الله يسلمك يا امانى وشكرا على الدعاء وربنا يتقبل






اللهم اميييين

صباح الخير يابنات

عطر

ماتقلقيش اللى ربنا كاتبه هو اللى هيكون وان شاء الله مفيش حاجة ربنا يكرمك ومتشكرة على دعائك لسدرة

مادو
ربنا ييخليك على الدعاء الجميل وفعلا بلاش نفتح في اخطاء الدكاترة ربنا يكفينا شرهم

بالنسبة للاسم لسة محتارة جوزى عاجبه ياسمين اوى وانا عاجبنى لجين
هو كمان عايز يسمي جاسمين مش ياسمين بس انا شايفة انه هى هى وهيبقى اسم تقيل شوية

انتوا رايكم ايه اى واحد احلى ؟؟

مدام وائل

وحشانا كتير ماتغيبيش علينا الموضوع الجديد روعة ربنا يكرمك:26:

ازيكوا يا بنات ...
مش عارفه ليه انا مصره اننا بنات اصل انا احساسي اني هفضل بنوته دايما مهما حصل(بتلزق في البنوتيه هههههه)

ميمسي حبيبتي تسلميلي على اهتمامك و ان شاء الله خير


مادو ازيك و ازي ابن اختك يارب يكون بخير


عروس انت فين؟؟؟



مدام وائل_____وحشتينا جدااااا و كالعاده تيجي تشوقينا و تغيبي عنا
بجد عدي ولو مره في اليوم اسالي


زوجه مصريه____ايه اخبار الريجيم ؟؟

السلام عليكم ورحمة الله وبركاته
وحشتونى كلكم يارب تكونو جميعا بخير
عطر ما تخافيش من اللولب هو مش بيأخر الحمل
لان انا ركبته خمس سنوات متصله والحمد لله حملت على طول
وانتى لو فى عندك قرحه هى بتاخر فعلا الحمل وكنت عايزه اسال
هنا الدكتوره قالت لى خلاص القرحه ما بقناش نعملها بنعطى لها علاج
وحتى لما كشفت فى اسكندريه قالت لى نفس الكلام هل فعلا كل الدكاتره كده
ولا لسه بيتعمل لها كى وربنا ينولك كل ما تتمنى لكن حاولى شوفى دكتور ثقه
ولو لقيتى كلامه نفس كلام دكتورك ارجعى له تانى لان فعلا الموضوع تجاره مش طب
ايمان منورانا لكن ما فيش حاجه وصلتنى على الخاص وبلاش تتاخرى عننا
مادو الف سلامه على ابن اختك ربنا يشفيه ويعافيه انا بقى لو اتكلمت عن اخطاء الدكاتره
آخر حاجه كانت مع ابنى قالى انه عنده بهاء لان ظهرت بقع بيضاء فى رجله ودكتور معروف جدا
عشنا تجربه مريره وبدأ العلاج وكانت نفسيتنا مدمره لكن الدكتوره المعالجه من الحساسيه قالت
استحاله ده بهاء لكن نتاكد وعطتنا اسم دكتور آخر اتفاجأ انه قال انه بهاء الولد سليم جدا
لكن لما نزل البسين اسمر والبقع البيضاء دى أثر جروح قديمه وخرابيش فلونها مختلف عن الجلد
فنصيحه بلاش الاعتماد على دكتور واحد لازم نسمع كمان من غيره لان فى ازمة ضمير
اخبار الريجيم هو تقريبا ده نفس نظامى فى الاكل مقسماها كده الفطار ربع رغيف والعشا نفس الحكايه
والغدا اربع ملاعق رز وشاى بدون سكر وبشرب شاى اخضر كتير وسمعت ان البردقوش فى التخسيس
افضل من الشاى الاخضر لكن قبل الاكل
مى الف سلامه على بنت صديقتك وربنا يشفيها ويشفى مرضى المسلمين ويؤجر والديها
سها ده اسمك انا بحب الاسم ده وكنت عايزه اسمى بنتى كده لكن سميتها قريب له
مى شوفى الاسماء دى يمكن تعجبك
رويدا سهيله لارا مرام سجده لو عجبك اسم قولى واكتب لك معناه

السلام عليكم

بى هابى
فى فكرتين عندى يا رب يعجبوكى


- مسطرة خشبية طولها متر بها خرم صغير في آخر كل اتجاه
- ملاقط غسيل
- دهان أو ألوان

أنت وطفلك قومي بدهن المسطرة والملاقط باي ألوان
ألصقي الملاقط على المسطرة وباعديها حوالي 15 سم، فتحة الملقط الى الأسفل
وبعدها العمل انتهى، قومي بتعليقها على حائط غرفته بواسطة الخرمين على مسامير
هات الأوراق وعلقيها بالملقط وممكن كل فترة تغيرين الأوراق وترمين القديم.

وممكن على فكرة تخليها ترسم رسومات صغيرة تجملى بيها المشابك او ترسميها انتى وه تلونها

الفكره التانيه

صورة بيرواز (اطار),,


تحتاجي الى:

منظر أو صورة جميلة
- ورقة ملون
- قطع جميلة للديكور مثل: صدف، ازرار، حبوب، شرائط ملونة
- قطعة كرتون مربعة
- خيطان صوف
- صمغ
-أداة حادة للثقب (للكبار)

الطريقة:
1- قصي الكرتونة والورقة الملونة 5 سم أكبر من المنظر
2- الصقي الورقة الملونة على الكرتونة؛ والصقي المنظر في منتصف الورقة
3- الصقي قطع الديكور حول اللبرواز؛ ثم اعملي ثقبين في أعلى اللوحة. أدخلي الخيط فيهما لتعليق اللوحة.

وممكن تلزقى ورق ملون ساده بدل من المنظر وتستخدمى مسامير الضغط او الصلصال فى لزق لوحاتها

ميمسى
من حق يا جميل المرة اسمها مرة برده وهى زى ما وصفتها شكل لبان الدكر او المتكه بس على اصفر محمر كده
سلاممممممممم