mado2006 :

السلام عليكم مبروك علينا تجمعنا الجديد مدام وائل شكرا جدا انك جمعتى الموضوع القديم بتاعك لانى كان نفسى اقراة بس كنت بتوه فيه ربنا يجعله فى ميزان حسناتك سما ربنا يرحم جدتك ويسكنها فسيح جناته نانا ربنا يتم شفاكى على خير باذن الله الف سلامه رونى وحبيبه ليكم وحشه مدخلتوش طول رمضان عروس حبيبه قلبى وحشانى جدا وقلتى كام فكرة حلوة بس احنا لسه مدخلناش فى المود ومقضينها سلامات اليوميات يا بنات احلى حاجه بتجمعنا وتقربنا من بعض اليوميات فى كل النواحى بحس انى قاعده معاكم وشيفاكم وبتنشط بعدها جدا ابدا بنفسى انبارح نفضت الشقه كلها بس من غير البلكونات وغسلت كل حتت التنضيف وفوط المطبخ وعمات ملوخيه ورز بالشعريه وشوربه ولحمه لانى للاسف كل ماعمل اكله جديده بنتى مش بتاكل لازم شوربه ورز عشان تاكل حاجه بالنسبه لتغيرات ما بعد رمضان احسن حاجه حصلت لى المحافظه على سنن الصلاه والحمد لله ومحدش يزعل منى لانى مكنتش بصليها انا اتعودت من رمضان انى اروح لماما بعد العشاء عشان كمان بقابل اخواتى هناك لانهم مسافرين تانى قريب متتسوروش انتو ملاتو فراغ كبير اد ايه عندى فى سفر اخواتى اللى بحبهم جدا بس للاسف امبارح حصل حاجه حسيت انها هتفرقنا انا واخواتى عن بعض انا بنتى طيبه جدا ومقضياها بوس واحضان لكل الناس بس لما حد بياخد منها حاجه تتنرفز وتخربش اللى قدامها فى ثانيه مهما اخدت بالى مش بلحق اتصرف فى الغالب انبارح خربشت بنت خالتها فى وشها كام مرة لحد ما جاب دم بسيط كده اختى اخدت عيالها ومشيت والباقى بالمثل مع انى زعقت لبنتى مرة وضربتها مرات وحاولت افهمها وكل اللى بتعمله انها بتقول لى الضرب وحش ضرب لا هى مش بتضرب هى بتخربش برغم انى قاصه ضوافرها وطبعا مش رايحه عند ماما تانى لحد ما يسافرو لان شكلهم زعلان منى جدا بجد انا مش عارفه اعمل ايه حاسه بحسرة وحزن فى قلبى لزعلهم منى وفى نفس الوقت بنتى مش فاهمه حاجه هى عندها سنتين ونصف ومش عارفه هى فاهمه ولا لا معلش طولت كالعاده بس من زهقى وخنقتى وحاسه انى مش لاقيه حد اكلمه غيركم والله تفتكرو انا غلطانه؟؟

السلام عليكم مبروك علينا تجمعنا الجديد مدام وائل شكرا جدا انك جمعتى الموضوع القديم بتاعك لانى...