مش بحب شغل البيت

طول عمرى مش بحب شغل البيت

وعلشان كده اتعودت انى اخلص اللى ورايا بسرررررررعه
قبل ما انزل الشغل
بعض اجزاء من الاكل تكون على النار
ماهو مش مشكلهة اسلق اللحمه
ميه بصل توابل بعد الغليان لحمه
ايه المشكلة
اطفى عليها قبل النزول اى كانت درجة السوا
بالمره احمر الشعريه اضيف الرز كام تقليه
الميه والسوا لما ارجع
قال يعن ى صااااابح
الحوض كام طبق يتغسلوا فى السريع
الرخامة لايمك اسيها مش نضيفه
مش حبا فى النضافة خوفا من النمل
كل ده والاولاد بيلبسوا
حتى وهما فى الحضانة
كان كل واحد يقفل للتانى زراير المريلة
لا يمك ينزلو من غير اللبن والبيضه
وانا واقفه فى المطبخ يكونوا بعد اللبس بيشربوا وهما بيكلو
خرجنا على بره من المطبخ
الزوج صحى مش تعبان فى حاجة

السلامات والقبلات والاولاد على باص المدرسه
وانا فى البلكونه ببص عليهم
احلى ميعاد لنشر الغسيل او لم الغسيل
ما انا برضه مش بحب الغسيل بكل مكوناته
الملايات اطبقها وانا واقفه
العربيه جت
مفيش وقت للتطبيق الباقى مفيش مشكله
لما اجى يحلها ربنا

انا مستنيه عربية الشغل
الزوج عمال يرغى لسه شويه على ميعاده
ادخل المطبخ
رايحة فينك
اسخنك اللبن ياحبيبى
اغسل كانم حزمة خضره
لان دايما السوق عندنا بالليل
مش بلحق اغسل الخضار
ما كملتش المواضيع
والعربيه جت
اسيب اللى فى ايدى
باي باي ومع السلامه
ضحكة فى كلمة
اقعد فى كرسى العربيه وارتاااااااااااااااااااااااح
فترة استجمام رهيبة

شفت شعلى ارضيت ضميرى
على البيت
انا بحب بيتى
بس مش بحب شغل البيت

من الممنوعات
نتورة اللعب فى اى مكان
قبل النوم
لم اللعب بسبت الغسيل القديم او الطبق الاخضر اللى تحت السرير بتاع اللعب

لو لعبه بره حجرتهم معناها المصادرة والتصميم على المبدئ
من اربع سنوات
عدم وجود اى ورق او مهملات فى الارض
الغداى على الارض فوق الملايه المخصصه وانا معاهم
الوالد يصل اخر النهار

انا اشيل الصحون
اخاف يتكسروا

يناموا فى حجرتهم لمدة ساعة
وطبعا انا نمممممممممممت
نصحى نلعب ساعة

وفى نفس الوقت التليفزيون مفتوح
عليهم الاختيار
شطبت الحوض اللى مش بحبه
حضرت تشطيبات الاكل للزوج
انا فاااااااااااااااااااااضيه
الاولاد يذاكرو وانا امارس هواياتى
باترونات من البوردا كروشيه
او الزوج موجود مأنسنا
ممنوع اقعد جنب الاطفال وهما بيذاكروا
قراااااااار نفذته طول العمر والحمد الله
من طبيعتى الصحيان بدرى حتى لو يوم اجازه
الجمعة الافطار وليييمة
لانه جماعى
تنفيض الصاله والمطبخ
ودعك الحمام
الزوج والاولاد نايمييييين
مش عارفة الرجالة ظبته دماعهم ازاى يوم الجمع النوم حتى العاشره
وانا صاحيه لوحدى من الساعة الخامسه

وخمس ساعات لوحدى بيتم فيهم انجااااز رهيب
فطرنا الاولاد بيلعبوا
الزوج استعداد الصلاة
من حمام وخلافة
انا نمممممممممممممت حتى ميعاد صالة الضهر
صحيت
اما الخروج
اة وليمة الغداء
او النادى للاولاد طبقا لزنهم
وانا فى النادى
لا يفارقنى الكروشيه او التريكو ااو التطريز او القراءة
الاولاد بقوا فى سن العاشرة والحمد لله ولدبن فقط
وحتى ذلك الحين لم انجب ابنتى الحبيبة
وما زلت لا احب شغل البيت
وفى الاسبوع
انضف تنضيف شامل حجرة واحدةوالمع الباقى على السريع
مع تقدم سن الاولاد اعانوووووووووووووووووووونىكثيرا
اللى يمسح التراب
اللى يضيع الاشياء مكانها
البديه كانها لعبه
وبعدها بالمغريات
وفى النهايه بالامر حيث يجب عليهم التعاون
ياررررررررررب بارك فيهم واصلح احوالهم
كما اعانونى كثيرا

