مادو..أ نا جيت أهه ..نيمت الآنسة وجيت
بلاش زوجة مصرية...أخليها زوجة هندية...ههههههه
ممكن تقولولى سها
مادو وعروس ..فعلا موضوع الحموضة ده فاتنى ممكن فعلا يكون ماء دافية أو كمون منقوع
بس هأقولكم على فايدة مختلفة لليمون يمكن عشان كده ما وقفتش عنده.......أنا زمان أيام المدارس والشتا بالذات كانت ممتى معودانا على موضوع الليمون ده وبجد والله ما كناش بنعرف يعنى ايه برد ولا حتى رشح ، وكنت أسمع من صحباتى عن اللى عندها برد ونايمة ف السرير وكنت أقول يعنى ايه برد ينيم ف السرير..ده زماااااااااااااااااااااان أيام الصحة...الحمد لله
ممكن كمون يتنقع طول الليل فى مية مغلي وتغطيه وتشربيه الصبح ع الريق، هو الينسون حلو يا مادو بس الينسون فوايده "حريمى أكتر" احنا عايزين نشغل الأمعاء وننضفها.
ممسى ..فعلا الشويفات جميلة..أعرف ناس عندك فى الدوحة وولادهم كانوا فيها ف مصر ...وطبعا فيه دلوقتى الجامعة الكندية ف مصر
ربنا يوفقك واستخيرى وشوفى هترتاحوا لإيه وظروفكم متوافقة على ايه
عطر ..الريجيم ده أنا مش فاكراه لمين يا عطر بس فاكرة إنى قريته لدكتور ريجيم فى مجلة نص الدنيا من 10 سنين كده ولا حاجة وسألت عليه خالى وهو طبيب وقاللى هو نظام كويس صحى مفيهوش حرمان ولا أوفر يعنى وأنا طبيعتى مش رفيعة بس برضه مش تخينة وأقل زيادة فى الأكل بتنبان جدا عليا ..هو أنا مشيت عليه لفترة كبيرة جدا وكان تنظيم غذائى بالنسبة لى أكتر منه ريجيم من أول ثانوى- وانتوا عارفين الفترة دى عند أى بنت بنخاف لو زدنا 100 جم- ولحد أول حمل يعنى قولى كده 8 سنين ..وبسبب انى كنت دايما منتظمة جدا ف أكلى جه الحمل والرضاعة بوظولى الموضوع خاااااااالص ..وبعدين صديقة ليا راحت لدكتورة مها اللى كانت بتيجى من فترة ف البيت بيتك ..ادتها نفس الريجيم ده بس باللإضافات اللى بين الوجبات فاطمنت له أكتر
وبصى يا عطر..أنا مشيت عليه بالضبط شهرين ونص فى الصيف مع المشى نزلت 11 كيلو ..فيه ريجيمات بتنزل أكتر بس بتجهد الجسم جدا وممكن تعمل أنيمي وأشياء أخرى ..أخطر حاجة الريجمات السريعة وزى ما انتى قلتى ياعطر الريجيم لما بينجح الوزن بيفضل ثابت فترة طويلة ....وأى خدمة يا افندم
هأقولكم على شوية بدائل نسيت أكتبها
الرغيف السن=ربع رغيف بلدى
قطعتين البسكوت الدايحيستيف=وش رغيف سن
البيضة أو الفول ال3 ملاعق=3 شرايح لانشون( ولو بلاش يكون أحسن)
الشاى الأخضر بأى كمية وبدون سكر طول اليوم بيساعد على حرق الدهون بشكل أسرع (هو طعمه مش مستساغ لنا بس مسألة تعود وفيه منه بالنعناع لطيف)
مادو..أ نا جيت أهه ..نيمت الآنسة وجيت
بلاش زوجة مصرية...أخليها زوجة هندية...ههههههه
ممكن...
ايه يا عطر القصص ال تخوف دى بس ازاى تركبى بعد الولاده مباشره
انا اول مره اسمع مفرو خصوصا القيصرى بيكون فى وقت كافى قبل
تركيبه احنا عندنا هنا تركيبه قبله اجراءات مكثفه وتحاليل وفعلا بالمقاس
فا للاسف نقول ايه كل كده ما اركبه فى مصر اسهل طلع تجاره فى مصر
انا سمعت عن وسيله غريبه ان فى دائره مطاطيه تتركب وليس لها اى آلام
او اعراض جانبيه وتنزع قبل ميعاد الدوره باسبوع حد جربها وسمعت عن الكريم
لو فى جديد او سمعتو عن حد جرب ياريت تطمنونا
نصيحه كل ال اتاخر عن الحمل بعد الدعاء وطلب الاستعانه من الله
يكون فى طبيب ثقه وتبداو البحث عن العلاج لان ممكن يكون الامر بسيط وعلاجه سهل
ان شاء الله لكن فين الثقه لانها اصبحت تجاره
وربنا يرزقكم جميعا بالذريه الصالحه
الله يسامحك ياعطر انتى مالك ومال قولونى النهارده لازم تخوفينى قبل ما انام
تصبحو على خير