نيرفانا الف سلامه على ابنك ربنا يشفيه ويعافيه... ما خدتش بالي ..

السلام عليكم

معلش يا بنات مش بعرف اكتب الا والناس اللى هنا نايمين
بس مش قادرة استنى على رد رانيا

رانيا

تصدقى بالله انا من حبى فيكى كدبت عينى ومصدقتش اللى انت كتباه
وقلت اكيد غلطه مطبعيه
والله ما فهمت الا من كلام عطر ومامازوزو
انا بحسبك بتهزرى
دا انا من اسباب فرحتى بحفظ القران انى هقدر اديكى انت وعروس ثواب كبيير جدا
بكل حرف هحفظه لانى مش بقدر افيدكم بحاجه

طب ايه رايك انى هوقف الحفظ لغايه ما تيجى تصالحينى وذنبى فى رقبتك هههه

انت ليه زعلتى من كلمه شديده دا انا اتمنى اكون شديده والله
انا اقصد ان اسلوبك قوى وده ناتج من ثقتك فى كلامك وايمانك بيه واقتناعك
فهمتى يا استاذة ولا الكلمه دى فى اليابان ليها معنى تانى ولا ايه؟
جننتينى
سبحان الله انا عمرى ما حبيت حد الا ولازم نقع فى بعض الوقعه دى معرفش ليه
بس يا رب ما نطول يا رانيا
تعالى صالحينى باه عشان خاطر عيالك
بحبك جدا يا رانيااا يا قماصه

السلام عليكم
يا ربيييييييييييييييييي
انا مش زعلانه اساسا مين اللي قال؟
يا جدعان و الله كلامي مش اصدي اني زعلانه و لامنسحبه و مش لاعب بقي:42:
و الله ابدااا
انا و الله مش قماصه يا خرابي انا عندي 32 سنه هابقي قماصه في السن ده حتي عيب

انا بس عارفه نفسي بابقي غلسه و لزقه لما باحط موضوع في دماغي لازم انهيه كما ينبغي علي راي جوزي فابجيبله العصبي:42:

علشان كده ممكن الدنيا تفلت مني و اتحمس زياده فقلت انا خلاص قلت الفكره و علي حسب الظروف كملوها و مش هاتكلم تاني في تنفيذها بس كده و الله لان انا وصحت ان فرق التوقيت بينا و بين مصر 7 ساعات يعني انا علشان اسمع للمحفظه اخترت الساعه 10 بالليل عندي علشان في السعوديه تبقي 3 العصر فاهميني


و انا كمان باحبك انتي و مادو جداااا في الله:26:
رانيا

ماشى يا رانيا هعديهالك المرة دى
لكن اعملى حسابك المرة الجايه

متزعليش من هزارى

وتتوالى المفاجئات
نيرمين
مش معقول بجد انت فلسطينيه وعايشه فى غزة كمان
ربنا يعينك يا رب مش قادرة استوعب بجد انك من غزة
طريقتك واسلوبك وكله كله مصرى جدا



وشكرا ليكم يا بنات بجد على دعواتكم
وماما الحمد لله عملت العمليه بس لسه مكتبوش ليها الخروج
ربنا يتم شفاها على خير يا رب

نيرمين ولو ان عروس مسبتليش حاجه اقولها فى التنظيف
بس انا هبعت لك ملف كنت ملخصها لديما عن خلطات التنضيف
وهقول لك حاجه كمان
للمرايات الميه بالخل بتبقى جميله جدا وامسحى بورق جرائد
وللكرستال كمان بتاع النجف حلو اوى وامسحى بقطعه من القطن
ومسح السفره او اى ازاز ب ماء وخل واى برفان رخيص او زيت عطرى
الابواب لو بيضاء اغسليها بماء وكلور لان مقابض الباب المفروض تغسل بمطهر
هى ومفاتيح الكهرباء
الموبيليا ممكن بفرشه الاحذيه ومعاها ورنيش خفيف كده
الافران ممكن تحطى ملح الليمون زى ما هو من غير خلطات تنثريه بس وامسحى بقطعه مبلله وسيبيه فترة
وهو كويس جدا لازاله الاملاح الترسبه فى البراد ودرج الغساله والدش كمان وما بين السيراميك وكل ما تركيزة يعلى بيبقى احلى
التلاجه اغسليها باى طريقه بس امسحيها فى الاخر بالبيكربوناته عشان تمتص الروائح وللتطهير كمان
بقع السجاد ممكن تستخدمى الويندكس او السفن اب
ولو افتكرت حاجه هقول لك