http://www.imanway.com/vb/showthread.php?t=27984

السلام عليكم ورحمة الله وبركاته
فى اسماء جديده منوره معانا يسعدنا وجودكم ويارب تستمروا معانا
ميرو لكى حق تحبى ماما زوزو لانك واضح انك قريبه ليها فى الشطاره والسرعه
والافكار العمليه ما شاء الله لا قوة الا بالله يسعدنا وجودك معانا
ماما زوزو الطماطم غاليه الايام دى خساره فيهم فى مواقف كتير مشابهه
شفتها من شباك بيتى لكن ما كنتش بعرف اتصرف لانهم بيكونو فى سياره
ومش عارفه حتى اجيب رقمها لكن المره دى جم لحد عندى فكانت فرصه ذهبيه
ربنا يسترها الفساد بقى عانى بدون اى حياء
سما بجد انا مش عارفه اعبر لك عن مشاعرى وامتنانى وتقديرى لكى لردك فى
موضوع الاطباء المصريين بجد انا كنت فخوره بردك جدا كلام منظم وواقعى بجد لو مدام وائل
عرفت حا تفرح جدا لان سما قالت الكلام ال كلنا نفسنا نقوله وجزاك الله خيرا
ولكى منى كل تقدير واحترام
نيرفانا ربنا يارب يطمنك على ابنك ويشفيه وما يحتاج للجراحه
فطوم ربنا يعينك على الشقه وكله فى ميزان حسناتك ان شاء الله
ايناس خساره فيهم الصابون وكنت عاوزه اسالك على طريقة الكيكه المالحه
انا عملتها كتير ومش بتنفش معايا خالص لكن انا مصممه افضل وراها لحد ما تظبط عند مش اكتر
عطر انتى فين بتعلقينا بيكى وتختفى تانى
مادو انتى فين النهارده يارب تكون ماما بخير اليوم وانا واصله معاكى لنفس الايات فى الحفظ
كل البنات خايفه اكون نسيت حد منورين كلكم
بنات احنا كل يوم بنتكلم فى الطبخ والتنظيف عايزين نتكلم عن نفسنا شويه
يعنى لو كل واحده تكتب مع يومياتها حاجه عملتها لنفسها تدلع بيها روحها او مزاجك الخاص
عشان تخففى ضغط اليوم والشغل وازعاج الاولاد
ابدا بنفسى احب الصبح وانا بشرب الشاى اقرا الجريده وبعدين اقلب فى قنوات التليفزيون
واقوم على شغل البيت ولازم كل يوم انزل اتمشى ساعه مع جارتى بحس ان دى فسحه
وكسرت روتين اليوم تماما وفى حاجات لمزاجى الخاص صينيه عليها عدة القهوه سخان صغير
وعامله قاعده ارضى فى البيت واقعد فيها اعمل القهوه واشربها وياسلام لو الشيخ رفعت شغال
ارجع لذكريات مصر ورمضان والطفوله والاقى نفسى فقت من الذكريات الجميله على صوت عياط
ابنى لان اخوه ضربه بوظ مزاجى وارجع للواقع وعندى حاجه هنا فى الكويت حا تستغربوا ليها جدا
انا من عشاق الحاجات القديمه كنت اتمنى اعيش فى زمن المشربيه والزمن الجميل ده
فناس اصحابنا عرفوا عنى حبى للقديم جابو لنا زير هديه تخيلو فرحتى بيه عامله له ركن فى البيت
وبقى ادمان مش بعرف اشرب غير منه مش عارفه اعيش من غيره فى مصر ازاى
ينفع اخده معايا فى الطياره ولا يتقبض عليا فى المطار مدخله ممنوعات
بجد نفسى تتفاعلو وكل واحده تقول بتحب تروق مزاجها بايه عشان نخرج شويه
من جو الشغل وضغوط الحياه

السلام عليكم يا بنوتات

وحشتونى من امبارح انا شايفة ان الحمدلله في حالة نشاط اهوه ربنا يديمها علينا

عروس

ماقدرتش امسك نفسي من الضحك على الهنود دول وانا بتخيل المنظر اكيد اترعبوا هههههههههههههههه
بارك الله فيك

شيماء

فكرت في موضوع البطانية ولقيتها ممكن تبقى سهلة فعلا بس انا ابدا ههههههههههههههه

وبالنسبة للرجالة عادى ما بيحبوش اى حاجة فيها انتظار
طيب ايه رايك وانا حامل اول مرة
قعدنا كتير عشان نستنى الدور وحسيت انه زهق فبقوله ايه رايك تمشيى انت وانا هاخد تاكسي واجي
ابا بقوله كدة عشان يحس بالذنب

تصدقى انه كان هيعملها ههههههههههه

قلت انت صدقت وعايز تمشي وتسيبنى لوحدى:icon33:

ماعملهاش طبعا:27:

بس عموما هم ما بيحبوش الدكاترة والانتظار


فطووم

ربنا يعينك على التنظيف و حمدالله على سلامتك

ودة عادى برضه في الرجال كلهم كدة انتى قولى لنفسك انا بعمل لان دة بيتي ومش مستنية تقدير من حد

واحتسبي عند ربنا

نيرفانا

الف سلامة على ابنك وان شاء الله ما يكونش في عملية
طمنينا عليه دايما

مادو

الف سلامة على ماما ربنا يشفيها ويقومها بالسلامة

بالنسبة للتلاجة ممكن تعملى بخاخ ميه مع خل او بيكربونات او ديتول وترشي وتمسحى بس
والرفوف اغسليها على الحوض او حتى اعمليها بالبخاخ دة


هو تنظيفها بصراحة رخم بكل الطرق:angry:

رانيا جزاك الله خيرا بجد برنامج رائع
ربنا يجعله فى ميزان حسناتك
بجد يابنات ما لناش عذر مع ربنا لو قصرنا
حملو البرنامج لانه فعلا ثروه

مادو

رابط الفطاير تحفة بجد

ميرو

اهلا وسهلا بك معانا وبيومياتك وفعلا الواحد لما بيقول عمل ايه بيتشجع انه يكمل اللى عايز يعمله في البيت
وكمان بيشجع اللى بيقروا

وبحييك على فكرة غسل الستائر فعلا حلوة وسهلة

انا برضه بعلقهم على طول بعد الغسيل وينشفوا وهم متعلقين

سما

انتى يا فين يا قمر بتغيبي عننا ليه

انا جربت الكسكس المغربي كان حلو عملته تغيير يعني
بس مش عارفة هو زي الكسكسى الليبي ولا ايه

حبيبة
ازيك بقالك مدة مش ظاهرة

للاسف مش عارفة في التليفزيونات اوى