السلام عليكم

انتو فين يا ستات يا شاطرين

بلاش دور الاكتئاب ده يسيطر عليكوا


اقولكم مذكرات اليومين اللى فاتوا عندى


اولا الاسبوع اللى فات كنت تعبانة جدا دور انفلونزا شنيع بس الحمد لله هدى دلوقتى

بنوتى الصغيرة الحمد لله بلغم وكحة عرض مستمر ربنا يشفيها

الكبيرة بقى رايحة النهاردة لدكتور الاسنان عندها سنة اتعوجت والسنة اللى جنبها سليمة مش ملخلخة وطالع وراها سنة جديدة

خايفة اوى ربنا يستر نخش فى موال تقويم من دلوقتى وبنتى جبانة اصلا وبتخاف من اى حاجة



طبعا مع كل الظروف دى كان الترويق والاكل اى كلام فى اى كلام ومقضينها

سلقت لحمة الاسبوع اللى فات بس ميتها نشفت واتحرقت من تحت

فحطيتها فى التلاجة على ما اشوفلها تصريفة وبعدين من يومين كنت عاملة لحمة باردة وباقى الصوص البنى بتاعها

قومت امبارح افتكست طلعت اللحمة وشلت منها الاجزاء المحروقة وقطعتها مكعبات صغيرة وحطيتها على الصوص البنى وخففتة بشوية مية وسيبتهم شوية على النار تاخد طعم الصوص
وهاعمل معاها رز ابيض ان شاء الله

ازيكم يا بنات وحشنى جدا
وكل ما ادور عليكم اتشغل

نظفت البوتجاز شامل

وامبارح كان عندى زحمة بابا سا فر للحج
وعملت اكل لناس كتير ما شاء الله


وغلفت كرتونه كبيره بالقماش والعيال يملوها لعب ويفضوها اهى نفعت


ماما زوزو طبعا

وايه شكرا للبوتجاز

ومادو شكرا لملح الليمون
عملت

مغلى قشر البرتقال من توليب اهوه بنظه وجه منه

لملومه ازيك واحشاني ... حج مبرور لبابا ويروح ويرجع بالسلامه

السلام عليكم ورحمة الله وبركاته
وحشتونى كلكو كنت كتبت رد طويل وعريض لكن النت فصل
ان شاء الله حا ارجع بالليل او الصبح غدا بحيث اننا نعمل برنامج للعباده وشد الهمه للايام القادمه
ونفسى احكى لكم عن يوم عرفه واوصفه لكم لما كنت فى الحج لان من بعد الحج اليوم ده بقيت بعيشه بروحانيات مختلفه تماما
عطر الف سلامه عليكى ياريت لو روحتى لدكتور تقولى لى عملتى ايه لانى تعبانه بكعبى ومع الشغل والوقفه بيزيد الالم
مادو يارب تكونى بخير وتطمنينا عليكى وعلى والدتك
بلو روز حمد الله على سلامتك نورتى التجمع وربنا يشفى والدتك ويجعله فى ميزان حسناتها
سها بجد طريقتك مع ابنك ما شاء الله جميله وناويه اطبق مع ابنى لانه كتوم جدا
وياريت تستمرى فى كتابة يومياتك مع ابنك حتى لو الموضوع بيسط لكن بيكون مفيد لنا كلنا
نيرمين ربنا معاكو ويفك كربكو وانا بدات مع ابنى احكى له ان اهل غزه وصبرهم
وبنتى عملت موضوع على اللاب توب وصور عن اهل غزه وصبرهم ودخلت بيه مسابقه فى المدرسه
هى اكيدحاجات بسيطه بس لازم نغرز فى ولادنا حمل هموم المسلمين ويطلعو من صغرهم عارفين
مين عدوهم
شيماء انا حا اسميكى فاكهة التجمع لان روحك وتعليقاتك جميله ربنا يكمل لك على خير
فطوم ربنا معاكى هى فتره وحا تعدى ان شاء الله ولكى الاجر
روشانا الف سلامه عليكى وعلى كتاكيتك
لميا يوصل بابا بالسلامه ان شاء الله
معلش يابنات لو نسيت حد لكن بسلم على الجميع وان شاء الله احاول ارجع لكو تانى

عماله اغسل من الصبح
مش عارفة الغسيل دة مش بيخلص ليه

وعملت رز وصنيه بصاطس

وروقت وعملت بخاخ الفيرى والخل ودورت على الشقه عماله امسح

بس احط ايه تانى عليها انا حطين فيرى وخل بس

لمياء حج مقبول ان شاء الله\

وعقبالنا جميعا
عروس الله يعينك ويقويكى

روشانا الف سلامه عليكى وعلى بنوتاتك