لأ مش عارفة ليه اعتقدت انك بتشتغلى او يمكن حد تانى واختلط عليا الاسم

نيرمين

معلش نسيييييييييت اصالحك اصلي كنت متاثره اوي بالاغنيه بتاعت مصر دي فنسيييييييت كله
و بعدين يا قمر خاطرك عالعين و عالراس
و بعدين انا مش عايزاكي تزعلي لومحدش سال عليكي بالاسم لانك في بالنا دايما و مش معنى ان مش بكتب الاسم اني نسياكي



يعني عندك نانا حبيبتي
وحشانا كلنا جداااااااااا و نفسي تطمنا عليها بس مش بنكتب كده كل يوم لانها في الاغلب مش هتقرا


ميي
عاجبني كلامك اوي يا ميوش عن كل حاجه
و خاصه الروقااااااااااااااان .........ولا لما قلتي شيكولاته و نسكافيه !!!!!
بوظتي اعصابييييييي
انا بقى جايبه ماكينه كابوتشينو في البيت و مقولكيش بقى عالمغرب كدا اديها واحد و هدوووء بس طبعا الهدوء مش يستمر اكتر من دقائق عشان المحروس ابني

السلام عليكم ورحمة الله وبركاته
صباح الخير جميعا جمعه مباركه ان شاء الله وما تنسوش سورة الكهف والصلاه على الرسول عليه الصلاة والسلام
الله عليكم لما بتوصفوا مزاجكو وقاعدة الروقان
بصو احنا مش حا نتكلم عن الزوج دلوقت خالص وطريقة التعامل معاه وافكار ومقترحات ممكن تأجلو الموضوع شويه
هى شبه خطه احنا اولا لازم نبدأ بنفسنا احب نفسى اولا وادلع نفسى وما اضحيش بمزاجى على مدار اليوم
حتى لو دقايق سرقه انا حا احكى عن نفسى وانا واثقه كلكم حا تقولو كلنا كده اوعلى الاقل فى نصف الحاجات
بفتح عينى على المطبخ الولاد بتحب ايه فى الاكل وبباهم مش مهم انا تنظيف وتنظيم البيت مية المره فى اليوم
لو جاره ولا صديقه اتصلت تعالى نشرب مع بعض الشاى معلش مذاكرة الولاد الولاد خناق طول اليوم وانتى بتصرخى
وماسكه الحزام وبتجرى وراهموشعرك كحكه عشان الحر بتشربى الشاى وانتى واقفه فى المطبخ عشان الوقت
لو نزلتى السوق كمية اكياس قد كده ما فيش فيها حاجه لكى المهم الولاد لو اشتريتى حاجه جديده مش عارفه
تلبسيها ما فيش وقت ولا مزاج وانتى قاعده على الغدا سرحانه اعمل غدا ايه بكره ونفس الحكايه على العشا
وتدخلى تنامى منهكه وناعيه هم بكره حا اقوم اعيد نفس الحاجات شوفى انعاكاسات كل ده على نفسيتك
عصبيه على ولادك وجوزك ودايما زهقانه ومش عارفه ليه
فكان لازم يبقى فى واقفه لا كده مش صح مسؤليتنا حا تفضل زى ما هى برده حا تنضفى وتغسلى وتربى
لكن بنفسيه مختلفه حا احب نفسى وادلع نفسى الحاجه ال بتريح اعصابى وبتخلينى ريلاكس لازم اعملها
حا البس واتجمل عشانى عاتحرك برشاقه رياضه مع شغل البيت قاعده حلوه لو مره فى الاسبوع مع جاره ولا صديقه
شوفى وقارنى بعد ما احترمتى مزاجك الخاص ودلعتى نفسك شوفى تاثيره على نفسيتك وانعكاسها على بيتك وولادك
وانا حماتى زمان نصحتنى نصيحه كنت كل ما اشترى حاجات لولادى تسألنى جبتى لنفسك ايه اقول مش مهم الولاد اهم
قالت لى غلط اوعى تعتمدى المبدأ ده لانك حا تلاقى نفسك نسيتى نفسك كل ما تخرجى اشترى لنفسك اى حاجه بسيطه
قلم روج حتى لو توكة شعر هى حاجه بسيطه لكن حا تفرق فى نفسيتك جدا
فا حنا حا نمشى خطه طويله وممتده ولازم ما يمرش يوم غير وانتى منفذه منه اى حاجه وبلاش ما فيش وقت
لاحا يكون مبدانا انا حا احب نفسى وادلع نفسى شوفى بقى ياعطر احنا من ايدك دى لايدك دى اعملى برنامج وخطه
وكلنا معاكى وطبعا حا نحتسب النيه قبل اى حاجه حا نعملها وبعد ما ندلع نفسنا ونتعود على كده نتكلم بقى عن الزوج
ونحط خبرتنا وتجاربنا عارفين ليه انا خليت الزوج للاخر لان ممكن تتعبى وتشترى وتبذلى جهد وما يا خدش باله
او التعليق يكون بسيط وسطحى يعمل لك احباط شديد خلاص مش عامله عى حاجه عشان كده حا ندلع نفسنا
لنفسنا ولازم حا ياخد باله وحا يحس بالتغيير
منتظرينك يا خبيرة التجميل
بصى يا عطر فى الحواوشى انا بحط اللحمه نايه نفس خلطتك
انا بقسم العجينه كور بفرد دايره وعليها اللحمه وبفرد دايره تانيه واغطى بيها اللحمه وبعد كده تخرميها بالسكينه
ال هو وش العجينه وبتدخليها على نار عاليه عشان ما ينشافش ونفس الطريقه فى الشجق بيكون نى
وبتخرمى وش العجينه وبالهنا والشفا
مادو انتى فين تسورى طلعتى فى دماغى موضوع المايه والملح فعلا بيعمل استرخاء فظيع وبينعم الرجل جدا
حلو قوى موضوع دهن الرجل فازلين ولبس شراب وانتى بتشتغلى حلو جدا وبينعم جزاها الله خيرا رانيا
انا رغيت كتير اصلى عامله دماغ ع الصبح ومدياها شاى بحليب
يالا سلام وارجع لكو بالليل ان شاء الله

عطر الاغنية فعلا مؤثرة جدا بس حاولى تغيرى المشاركة دى لان ممنوع التعامل مع اليوتيوب فى المنتدى

صباح الخير
قولت اسلم على السريع وانا بفطر اهو معاكم....نيسكافيه بلبن "معلش يا عروس هو دا اللى بيعمل معايا دماغ على الصبح"
يارب تكونو كلكم بخير...سلام مؤقت