اقولكم على حاجة من الحاجات اللى مضايقانى

جوزى وبنتى بعملهم ساندوتشات كل يوم يرجعوها :(
اعمل البيتزا والفطاير بنتى ماتعجبهاش وجوزى ياكل مرة واتنى يوم يرجعهم مع انى بعملهم حلو
وانا اللى اقعد اتسلى فيهم لحد ما يخلصوا

بنتى اللى ترضى تاكلة ايه: بسكوت عصير شيبسي بطاطس محمرة فريش من المدرسة زبادى تفاحة لو فيه
وبحس ان دى حاجات مش كافية وفى منها مش مفيد اصلا بس بضطر ساعات اديها منه عشان ماتجعوش بس لازم ساندوتش

هى الحمد لله ما شاء الله بتاكل كويس فى الغدا لكن مجننانى فى الفطار والعشا معندهاش مفهوم العيش والجبن والمربى ولا عمرها داقت الفول ده


جوزى عادة بيطلب من برة مع اصحابة فى الشغل

جربت اعملة ساندوتشات تونة وسجق وحاجات كده العيش بيتهرى وبيتفتفت على ما يجى معاد الاكل وفى الغالب ياكل حتة ويرجع الباقى زى الاطفال

بصراحة يأست مع الاتنين بس ده مضايقنى

ماما زوزو (اللى مابتحبش شغل البيت :))
اومال لو كنتى بتحبية كنتى عملتى ايه :)

مجبر اخاك لا بطل

يومياتك بتعجبنى ودايما بستفيد منها وبلاقيها متشابه احيانا مع يومياتى اللى هيا يوميات المرأة العاملة

خاصة الرز بتاع الصبح ده :) انا اقوم احيانا كتير احطة على النار من غير تحمير ولا حاجة وعلى البس العيال والبس اطفى علية قبل ما انزل

وكتير ببقى عامة الخضار من باليل او سلقة من باليل برضه

نيرفانا سلامة ابنك

انا مش متابعة هو عندة ايه

بس ربنا يشفيه ان شاء الله ويقر عينك به

سلامى لكل الجميع اللى سقطوا من ذاكرتى

كلهم شاطرين و كلكم بستفاد من مشاركتكم

حاسلم علىالسريع وارجع ليكو تانى ان شاء الله باليل
عطر....حيسافر يوم السبت همتك بقي معايا
كوكى.....لو انت ساكنة فى القاهرة الله يكون فى عونك انا قعدت فيها فترة والمنافسة كانت شديدة....لسه كمان عايزة اقوللك على موضوع جوز الهند على الكيك "ادهنى الكيك بمربى مشمش"لو كيكيه فاتحة"او فراولة "لو بالشوكولاتة"وبعدين رشى جوز الهند من الجناب والوش ....علشان يلزق...وبعدين حطى 3كريزات فى النص...بيكون شكلها تحفة
رانيا....ما قولتلناش فى الشتا نلبس ايه
ميرو....كنت فين يا بنتى من زمان