اعمل ايه

انا مش بحب شغل البيت

ولنا لقاء اخر

السلام عليكم

مامازوزو وفطوم
صباح الخير

يومياتى
اليومين اللى فاتو كانو ملغبطين جامد بجد لشويه اسباب ربنا يعديها على خير يا رب
حتى مليش نفس للمطبخ
انبارح سلقت فرخه والله ما عملت حاجه جنبها ولا حمرتها حتى
حتى جوزى مش بيتغدى فى البيت بقاله كتير ربنا يعينه على شغله ورزقنا هو وازواجكم جميعا يا رب
بس عملت شويه افكار
تنفع اللى عندها اولاد قبل الحضانه زى ميمسى وعطر كده
قناع الخروف دة ظريف بس طلع معايا اسد معرفش ليه؟ هههه عملته بورق باطباق حلويات دمياط
http://forum.hawaaworld.com/showthread.php?t=1449682
كتابه الاسم بالفلين بس انا كتبت الاسم قطعه واحده مش حروف
http://forum.hawaaworld.com/showthread.php?t=1454573
وفي هنا فكار حلوة برولو مناديل المطبخ
http://forum.hawaaworld.com/showthread.php?t=1147192
انا نفذت السمكه بس ومن غير الوان مجرد رسم وتركيب زعانف بس حلوة
وفى فكره كده لحفظ المجلات شفتها من فتره بس مش لاقيه الرابط
عملتها بعلبه كورن فليكس وعنت فيها المجلات هى بتبقى مقطوعه بميل كده شكلها جميل جدا بس مجلدتهاش برده
بس ما دام طلعت حلوة هجلدها ان شاء الله
حاولت اعمل سله مبطنه زى مامازوزو خفت اقطع القماش بصراحه هههه حاسه انى مش هعرف بس هجرب تانى ان شاء الله

لمعت طقم الفضيات انبارح اخيرا كل شويه ااجله بس دعكته بليمون وقطعه صوف بقى تحفه بس بيعوذ مجهود فعلا

رانياااااا
والله انبارح بلعب فى الموبايل لقيت برنامج قران كامل مكتوب نزلته بالصدفه فرحت قوى وحسيت ان ربنا بييسر الموضوع ليا
والحمد لله
وافتكرت موضوع مدام وائل بتاع mp3 ونزلت الجزء30 وربنا ييسر ان شاء الله

عروس
منتظراكى يا قمر
وايه حكايه الرجيم اللى بالجرام دى بين الحكومه اللى حطاه
هو الرابط جميل جدا بس مين اللى ينفذ؟؟؟؟؟؟؟ هههه
انا اليومين دول محافظه بس مش رجييم اوى ببعد عن الدهون والتقليه والمسبك عشان القولون

السلام عليكم ورحمة الله وبركاته
ماما زوزو ماشاء الله يوميات جميله سرعه ونشاط ونظام هى دى الزوجه المصريه الصح
سها الف سلامه عليكى والله على طول فكراكى وفى بالى وكنت حا ابعت لك على الخاص لكن اعذرينى نا بسرق الوقت للنت
مدام وائل منوره بجد خلاص جبتيه لنفسك قلتى مرتين يبقى لازم مرتين وانا ومادو مش حا نتنازل عن المرتين
انا كان بحب المكرونه خت طريقتها من جارتى هى من راس البر لكن منتظرنها منك لانها حا تكون اصلى مش صينى
رونى معلوماتك جميله ومفيده
فطوم طمنينا عليكى
مادو مسك الختام انا معكى وماشيه على النظام يافندم وبحفظ وربنا ييسر لك أمرك ويصلح لك حالك
امس قريت فى المنتدى العام كانو منزلين موضوع ان وزيرة القوى العامله منعت التعاقد مع اطباء مصريين
والحقيقه الردود كلها كانت مستفزه جدا يعنى احنا لو مش مسلمين وعرب كانت حا تكون الردود ايه
طفيت النت ونمت مخنوقه ومضايقه مش لانهم سبو المصريين ال زعلنى ان دى روح المسلمين مع بعض جنسيتك ايه
فين رابطة الدين ما علينا يوم الجمعه ده كنت لازم اخرج بحب اقعد على البحر او اى حديقه
البيت كله فى السرير دور برد شديد وحراره ربنا الشافى وشغله ليمون وعسل
ورتبت البيت وغدا سريع لانهم مش حاسين بطعم اى اكل ففرصه بلاش اتعب نفسى
وان شاء الله حا اجرب خبز رانيا جزاها الله خيرا وهما كتبت مش حا اوفيها حقها
سلام اعمل لهم حاجه دافيه وراجعه لكم

http://forum.hawaaworld.com/showthread.php?t=1440593
سهل جربوا علشان البرد






يا ماما زوزو شوفى
كده
دى عن طريق مربعين ومكن من اى قماش يدفى

خطييييييييييييير جدا
ايه الجمال ده يالمياء
طبعا طول الشتاء وانا لابسه احذيه وشرابات كروشيه
ياريت يكون لك افكار كتير وتنفذيها
الاعمال اليدويه
بتعمل هدوء نفسي غير عادى
وفعلا بتنقى النفس
وبتسحب اى عصبيه

شطوووووووره يالمياء