يا كل البنات .. انا سهرانه بقى ماهو بكرة مافيش حضانة .. واحمد فى سابع نومة .. قلت اتسلى معاكم .. وانا فى السوق من يومين لقيت فرش الومنيوم للبوتاجازات .. الومنيوم تقيل شوية مش زى الى بنستعمله فى المطبخ الفويل ده .. مقصوص على قد البوتاجاز بالضبط .. هو مريح وبيستحمل من غير ما يتقطع يعنى ممكن يعيش كتير والواحده سعرها 3 او 4 جنيه .. بس برضه بيتوسخ ولازم يتغير بالكتير كل اسبوع .. طب ايه رايكم .. الفويل اوفر ولا ايه ؟

روشانا .. ايه اللي عملتيه فى ده .. اقطع نا فى سي .. ابعزق نا فى سي .. الشوربة بطريقتك سهلة وجنااااااااااان .. وطبعا الريجيم فى البتنجاااااان .. جربتها وبجد تحفة لا وحازت على اعجاب الجماهير وعاوزينها بكرة تانى .. النهارده عملتها بالفراخ بافكر بكرة اشتري مشروم واجربها بالمشروم .. بس لو تخنت ها تضربي هاهاهااهه

نانا ايوه كدا ارجعي ارغي معانا تاني زي زمان
بتوحشيني يا قطه
و بالنسبه للرقه الزياده بحاول اتعافى منها عشان مبقتش تنفع في الزمان ده

السلام عليكم

عروس انا كشفت على بنتى وعلى نفسى
والدكتور فعلا اداها مضاد حيوى ولبوس للكحه
ومنع البيض والسمك واللبن والشاى والشيكولاته والشيبس واللب
وربنا يستر على الايام الجايه ادعو لها تخف وربنا يشفى اطفالنا جميعا يا رب
هى الحساسيه معديه؟؟؟
حاسه انها منتشرة اليومين دول معرفش ليه؟
ورجعت عملت الكيكه دى قبل ما ابدا فى العلاج بكرة
قال يعنى!!!
http://forum.hawaaworld.com/showthread.php?t=1376182
هو الحمد لله فى تقدم فى الكيك ونفشت شويه بس انا حطيت التفاح من جوة
بس المشكله انها تلعط غامقه قوى معرفش ليه ؟تفتكرو ليه

عطر
منتظراكى يا جميل والله اللى حصل نادر ما بيحصل بس هو حظى معاكى كده
ربنا بيحبك عشان مصدعكيش

صباح الخير .. جمعة مباركة على جموع المسلمين يا رب ..
مادو .. الكيكة شكلها تحفة يا قمر وان شاء الله لازم اجربها خصوصا انى باموت فى التفاح والقرفة .. ومتهيالي انها طلعت غامقة عشان حطيتى التفاح من جوه .. لانه بيغمق لما يتعرض للحراره .. يمكن يكون ده السبب .