شيماء

ازيك يا قمر بتوحشينا دايما وربنا يقومك بالسلامة وان شاء الله خير حاولى ماتفكريش في موضوع الولادة دلوقتى سيبيها على ربنا

اما الكروشيه والتريكو انا معرفش اى حاجة خالص عن لاتنين عشان كدة بسألكم وبصيت شوية في القسم لقيت حاجات لذيذة ربنا يسهل ممكن ابدا بالكروشيه زى ما قلتى

اما البنوتة محتارين لسة ما بين ياسمين وريم كل شوية نطلع باسم جديد هههههههه

عطر

كل سنة وابنك طيب وفكرتيني بزيزو برضه في اول عيد ميلاد كان تعبان وسخن وما سلمش على حد ولا ضحك حتى ضحكة واحدة كل الصور مكشر فيها

يالله تعالى احكي لنا عملتى ايه

عروس وايناس ورونى ولميا واية وام عمر ورانيا ونرمين ومادوو صباح الخير

صباح الخير ميمسى ونانو وennوعروس وايناس وشيماء ولميا واية وام عمر ورانيا ومادوو وhayoshaصباحك عسل وسكر

السلام عليكم
ازيكم يا بنات
وشكرا على تشجيعكم ليه وليومياتى ادتونى دفعه جامده بجد
عروس
الف سلامه عليكى يا قمر ولو سمحت ممكن اخد اجازة كم يوم من الدرس؟؟
لان البريود بدات وحاولت اقرا انبارح من الموبايل بس حسيت انى مش مرتاحه
هكمل حفظ بعدين وهقرا تفاسير ان شاء الله
عندى برنامج روعه لتفسير القران بس الايميل بتاعك مش بيقبل اى ملفات متشوفى ايه الحكايه عندك انت وعطر

عطر
نفسى اوى جدا خالص اعرف عملتى ايه
يا رب خير وكل سنه ويويو طيب
شيماااااااء
منورة يا قمر
عقبال ما تكتبى وانت ماسكه النونو فى الايد التانيه
وبصرة انبارح عملت مكرونه وكفته بانيه سبقتك
وانا هديكى اجازة من اليوميات ههههه عايزاكى تستريحى وتشتغلى بالبطىء

ميمسى
فى موضوع مثبت من فترة قصيره بقسم الكروشيه للتعلم لو حابه
والتريكو مش صعب بس ممل
انا بحس ان الكروشيه فن راقى زى رسم اللوحات كده ولو انى مبتداه برده بس بحب اتفرج

ام عمر
ازيك يا قمر اثرتى فضولى بشده بجد
يا ريت تبعتيلى على الخاص موضوع الحلم ده واوعى تقولى نسيتى هفضل وراكى لحد ما تقولى هههههههه
خير يا رب اللهم اجعله خير

د. نيرمين
ايه الغيبه الطويله دى بس يومياتك بتعجبنى بجد مختلفه
سبحان الله كل واحد فينا ليه طابع خاص بيه وبصمه مميزة بالملف انا ممكن اعرفكم من الكتابه من غير ما اقرا الاسم والله
وشوفى انت عايزة خلطات لايه واحنا نقول لك

رانيا
البيتزا غريبه شويه عايزة حد يغامر قبلى
ولو سمحتى تتفقى مع كوكى وباقى البنات على الحفظ عشان ميتحججوش بيه ههه
ويمكن لو بدات فى موضوع الحضانه ده اكمل معاكم ان شاء الله

نيرفانا وايناس وكل البنات
بتوحشونى جدا
دخول المنتدى بقى صعب قوى معرفش المشكله فى ايه تانى
سلام يا حلوين
انا نفضت البلكونات كلها النهارده وربنا يعين واكمل تنفيض الشقه
اصلى بحب فعلا اوضب فى الظروف اللى انا فيها
وخصوصا نفستى بتبقى وحشه اوى
فالواحد بيطلع زهقه فى سجاده ولا مخده
سلام

السلام عليكم ورحمة الله وبركاته
كل المجموعه ازيكم كلكم عاملين ايه
مادو ايه التوافق الفكرى العجيب ده انا كمان مش عارفه احفظ للظروف الشهريه كلنا فى الهوا سوا
وفعلا قلت خليها تفسير وربنا يسهل
عطر عقبال مية سنه ليويو وربنا يبارك فيه واحكى لنا بالتفصيل الممل عملتى ايه
د نيرمين فعلا زى مادو ما قالت يومياتك مميزه
ام عمر ليه بتتاخرى علينا عايزينك معانا يوميا اخبار عمر ايه انا كمان عندى عمر كل ال اسمهم عمر
مشاغبين جدا يبدو المشكله فى الاسم ربنا يبارك فى اولادنا جميعا
ايناس هو لسه فى باميه خضرا ولا انا نسيت مفروض الوقت ده خضار الشتا
رونى ونيرفانا وكل البنات انا بخاف انسى حد منورين كلكم
رانيا جزاك الله خيرا على الرابط وجربى يا مادو ما تخافيش ان شاء الله تعجبك انا بعملها لكن بضيف معاها زعتر
يومياتى رتبت البيت وكنسته وغسلت الحمام وطبقت غسيل وخرجنا اتغدينا على البحر الجو رائع
ورجعنا شغلت الغساله واليوم اليوم العالمى للكوى وعندنا امتحان عربىلكن قلت اطمن عليكو قبل
ما ادخل فى معمعة اولى ابتدائىابنى محتار بيشاور لى بيقولى ايه ده ال طلع لى قلت له حسنه
طيب والسيئه لونها ايه هو معتقد ان الحسنات ال فى الجسم دى من الافعال الخيره ومحتار فى لون السيئه
لو خلصت حا ارجع لكو تانى سلام

عروس ....انا زيك كده استغربت لما شوفتها وعايزة اقوللك ان فى ملوخية خضرا كمان فى السوق بس البامية عندى ليها شعبية عالية وخصوص ا جوزى وابنى مش بيتفقو على اصناف خضار غير البمية والملوخية غير كده بطبخ حاجتين علشان ارضى الكل حاجة تدوخ
اا الحمدلله حفظت اول 10 ايت من سورة النبا .....وان شاء الله نكمل سوا
مى ورونى......وكل البنات مساء الخير عليكو
مادو....انا كمان الاليام دى بستغل حالة الاحباط اللى عندى فى التنظيف لقيت انها فكرة كويسة