السلام عليكم
ازيكم يا بنات
وحشتوني جدااا
بس و الله كان عندي ظروف و جوابات و كمان حاليا جوزي سافر لاخر الشهر
وحشتوني جداا ووحشني الكلام معاكم فعلا

انا قريت علي السريع المريع كده و اللي عايزه ارد عليه حاجتين
الاولي موضوع الغسول
يا بنات موضوع المايه و فيها مطهر و لا ملح و الحاجات دي ممنوعه تماما لانها بتنقل الميكروبات الخارجيه لداخل المهبل
التشطيف يكون خارجي فقط و عن طريق غسول طبي من الدكتوره و في انواع كويسه و متغيريش من ph
بتاعه المنطقه علشان البكتريا الكويسه مش تموت لانها مهمه


ايه كمان
العيش فعلا طريقه رشه عطر حلوه اوي و اعتقد يا مادو ان المشكله عندك في التسويه و هو اساسا مفروض يتسوي في فرن سخن جدااا يا دوب 10 دقايق لان كل ما قلت الحراره و زاد الوقت بينشف
و دا برضه علي البيتزا

عطر
انا راءي اجسن انك تعمليه نظام اوبن بوفيه اسهل يعني مثلا علي ترابيزه مستطيله و لو مش عندك يبقي النيش حطي الاطباق و الشوك و المناديل و الكاسات و كله كله بطريقه لزيزه و علي السفره نفسها حطي الاكل مع مثلا ورد مجفف في النص او لو التورته كبيره ( انا راءي بلاش كزا تورته هي واحده كبيره اللي عليها صوره الطفل او اي شكل كرتوني بيحبه) و جواليها سرفيسات التقيدم و ممكن طبعا الصيني


موضوع اتكلمتوا فيها اللي هو الحفظ للقران
خدوا اللينك ده
http://www.factway.net/quran/register-student.php
دا لمركز نحفيظ للقران بس بصراحه ممتازين انا مشتركه معاهم و الاحلي انك بتسمعي مع مشرفه علي السكاي بي و انتي اللي بتحددي المواعيد و بتحددي مقدار الحفظ يعني ان شاء الله سوره في الاسبوع من عم هي ملهاش دعوه و بتتابع بالتجويد و بتعمل مراجعه رااااااااااااااااءع
و نصيحه مجربه بلاش نقول مش عارفين نحفظ او نركز لان مخ الانسان بيكتسب طاقته و قوته من الكلام
يعني في قانون اسمه الجذب
اننا بنجذب الشحنات السالبه او الموجيه من كلامنا
يعني لو فضلنا نقول مش عارفه مش عارفه اصلي بانسي مش هنعمل حاجه ابداااا
لكن لو استعنا بالله و الله معايا واحده بتحفظ ال عمران كل اسبوع بتحفظ 3 ايات بس تخيلوا
انا قلتلها و الله انتي اللي مدياني الدفعه
ربنا قال في اخر سوره العنكبوت و الذين جاهدوا فينا لنهدينهم سبلنا
يعني لاااااازم نجاهد
و الله ماكلام جرايد انا اول مره اخد الخطوه دي بجد و الله ربنا بيسهل جداا
و حاجه كمان للحفظ اننا نسمع السوره كتتتتتتتتتتتتتتتتير من شيخ
انا باشغل مشاري راشد العفاسي راءع ما شاء الله و باسمع السوره تقريبا 20 مره باحطها و انا بانيم البنات بتفرق جداااا
يالا نشجع بعض

ان شاء الله هتكلم علي يومياتي علشان مادو القمر مش تزعل

ان شاء الله ليا رجعه تاني بالليل علشان اقرا كويس
سلام مؤقت

انا نسيت اساسا
كنت داخله ادي عطر طريقه السندويتشات دي سهله جدااااااااااا و اوفر كتير اعمليها انتي
العيش المقلي
انا جربته و مش بيشرب زيت و هش جدااا
http://www.lakii.com/vb/showthread.php?t=482539

السلام عليكم


يا صباح الورد والفل
مامازوزو ورانيا ايه النور ده كله

رانيا
بسم الله ما شاء الله بسم الله ما شاء الله
كلامك فى اى موضوع بيكون تحفه ما شاء الله ربنا يبارك فىك وفى اسرتك وفى وقتك عشان تدخلى تطلى علينا كل شويه
ويفرح قلبك يا رب
والله اول مرة احس انى ممكن احفظ القران فعلا من كلامك
انا الحمد لله بحفظ سور لكن مش فى نيتى خالص حفظ القران كامل بحس انه امل بعييييييييييد اوى
بس انتى اديتينى دفعه بجد حتى لو بالنيه وبعدها ربنا يسهل ان شاء الله


بالنسبه للعيش الفينو انا كنت مهديه فعلا وعملاه على200
وخايفه اعلى قوى ياخد لون من فوق ومن تحت وميستويش من جوة هجرب على 250
ولو منفعش هجرب على اعلى حاجه او العكس المهم انى هجرب ما هى الحياه تجارب

الرابط تحفه وهجربه ان شاء الله انا كمان
انا جربت كل المخبوزات بتاعتك تقريبا ودايما ذوقك عالى بجد

