السلام عليكم

عروس حبيبه قلبى والله ما مانعنى عنكم غير قطع النت كل شويه وكتبتلك كتير واتمسح

ولا املك غير انى ادعيلك بظاهر الغيب
قدر الله وماشاء فعل وان شاء الله خير
ربنا يشفى زوجك ويعافيه يا رب ويعوضكم عن كل ثانيه صبر على المرض
بايام احلى واجمل واذكرك بقول الرسول صلى الله عليه وسلم
ما يصيب المسلم من نصب، ولا وصب، ولا هم، ولا حزن، ولا أذى، ولا غم، حتى الشوكة يشاكها إلا كفر الله بها من خطاياه
الشوكه يا عروس فما بالك بمرض زى دة ربنا يشفيه ويعافيه باذن الله
اهم حاجه انك تمديه بقوتك وصبرك وابتسامتك وربنا يعجل من شفاءه ان شاء الله
قومى يله افتحى الشبابيك ونورى الشقه ونفضيها وجددي فيها واعملى له اكله حلوة وصحيه
اكيد الدكتور اداكى تعليمات بالاكل الصحى فى الفترة دى او اسالى انت الدكتور
مش عارفه اقول لك ايه؟ انا عارفة ان ايمانك اقوى مننا كلنا بس تفائلى خير وان شاء الله يكون خير
وقال النبى صلى الله عليه وسلم قال عز وجل انا عند ظن عبدى بى فليظن بى ما يشاء

عندى سؤال باة عايزة عروس والكل يجاوبنى عليه
انا الايام دى كل ما اصوم انسى واشرب حاجه انا سمعت ان النسيان فى غير رمضان يفطر رايكم ايه؟؟؟؟؟
الواحد مش عارف يركز من كتر اللى فيه
عروس عايزين نبرة التفاؤل اللى فى كلامك ترجع تانى محدش عارف بكرة فى ايه
قال الرسول الكريم عجبا لأمر المؤمن إن أمره كله خير ، وليس ذاك لأحد إلا للمؤمن ؛ إن أصابته سرّاء شكر ؛ فكان خيراً له ، وإن أصابته ضرّاء صبر ؛ فكان خيراً له .
مستنينك يا قمر متتاخريش علينا

وسلامى لكل البنات اللى وحشينى جدا :26:

صباح الخير لكل البنوتات

نيرفانا انا حاسة انك بتتكلمى عن الفرن الكهربائى اللى بييجى لوحده وبيكون شبه الميكرويف تقريبا
هو بصراحة جميل جدا وتقدرى تعملى فيه كل حاجة ما عدا العيش تقريبا
انا بعمل فيه كيكة وبسبوسة وقراقيش ومكرونة بالبشاميل وبطاطا مشوية وف نفس الصاج اللى بييجى معاه بعمل صينية الجلاش والكنافة واى حاجة انتى عايزاها ممكن تجربيها فيه
وان شاء الله اكون افدتك

حبيبتى عروس النيل ..
ربنا يشفي جوزك يا رب والف سلامة عليه .. وطبعا مش محتاجه افكرك ان اشد الناس ابتلاء الانبياء وبعدين الصالحين والاعلي فالدرجات .. ربنا بعدى فترة العلاج على خير ويخليكو لبعض 100 سنة يا حبيبتى .
كل البنات وحشتووووووووووووووووووووووووووووووووووووووووووونى
شيماء .. ارجوكي تدخلى تطمنينى على الحمل .. قلقانه عليكى
باحبكم كلكم كلكم كلكم .... يا دوب فكيت الجبس امبارح وباجرب امرن دراعى شوية بس ضعيف قوى ومش مساعدنى

صباح الخير يا نانا
معلش هو دراعك هيتعبك ويكون تقيل ف الاول شوية لكن ممكن تعمليله شوية تمارين بسيطة تكون زى علاج طبيعى وان شاء الله تبقى كويسة
واحمد عامل ايه ان شاء الله يكون مبسوط مع اصحابه

اللهم اشفى مرضانا من المسلمين والمسلمات والمؤمنين والمؤمنات يا ارحم الراحمين يا اكرم الاكرمين يا الله

السلام عليكم ورحمة الله وبركاته
مادو حبيبتى كلامك جميل وكله تفاؤل واجمل مافيه انه خارج من القلب وحا ابحث لك على الفتوى وارد عليكى
نانا مبروك فك الجبس وربنا يكم شفاكى على خير وضع ان الذراع ياخد فتره على ما يرجع لوضعه الطبيعى لكن اكيد فى تمارين له
نيرفانا الفرن الكهربائى ان شاء الله آمن فى استخدامه انا بستخدمه لكل شىء حلويات او اكل عادى ممتاز
لميا مشكلة الشيبسى دى مشكلتنا كلنا كل الولاد بتحبه جدا لكنه وباء وحاولى فى السيبسى البيتى عشان ما يشربش زيت
انك تنزليه فى ماء مغلى ثوانى ونشفيه جيدا من الماء وان شاء الله ما يشربش زيت
الرمال ربنا يطمنا عليكى ويرزقك بولاده سهله ولو افتكرتينى وانتى بتولدى ادعى لى وما تنسيش المشى الكتير
بفكركو يا جماعه بالبردقوش لازم نشرب كوب فى اليوم لانه بينظم الهرمونات فى الجسم واكيد ضغوط الحياه
والاكل ال كله كيماوى لازم ياخبط الهرمونات ربنا يعافينا جميعا لكن نصيحه جربوه وللكحه وحساسية الصدر ممتاز
ومان اليانسون لازم يوميا او حتى يوم ويوم لانه منشا لهرمون الاستروجين وكلنا اكيد عارفين فوايده واهمفائده
للهرمون انه بيمنع هشاشة العظام