السلام عليكم ورحمة الله وبركاته
جزاكم الله خيرا على دعواتكم وربنا يتقبلها يارب
والله انا بمر بفتره صعبه جدا على نفسى انا من نهاية رمضان
وانا نفسيتى تعبانه جدا ومر العيد عليا فى حزن رهيب مش عارفه سببه
وف رمضان كنت بحلم احلام صعبه جدا لدرجة انى بقيت اخاف انام
والحمد لله على كل شىء
اللهم اجرنى فى مصيبتى واخلف لى خيرا منها واشفى زوجى ووالدى ومرضانا ومرضى المسلمين
هو ابتلاء من رب العالمين وان شاء الله يكون فيه الخير
انا بحاول اظهر الهدوء التام واقول له انى متفائله ومبسطه الامر جدا
لكن من داخلى انا فى اضعف حالاتىلكن فعلا خير معين هو الله سبحانه وتعالى
وبناجى ربى وعندى يقين انه ان شاء الله اختياره لكل الامور هو الافضل
لكن عندى نصيحه لكم من خلال تجربتى ان الدنيا فعلا ما تستاهل شىء
بنتكدر ونتعصب ونحزن ونخطط لمستقبل اولادنا وجامعاتهم وجوازهم
وممكن يكونو لسه لم يتخطو العام الاول ونكدر نفسنا عايزين افضل شىء
وياترى ظروفنا حا تسمح بكل ما تتمنى ويمر قطار العمر واحنا مش حاسين
لكن افضل شىء اننا نعيش فى حدود يومنا بما يرضى الله ونتمتع بيومنا بالحلال
وما ننعى هم غدا لان غدا مش ملكى نهائى وما فات من العمر فات بخيره وشره
فانا حدودى يومى فقط لكن ليس معنى ذلك اننا لانسعى او يكون عندنا طموح
يكون فى طموح وسعى لكن نترك كل حمولنا على الله فهو المتكفل بنا وادرى بحالنا
واحن علينا من والدينا واحيانا كثيره بنتوقع ان الظرف الصعب نقطه سوداء ونتكدر
لكن لعله خير فاحيانا الابتلاء بيكون باب خير لشىء جديد لكن افقنا الضيق
لم يرى الامر من كافة جوانبه فالحمد لله على كل شىء
وانا عندى طلب تدعو لنا ان ربنا ييسر لنا الطريق السليم للعلاج
ويرزق زوجى بالشفاء

الحمد لله
ان شاء الله ربنا يتمم شفاءه على خير
وزى ما كل البنات ما قلولك اهم حاجة ان يكون مرتاح نفسي ومعنوياته مرتفعة وراضى بقضاء الله ده اكيد له نصيب كبير فى سرعة شفاؤه ان شاء الله

اللهم اشفى جميع مرضانا من المسلمين والمسلمات والمؤمنين والمؤمنات يارب العالمين يا ارحم الراحمين يا الله

ربنا يشفي زوجك يا عروس و ربنا يطمنك علية و الحمد للة ان الورم حميد
انا مريت بتجربة دي من فترة في رمضان الدكتور كان مشككني ان ممكن يكون عندي ورم في الرحم
بس الحمد للة طلع مفيش حاجة و أعدت اخود علاج كتير عايزة اقولك انك لو حسستية انو كان مفيش حاجة ان شاء الله الموضوع حيبقي عادي و ربنا يسترها ان شاء الله

ربنا ييسر لكم الطريق السليم للعلاج ويرزق زوجك بالشفاء عاجلا غير اجلا

اللهم اشفى جميع مرضانا من المسلمين والمسلمات والمؤمنين والمؤمنات يارب العالمين يا ارحم الراحمين يا الله

حبيبتى عروس والله قلبى معاكى ربنا يصبرك ويقويكى ومعلش الحمد لله قى قضائه سبحانه وتعالى رحمة وان شاء الله ربنا ييسرلكو طريق العلاج الصحيح
ولا ازكى على الله احدا وانت خير العارفين دداووا مرضاكم بالصدقة وانذرى لله شىء او عمل عند الشفاء
اللهم يسر لزوج عروس العلاج وعجل له الشفاء
الهم اشفى مرضانا ومرضى المسلمين يا قادر يا الله