عروس
والله انا بدعى لابنك عشان الحساسيه دى
تخيلى انا من يوم ما جالى كحه من 3 شهور تقريبا مرحتش
وشكلها قلب بحساسيه تانى زى زمان
هى جاتلى قبل كده من كتر المضادات الحيويه والدكتور يكتبلى فى الاقوى ×الاقوى لحد ما الميكروب اخد مناعه من المضاد الحيوى
بجد المفروض لما يجيله برد تحللى مسحه من الزور وحسب النتيجه الدكتور يحدد نوع المضاد الحيوى اللى هيخدة
لكن انتى بتقولى عليا كسلانه ليه ؟
قولى لى اعمل ايه وانا اعمله البنت صغيرة حتى لما بحكى لها حدوته ببقى مش عارفه هى فاهمه ولا لا
وانا عمرى ما زعلت لان حد ضربها وبيصعب عليا نفسى لان ولاد اخواتى كانو اهم حاجه فى حياتى قبل ما اخلف
ولو اتكلمت فى الموضوع ده هكتب صفحات
سلام باة

ام فرح وخديجه
ربنا ييسر لك الامور ويفك كربك ولو على الدعوات من غير ما تطلبى
لكن مساله التوفير دى بحر واسع حاولى توفرى اكتر ساعات بيكون فى حاجات بنعملها بالتعود على انها ضرورة
وبتبقى مجرد كماليات او تعود زى ما قلت لك
اماكن الفسح والتسوق-نوعيه وكميات الاقل -اماكن شراء الملابس والمركات-كان فى لسه برنامج اجنبى فى التلفزيون انبارح بيتكلم عن نوعيه الشمبوهات والبلاسم والكريمات بتاعه الشعر وعملو تجربه على توئم باستعمال انواع غاليه جدا واختها تستعمل انواع رخيصه
والنتيجه ان مفيش اى فرق
غير عدد العزومات وغيرة وانواع وكماليات الاكل الغريبه الستحدثه بالمجتمع وغيرة وغيرة
حاولى تعملى اللى عليكى وخلاص ومن يتقى الله يجعل له مخرجا ويرزقه من حيث لا يحتسب
واكثرى من الاستغفار
معلش انا بجاوب على اد معلوماتى البسيطه وان شاء الله البنات يفيدوكى اكثر منى
بس عندى سؤال الدعاء اللى فى توقيعك قديم
ولا الاسم هو اللى دعاء
اللهم ارزقك و كل محرومة الذرية الصالحة المعافاة عاجلا غير آجل يا كريم

بنات شوفو الرابط ده ان شاء الله يكون معين انكو تصلو الفجر
الرابط http://www.islamway.com/?iw_s=Article&iw_a=view&article_id=9
مادو الف سلامه عليكى من الكحه استمرى على العسل وليمون وماء دافىء
والبردقووش ممتازه مع الكحه وابعدى عن مثيرات الحساسيه الموكيت
او عصافير الزينه لو عندك لان انا قررت مع ابنى انى ان شاء الله ابعد
عن الادويه لان كلها كورتيزون واستمر على العسل ودعواتكو بالشفاء
بالنسبه لبنتك احكيى لها وكلميها ليه بتعتقدى انها مش بتمون فاهمه
الطفل بيكون ذكى جدا وبيخزن كله فى العقل الباطن ووقت الموقف
يخرج من المخزون سواء حدوته او نصيحه لان من الخطا اننا نتعامل مع الطفل انه
لا يفهم
ام فرح اهلا بيكى معانا ويسعدنا ثقتك فينا واتمنى تستمرى معانا
ربنا يرزقك الذريه الصالحه ان شاء الله وييسر لك كل امورك
بالنسبه لموضوع التوفير ونظام الصرف خلاصة تجربتى الشخصيه
وفعلا فرقت جدا فى حياتنا اننا خصصنا مبلغ ثابت شهرى للصدقه
الراتب واحد لكن الجديد هو البركه فهى فعلا اهم من ان الدخل يكون كبير
وايضا كثرة الاستغفار
وحاولى تتوددى لاحماتك واهل زوجك بالكلمه الطيبه وستجدى صداها ان شاء الله

