يوميات
انبارح عملت كباب حله ورز ابيض شكل عطر هى اللى اقنعتنى هههه
ونفضت البلكونات والشقه من التراب من فوق لتحت وطلعت زهقى فى الشقه
بقيت حاسه انها بتقول لى انا مش هتعفر تانى
ووظبط ضلفه من المطبخ وجبت صينيه الفطار المدوره دى حطيت فيها علب التوابل عشان الفها بسهوله ودى فكره معدله من المنتدى

ومسحت الشقه كلها النهارده وناويه امسح الحيطان والابواب حتت بس كده
تفريغ شحنات سلبيه مش اكتر
واروح لماما المستشفى وربنا يسهل
سلام

مدام وائل
النهارده الاحد على وعدك لينا وفى ناس بتسال عليكى اهو

لميا
نسيت اقولك تسلم اديكى على السابو وتيرجعي لينا بالسلامه
يا ريت والله لما تلاقو حاجه سهله فى الكروشيه تبقو تقولولى

زوجه مصريه

يا رب تقراى كلامى بجد يا ريت تطمنينا عليكى ولو بكلمتين لو مش فاضيه

السلام عليكم ورحمة الله وبركاته
مادو الف سلامه على مامتك
اسأل الله اعظيم رب العرش العظيم ان يشفيها ويشفى جميع مرضى المسلمين
مادو لو حابه تفضفضى معانا شكلك زهقان كلنا معاكى على الخاص او العام لان فعلا
الفضفضه بتكون نصف الحل وربنا يفك كربك وكربى وكرب كل مسلم
وربنا يجعل مشروعكم باب رزق وفير ويرزقكم خيره وبره ويكفيكم شره
وما تنسيش تكثرى من الصدقه وشغلى سورةالبقره يوميا وستجدى فرق ان شاء الله
عطر كلنا منتظرينك مع شاى وجاتوه احكى بقى
شيماء بجد ما شاء الله عليكى تعليقاتك جميله وبالهنا والشفا الكشرى
مى انا كمان مش بعرف كروشيه ابداى ولو سهل شجعينى

يومياتى محبطه البيت بقى كله تراب عماره جنبنا بتتشطف وبيرموا تراب ورمل
من على السطح انا مقفله البيت كله لكن التراب على راى ماما عامل زى الحرامى
ما تعرفيش بيدخل منين وبطمنكم على امتحان العربى الحمد لله مر على خير
انا بقى لى فتره طويله مش بسمع نشرة الاخبار لانها بتعمل لى اكتئاب
وبحس ان الدنيا بقت سوده فمنعتها لكن امس شاهدتها وعرفت اخبار
غزه والله نفسيتى تعبت جدا وحسيت برعب انهم على نهاية الاسبوع
جميع البيوت خزين الطعام حا ينتهى وسيده فتحت التلاجه لا يوجد فيها حتى الماء
قارنت بين حالنا وحالهم وكل ما افتح التلاجه افتكر مشهد التلاجه فى غزه
بحس بحزن لحال المسلمين ربنا يارب يفك كربهم ويثبتهم
وبخاف لان ربنا حا يحاسبنا بالنعم ال عندنا فلا نملك لهم غير الدعاء
واوصيكم يا جماعه واوصى نفسى اننا فعلا ما نرميش اى حاجه من الاكل
ونعرف ولادنا قيمة كل النعم ال اهنا فيها من ماء وكهرباء وغيرنا محروم منها
واحنا بنشترى لبس العيد لولادنا نفتكر اطفال غزه ونحكى لولادنا ان غيرنا محروم من النعمه دى
فحا يكون لنا اجر ان شاء الله اننا حملنا هم المسلمين ونكثر من الدعاء لهم
وحا نكون عودنا نفسنا وولادنا اننا ننظر لمن اقل مننا فنشعر بالرضا ونحمد الله على نعمه
ان شاء الله العشر من ذى الحجه قربت عايزين نشد الهمه ونعين بعض على الطاعه
وان شاء الله كلنا نصوم
وربنا يتقبل مننا جميعا صالح الاعمال

د نيرمين
بصى دى خلطتى المعتمده بحط على علبة الفيرى بتاع غسل الاطباق ملح وبيكربونات وملح ليمون وخل
اخلطهم فى كوب وبعدين على الفيرى وبستعمله لغسل الاطباق
وعملت منه بخاخ بمسح بيه دهون المطبخ والجدران والابواب
وبغسل منه السجاد فى علبة فيرى جزء من الخلطه واخففه بماء وارش منه على السجاد
وانظف بفرشاه وبعدين فى الشمس بينظف السجاد جدا
ولعيون البوتاجاز ملح الليمون ممتاز
ولو فى دهون صعبه فى المطبخ نظفيها بجاز اول مره وبعدها مش حا تحتاجيه لان البخاخ حا يفى بالغرض
وبالنسبه للحمام بغسله بتايد وملح ليمون وبعد الغسل مخصصه له برفان ارش على الجدران
بتكون الريحه منعشه
وللغسيل الابيض بنقعه فى الغساله ساعه وبضيف له كوب خل
ومنعت الكلور من البيت تماما
ولمسح الارضيه عملت خلطه كمفورت وديتول
وده ملخص وصفاتى الخاصه ومادو تكمل

السلام عليكم يا بنات
باسلم قبل ما انام
مادو

الف سلامه علي مامتك طهور ان شاء الله ربنا معاها يارب و ابقي طمنينا عليها

شيماء ازيك انتي يا حبيبتي ربنا معاكي

كل البنات

انا لما قلت علي موضوع القران كان نيتي فعلا الخير و اننا نشجع بعض
انا اتقالتي كلمه من اللي بتدينا التجويد ان ربنا اداكي فرصه للتجمع علي الدين و سهلك الحفظ و الصحبه الصالحه امسكي فيها لانك هتسالي عليها ان الفرصه كانت عندك و انتي اللي محاولتيش
انا مش اصدت خالص اني اكون شديده :icon33:
انا راجعت كلامي اساسا مش عارفه اي جزء اللي شديد فيه:44:
المحفظه بتاعتي اول ما ابتديت معاها قلتلها علي ظروفي اني بادرس الدكتوراه و عندي اولاد و ابوهم و البيت و العيش و الغسيل و رقصني يا جدع:hahaha:
الست قالتلي متتحججيش تخيلي و قالتلي علي اخر سوره العنكبوت اللي انا كتبتها قبل كده
و تقوليلي انا اللي شديده:44:

وعد اخر مره كلام

تصبحوا علي خير جميعاااااااااااااا