نيرفانا الف سلامه على ابنك

ربنا يتم شفائه على خير

السلام عليكم
حمد لله علي السلامة يا فطوم
نيرفانا ألف سلامة علي أبنك
مادو حمد لله علي سلامه ماما
عطر عروس و ماما زوزو و أين و مدام وائل و رانيا و كل البنات اللي هنا
انا مكسوفة منكم جدا مش عرفة حتي افيدكم بأي حاجة بسأوعدكم اني لما أبقي شاطرة زيكوا حقولوكوا علي تجاربي

صباح الخير يا حلوين يا شاطرين
انا ما عنديش اي يوميات
امبارح اجلت الكشري علشان راحه للدكتور النهارده و طبعا الباشا خلع
و ماما اللي ح تروح معايا فالنهارده الكشري يا انجي ح اكلك بذمه ما تخافيش ههههههههه
و حلو عيد الميلاد و يا رب يا رب اعرف الاقيكي علشان ح اكلك انتي و ابنك ان شاء الله
و ممكن احلي بجوزك ما فيش مشكله هههههههههههه

مادو الف سلامه على ماما
نيرفانا يا رب اشفي ابنك و تم شفاه على خير ان شاء الله

ح اقوللكم انا قطعت الاجازة لان عندنا زنقة شغل فظيييييييييييييييييييعة
و اضطريت اني انزل كل يوم ربنا يستر
حتى النهارده مديرتي بتكلمني تكلفني بشغل وانا عندي غيبوبه
هههههههههههههه قلت لها هو كله ضرب ضرب ما فيش شتيمه خالص
ههههههههههههههههههههههههههههه
يعني اخد اجازة شهر و نصو ارجع على فحت مرة واحدة بالراحه شويه يا رجاله ههههههههه
الست جالها انهيار و قعدت تضحك و تقوللي مش ريحتي خلاص بقى علشان يطلع واخد ع الشغل
امبارح اكلت كفته برضه اكشن تاني مرة علشان هي اللي كانت في الفريزر و النهارده الكشري العظيم
بس ما قدرتش م الارهاق اعمل اي حاجة في البيت يا دوب الاكل و سبت الدنيا فله الصبح
و الله حتى ما طبقت السراير
ربنا يسهل و الدكتور يبقى مريح النهارده و امشي بدري الحق انام ساعه ولا حجة

طبعا منفسنه م الاخ ميدو و مش مصدقه نفسي انه بيخلع من مشوار الدكتور
اصلي بابقى عايزة اروح اتفرج ع البيبي و وصل لايه و ايه النظام جوه
سبحان الله بجد مش مصدقه كمية البرود اللي عند الرجاله
هماكلهم كده و لا جوزي لوحده مش عارفه ؟؟؟؟؟؟

ايه حمد الله ع السلامه يا جميل بقالي كتير ما شفتكيش

فطووم ربنا يعينك على الولاد و جوزك عاااااااااااااااااااااااادي جدا
ههههههههههههههههههههه ولا يهمك خلي روحك رياضيه

عين

ازيك يا بنتي فينك من زمان
بصي يا ستي بالنسبة لللخيط الرفيع اللي عامل زي الحبل
متهيا لي الغرزة ممكن مش بتظبط علشان الابره مش مناسبه شوفي ابره طخينه
علشان الغرزة تبقى مريحه جربي و ممكن تشوفي كمان لو اتغسلت و تكوت ح يبقى شكلها ايه
و ممكن لو طخين وماسك نفسه
تعملي بيه مشايه للحمام و مفرش لغطا التواليت
مش عارفه ممكن ايه كمان بس اعتقد لو اتكوى واتغسل ح يبقى احسن حالا

السلام عليكم ورحمة الله وبركاته
رانيا بجد لما بلاقى مشاركات لكى بكون سعيده جدا وجزاك الله خيرا على الروابط وعلى التشجيع على الحفظ
مادو ربنا يكمل سلامة مامتك على خير ويطمنك عليها
فطوم حمد الله على السلامه وبلاش ترهقى نفسك فى الشفل قسمى كل يوم حاجه
نيرفانا ياريت تدخلى تطمنينا على ابنك
ايه حتى لو ما كتبتيش يوميات كفايه وجودك معانا وتعليقاتك على اى موضوع
كينزى جربى ببرفان انك تمسحى الالوان لكن جربى فى جزء بسيط عشان اللون ما يغيرش
شيماء ربنا يكملك على خير فعلا كل الرجاله تكره مشوار الدكتور جدا لانهم بيملو من الانتظار
يومياتى لازال الوضع حرج العماره الجديده مليه البيت تراب برتب واكنس بس
وعملت الغدا سمك ورز وبرتي فى دواليب المطبخ الداخليه لكن كل يوم جزء
انا برتبهم كل فتره طويله لانى كل ما استخدم حاجه لازم ترجع مكانها بعد الانتهاء
ولو استخدمت الخلاط لازم يتمسح بالبخاخ فورا ويرجع مكانه بحيث يكون المطبخ
نضيف دايما ومرتب لان انا ما ليش يوم معين للمطبخ لانه يومى ولو قليت
لازم بعد الانتهاء اغسل خلف البوتاجاز فبيكون سهل فى التنظيف ومسيطره على الدهون والامن مستقر
كنت داخله بلكونة المطبخ انشر كنا وقت صلاة العشاء انا فى الدور الرابع لقيت تحت البلكونه
وضع رومانسى هندى فى الضوء الخافت وبدأ الوضع يتطور من المشاعر للمس وانا دمى بيغلى
وزوجى مش موجود يتصرف فكان سلاحى الوحيد اننى انكر بيه المنكر هو الكروانه
مليتها مايه وعطيتهم دش جميل يطفى لهيب المشاعر ايه رايكم فى سلاحى الارهابى
لكن يا ترى ممكن العلاقات الدبلوماسيه مع الهند تتدهور بسبب الكروانه
وبفكر بجديه انها لو اتكررت تانى تكون مايه سخنه لكن جوزى بيحذرنى
حبيت انقل لكو الصوره عشان لو العلاقات الدبلوماسيه تدهورت تقفو جنبى
وتطلعو بمظاهره
سلام وارجع لكو مساء نشوف موضوع الحفظ