مادو حبيبتي بارك الله فيكي

بصي يا قمر, انا مش بشتري هدوم من هنا أصلا, ماما ربنا يخليهالي هي بتفصلي هدومي في بلدي و انا لما أسافر أجيبها معايا ,
و حكاية الفسح دي, انا مش بخرج الا مرة كل شهرين أو أقل, يعني طول اليوم و الليل في البيت بين 4 حيطان بكلم نفسي :(((

الشمبوهات و الحاجات دي بجيبها في وقت العروض, من كارفور أو الهايبر, يعني بالجملة بردو عشان ما احتاجش كل شهر أجيبها

العزومات, انا ما عزمتش حد من سنة, أم زوجي و اخوانه عزمتهم مرتين أو تلاتة في رمضان, و كان الأكل خفيف

يعني مش عارفة ايه الموضوع بالظبط :((

عروس النيل الغالية ربنا يحميكي و يقدرك على فعل الخير

هي فعلا البركة هي الي ناقصة, انا حاسة ان ربنا مش راضي عننا عشان كده, او راضي عننا فبيبتلينا في الرزق عشان يختبرنا و نكفر عن ذنوبنا , الله أعلم

و ان شاء الرحمن هجرب المبلغ الشهري للصدقة و ربنا يتقبل مني و منك و من المسلمين أجمعين

انا سجلت في المنتدى من زمان, بس بدخل دايما من غير ما أكتب, عشان كده بيبان قديم :))

بارك الله فيكن حبيباتي

بنااات وحشني الرغي معاكوا جداااا

الحمد لله انا من بعد رمضان و انا بصحى منتظمه في صلاه الفجر و بظبط المنبه بعيد شويه بس سبحان الله بصحى قبل ما يرن

هو انا ببقى مضروبه على دماغي و شبه المسطوله بس ان شاء الله هتعود و ربنا يثبتني


والصيام طبعاااا مرهق جداااا لاني ببقى شبه الغيبوبه بس اهو ربنا بيسهل


بس المشكله يا بنات الايام اللي عليا متكومين من الحمل و الرضاعه

انا سمعت قبل كدا مبروك عطيه بيقول اطعمي مسكين عن كل يوم
طالما ان الصيام مرهق عليكي

ايه رايكم؟؟؟

انا بفكر ادفع و بعد كدا اصوم براحتي اللي اقدر عليه
قولولي رايكم بقى



ام خديجه و فرح_____حبيبتي كلنا بنعاني نفس الازمه موضوع التوفير و الغلاء الرهييييب

للاسف دي ازمه على الناس كلها
بس انت لو جدعه اشتغلي متسيبيش نفسك للملل القاتل زينا كدا
اشتغلي اي حاجه مؤقتااا بس لازم تنزلي و يكون في في حياتك ناس
انا بقوللك اللي بقوله لنفسي بس بصوت عالي

و عن الذريه ان شاءالله ربنا يعوضك بس اهم حاجه الشغل

قوليلي انت ساكنه فين ؟؟؟
عشان لو في القاهره فرصتك هتكون احسن كتييير



مادو____معلش انا مردتش عليكي في مشكلتك بس انا الايام دي مش مظبوطه خالص و هحكيلكوا ليه

بس متخليش العيال يعملوا بينكوا كداااااا

يا بنتي اناطوول النهار في المشكله دي اينعم بزعل في وقتها بس مش بشيل في قلبي
بشيل بس من اللي مش بحبهم زي سلفتي
انما ابن اخويا لما بيضرب ابني بزعقله و لما ابني يضربه بزعق برضه

اصل الدنيا مش مستاهله كمان مشاكل العيال



حبيبه اوسو____عملتي ايه في الامتحان؟؟؟؟
طمنينا


روشانا-بي هابي-شيماء-نيرفانا-كوكي-عروس النيل-ام فطوم_ايمان-رانيا -اماني

طبعا ماما زوزو حبيبه الكل


يا رب مكونش نسيت حد


وحشتوني جداااااااااا و عايزه رغي شنييييع عشان انا مخنوقهههههههههههههه