عطر
معرفش ليه حاسه انك عايزة تشترى كله جاهز وبتسالى عن ترتيب السفرة فقط ولا ايه
بس انا مع الكل فى وجود تورته واحده كفايه والجاتو السواريه فكرة مامازوزو جميله
والسندوتشات حلوة وخصوصا لو عملتى انت العيش الفينو بجد اى حاجه انتى اللى هتعمليها وتنجح بتبيض الوش قدام الناس
والبيتزا اعجنيها وحطيها فى الفريزر من غير اى تسويه والله بتبقى حلوة جربى النهارده نفسك وخدى اجازه من الرجيم معلش
ممكن تعملى بانيه وشيش طاووق فى بنات هنا كانو عملينه بانيه برده
ربنا يعينك

يومياتى

كملت بالليل توضيب المطبخ ونضفت البوتاجاز من جوة كان يووووووم
نقعت الرفوف بتعته فى ماء وسائل الاطباق وملح ليمون وبيكربوناته وغسلت كله
والجزءالتحتانى مسحته فقط وغسلت المهم خلصته الحمد لله
ومسحت حتت من الحيطان على الماشى
ودعكت الحمام على السريع فى بنات بيغسلوة كل يوم بس انا موصلتش للنضافه دى ههه بجد مش بلاقى حاجه اعملها يوميا يا ريت يا بنات تعرفونى ازاى التنضيف اليومى للحمام
والشقه توضيب عادى احسن حاجه فى الشتا ان التراب بيقل كتيييييييييير والبيت بيبقى نضيف
بعيد عن تراب الصيف
وعملت رز معمر وفراخ ايرانى اخدتها من ملف البنات فى قسم المطبخ كلهم قالو حلوة واتشجعت اعملها اعتقد رانيا وميمسى
وباقى البنات وكانت حلوة فعلاوصلطه بس برغم ان الاكل فيه دسامه بس كنت حاسه انى خفيفه
اكتر حاجه بتتعب التقليه والصلصه دى اللى بتعمل تخمه وحموضه وقولون وكل حاجه ظريفه:(

عروس
الاكل على البخار هفضل ادور عليه وهبقى اقول لك لو عرفت ان شاء الله
لانه تحفه بجد
انا اكلت مرة اعتقد فى تكا الرز والخضار تحفه واكيد صحى ويشجع على الدايت
بس يا رب اعرف الطريقه
حد يعرف فى اللهجه اللبنانيه يا بنات عندى كتاب اكلات للحله السب ومش فاهماه
كلمه كرات يعنى ايه لو تعرفو
الكرات المصرى؟ معتقدش لانه داخل فى كل حاجه
سلام

السلام عليكم ورحمة الله وبركاته
رانيا حمد الله على السلامه والله انتى فى بالى النهارده طول اليوم
وبقول ياترى ليه مش بتدخل لان فعلا مشاركتك ليها طابع خاص
وجزاك الله خيرا على الرابط وان شاء الله نتشجع كلنا ولكى الاجر
لكن عندى رجاء أنا عارفه انك اكيد وقتك ضيق لكن برجوكى
حاولى بقدر استطاعتك انك تشاركى معانا حتى لو مره فى الاسبوع
لان الملف بتاعنا حاسه انه له طابع خاص وموضيعه شامله ومفيده
بيصعب عليا انه يقل المشاركات فيه وخصوصا الناس المميزه مثلك
والله بصدق المجموعه كلها كل واحده ليها طابع مميز والملف ده فرق
معايا جدا حاسه انى ليه اصدقاء واحباء فى الله
والرجاء ايضا لمدام وائل عايزينك معانا اكتر حتى لو مره فى الاسبوع
اكيد كلنا عندنا ضغوط ومشاكل ووقتنا ضيق لكن بحس انى لما بدخل واتكلم
معاكو باخد رست وشحنه نفسيه تدينى دافعه انى اقدر اكمل
مادو اخبار حلويات دمياط ايه خلصت ولا لسه انا مش عينى فيهابطمن بس
اكتبى الوصفه واترجملك من جارتى ال انتى عوزاه وعلى فكره الاكل
السورى واللبنانى بيكون حلو جدا وخفيف ومش بيتخن لان المقبلات عندهم كتير
مى بالنسبه لفوط المطبخ انا بجمعها واعمل لها دوره مخصوص فى الغساله
لان لازم تتغلى انا سمعت حلقه لاسامه السيد عن البكتيريا ال بتتنقل عن طريق
فوطة المطبخ عقدنى بصراحه
ماما زوزو ما شاء الله افكارك كلها فن وزوق وعاوزين من حضرتك
افكار جديده للتجديد قبل العيد
عملت اليوم اكله سريعه وسهله سلقت مكرونه وحطيت عليها حمص مسلوق وجزر مبشور
وفلفل اخضر مقطع وبقدونس والتتبيله كانت توم وزبادى وليمون وخل وملعقة عسل وزيت زيتون
وملح وفلفل وكمون وخلط كله على بعض وحمصت خبز فى الفرن بزبده مفروض يكون على الوش
لكن انا خليته لوحده لل يحب عشان اقلل النشويات وعملت معاها شوربة شوفان
لان انا لازم يوم فى الاسبوع بدون لحوم لكسر الروتين وترتيب وكنس البيت دى يومياتى
ايه رايكم تحبو نتفق على سوره معينه وعدد الايات ونحفظ سوا بحيث نشجع بعض
منظره تردى عليا يا مادو نحدد وقت ونبدا فى الحفظ