عندي فكرة صغنونة بس حلوة اوي
كان عندي لولي طبيعي عملت عقد لنفسي وفضل شوية

فكان عندي خيط دهبي من كل شئ لضمت اللولي فيه وفي النص حطيت دلاية دهب بتاعة بنتي وكملت العقد بقى جميل خالص عليها وعملتلها كمان غويشة لولي وطبعا اللولي سعره ارخص كتير من السلاسل الدهب

وبس

الطقم بقى تحفة وجديد وبناتي خالص

السلام عليكم ورحمة الله وبركاته
انا بصبح سريعا وحا ارجع لكو بعد الغدا
كينزى كان فى حلقه حلوه جدا عن موضوع كره الاطفال للمدرسه
اولا لازم يكون الطفل واخد كفايته من النوم وتنظمى لها نومها
ثانيا بلاش تحسسى الطفل بالعبىء والهم ان المدرسه مسؤليه
وواجبات لا يكون الواجب لعب وترفيه
لازم تعرفى سبب كرهها للمدرسه لان هى دى ال حا تساعد على الحل
وجاب نموزج طفل بيبكى وكاره جدا للمدرسه وسبب كرهه انه خايف يرجع من المدرسه
ما يلاقيش حد يفتح له الباب فكان الحل انه يكون معاه المفتاح
فممكن تعملى حيله عليها خلاص بلاش مدرسه لكن كل الحاجات ال بتحبها ممنوعه
وقال كمان الدكتور حاجه مهمه غلط جدا لو غابت من المدرسه انك تعملى لها فترة الصبح
كل الحاجات ال بتحبها عصير وشيبسى وكارتون وجو جميل فى البيت فده غلط انه لازم يكره المدرسه
اتعاملى مع الموضوع بهدوء ولازم فى سبب سواء المدرسه او اى صديقه فى المدرسه
وما تنسيش الدعاء
تانى حاجه فى موضوع مهم يا عطر هو موضوع السن عارفه التجاعيد بتيجى من ايه مش من السن
مننا احنا من الهم والتكدر على الامور الكبيره والصغيره واكبر غلطه انك تقولى انا كبرت
لا لازم يكون جواكى شباب وكل مرحله من العمر ليها رونقها وجمالها
فلما يكون جوانا شباب حا ينعكس على بشرتك نفسيتك على جو البيت كله
شوفو بقى ماما زوزو جابت الخلاصه يعنى لازم تكونى كل دول فى بيتك
فى وقت من اليوم انتى ام عبده الداده
ووقت سيده الشغاله
ووقت عم عبده الطباخ
ووقت ابله فضيله مع ولادك
ووقت انتى د كتور عادل صادق رحمه الله طبيب علم النفس
بتحللى فى نفسية اهل بيتك وتعالجى الخلل
ووقت انتى صفاء حجازى مواضيع اخباريه وجاده
ووقت انتى فيه هانم رقه ونعومه ورومانسيه
وتختميها انك تكونى هيفاء ولا ناناسى
والعامل المشترك مع كل دول الملح
انك تكونى داعيه اسلاميه فى بيتك زى الملح
مهم جدا ما ينفعش نعيش من غيره
لكن لو زاد يضرنا ولو قل يضرنا
وقصدى بالزياده ممكن نصح الزوج بحماس وحده
لو عنده اى خطا سواء تدخين او غيره
فلازم تكونى كل دول عشان بيتك يكون صح وما يكونش فى خلل
بجد احنا مش بس عمود البيت ده احنا الحديد والاسمنت والصبه
والمقاول والعمال وكله
يالا ياعطر ابداى القرص بس وحده وحده عايزه الفت نظرك لحاجه ان كان كل كلامنا عن
الصلصه وسحر الجاز فى ازالة الدهون ودخلنا فجأه فى رسم العيون فمعلش تحملينا
ووحدهوحده وبلاش كل ده
يالا سلام فاصل ونعود

ازيكم يا بنات ممكن حد يقولى ازاى ادلع زوجى يوم الجمعة لانى ديما مشاكل مع جوزى واعرض علية شكاوى الاولاد والحركاد ى غصب عنى كمان بنظف واغسل يوم الجمعة وكل مشاكلى لانى بكون اتهد حيلى

يعهنى برضة ست البيت الى بتطبخ وتغسل وتزاكر لاولادها وبتحضر وجبات وبتربى الاولاد وبتشترى الطلابات للبيت منين تلاقى وقت لنفسها تعمل اى حاجة غير انها استهلكت لااخر قطرة وكمان مش بتلاقى هدية حلوة ولا كلمة ولا اى حاجة غير اتهام بالتقصير وان جوزها خانها طيب يشيل عنى وانا ابقى فشر هيفاء

سمسمة

الف مبروك النقاب بس انتى مش بتشتغلى؟؟؟؟