السلام عليكم ورحمة الله وبركاته
رانيا جزاك الله خيرا الرابط رائع
رونى جزاك الله خيرا معلومات جميله ومفيده لكن عندى رجاء ممكن تقسميها كل يوم جزء
لانى بحس ان المعلومات لما بتكون متقسمه بستفيد منها اكتر وبنفذها على طول
شيماء فينك يا بنتى فرصه انتى لسه فاضيه خلينا نشبع منك قبل ما يجيلك سهر الليالى
وفعلا انا كرهت اكل بره جدا كل ما نتغدا بره اتعب جدا بعدها فكان اكل بره للتغيير فى الروتين بقى
عقاب يعنى ندفع فلوس ونتعب بعدها يعنى خسارة جيب ومعده
كوكى ابداى من سورة النبأ وانا منتظره مادو عشان نرتب وقت للتسميع حتى لو مره فى الاسبوع
سها موضوع السرعه فى شغل البيت مش حا ييجى غير بالتدريج والاصرار انك تكونى سريعه
وفعلا حددى وقت لكل شغله فلازم حا تكونى سريعه عشان تلحقى وقلاش تضايقى نفسك
الامر مش حا يتغير فى يوم او اسبوع لان اكيد سرعتك دلوقت فى الشغل مش زى بداية
زواجك وكلنا كده كنا بنشتغل ببطىء لكن مع الوقت اتغيرنا
مادو خلاص مش عايزه حتة سمك ولا جمبرى تعالى بقى
عطر انتى فين
ايناس منتظرينك
مى طريقتك فى تنظيف الحمام سريعه وسهله
انا عملت اليوم فى بخاخ اريال وملح ليمون وماء لغسيل الحمام سريع واقتصادى جربو
عندى قصه فى موضوع الحفظ كنت العام الماضى بحفظ فى المسجد وجات وحده جديده
تحفظ فقالت للمحفظه انا مش حا اعرف احفظ لانى مش بعرف اقرا ولا أكتب فحكت لنا المحفظه القصه دى
انها كانت بتحفظ مع شيخ وكان معاهم سيده كبيره فى السن ما شاء الله حافظه القرآن كامل
وبدأت فى الحفظ وهى عندها اربعين سنه ومش بتعرف لا تقرا ولا تكتب لكنهامع الاصرار والعزيمه
وحب القرآن ربنا بيسهل الصعب

ازيكم يا بنات

يومياتى المفروض المن الهدوم انا مش عارفه عيالى بيحبوا يفرشوا بيها
قولشى سوق الكانتو هنا

يفتح الولايب
او يسحبوا فرش الانتريه

ملايت قديمه فرشها على السجاد والمها واغسلها
ويا سلام على البقع دى الملايه شايله بلاوى ولما حد يجى اشيل الملايه باللى فيها


اعمل ايه
على راى ماما زوزو الحاجه ام الاختراعات

مفرش سفره قديم قطعته الى اربع وبنفرشه للاكل وحلو بيتلم بسرعه

اما السفره خلاص
ابنى حرمنا منها المبارححط وشه فى فتحه الكرسى واقف على التانى واتزنق وشه
والحمد لله ربنا ستر

شلت الكراسى خلف الاساوار الانتريه

ربنا يهديهم جميعا

وبالمر مرات بابا لحسن دى عمله مشاكل مع اخى اللى لسه مش اتجوز

جه من الشغل الساعه 2.ومش خلصت الغدا والمشاكل قامت
وبابا كمان مش بيرضى عليها

ربنا يفرج همنا

السلام عليكم

رونى

النصائح جامدة جدا وكلها عجبتنى خصوصا ورق الحائط عشان الاطفال يكتبوا عليه و سلة الغسيل للعب حلوة برضه

وكمان معلومة معجون الحلاقة
وعلى فكرة انا شفتها مرة في برنامج كانوا بينصحوا اننا نغسل حوض المطبخ بمعجون الحلاقة لانه بيلمعه جامد وبينظفه كويس وانا جربتها مرة وكانت فعلا حلوة بس لقيت الكلوركس المخفف بيجيب نفس النتيجة معايا فعبيت بخاخة بكلوركس ومية وبعد ما اخلص المواعين المعه على السريع


شيماء

ازيك وازى البيبي ان شاء الله تكونوا بخير

عروس

انتى ومادو شجعتونى على ملح الليمون لازم اجيبه واجربه في التنظيف ان شاء اللله

لميا

ربنا يهدي ولادك وابنى انا كمان وحلوة فكرة الملاية على السجاد دى
انا كل شوية بكنس والم لعب من الارض

يومياتى

غسلت الغسيل والحمام والمطبخ وعملت على الغدا اجنحة دجاج تبلتها وحطيتها في كيس الشوى على السريع في الفرن ومعاها بطاطس ودجز
وكان عندى كيك شوكولاتة باقي اخترعت فيه اختراع كدة جبت بسكويت شاى كسرته بايدي وحطيت شوية لبن والكيك فرفته وحطيته عليه وعجنته لحد ما بقى متجانس مع بعض وبعدين حطيته في ورق فويل على شكل اسطوانة وفي الفريزر وبعد ما يجمد شوية نقطعه حلقات وندحرجه في جوز هند او مكسرات يعني تغيير

دلوقتى هانشر الغسيل واغسل المواعين واكنس بالمكنسة وان شاء الله ارجع تانى

بصراحة عندى حاجات كتير في البيت دواليب المطبخ والهدوم عايزة تترتب

ربنا يخليكى يا كوكىما انحرمش منك ابداا