وراكى لحد ما تجربيه
لميا انا كسلتك عن شغل البيت ولا ايه فين اليوميات والصور الحلوة
على فكرة ليكى مواضيع حلوة بس الصور كلها تقريبا راحت للاسف متغيرى مركز التحميل
انا طبخت انبارح فى حلة الضغط برده بجد حلوة جدا وممكن اعمل ليها دعايه دلوقت هههه
بس نفسى اعرف بتطبخو بيها ازاى على البخار بالتفصيل الممل سمحتم
وخصوصا الرز والخضار
وجبنا حلويات من دمياط كانت تحفه
اكلت حاجه كده بحسبها بسبوسه محشيه كستر
طلعت عجينه بسكوت بالكستر ؟؟؟ بس مفهمتش وكانت احلى حاجه
غير المكرونه الدمياطى تحفه وباقى التشكيله هخلصهم وابدا معاكم الرجيم:)
سلام