عروس

:( ادعيلى احصل المرتبة الثالثة فى الصلاة

بجد انا حسة ان انا وحشة اوى ربنا يهدينى واصلى بتركيز

حلو ةاوى فكرة يوم المشروبات والشوربة لغسيل الجسم
ان شاء الله اطبقها

مادو

من قبل مااجرب الكبسولات هادعى لبنتك طبعا وكل اطفالنا
يا رب اشفيهم واعفو عنهم وارزقهم الصحة والعافية وقر اعيننا بهم

امين يا رب العالمين

السلام عليكم وحمة الله وبركاته
فطوم الف سلامه عليكى اجر وعافيه ان شاء الله حاولى كلى سلطه كتير ويومياملعقة زيت زيتون
والخبز البلدى لان كل الحاجات دى ملينات ولو ما فيش تحسن توكلى على الله واعملى العمليه
لانها سهله جدا لكن اعمليها جراحه افضل وامنعى تماما الفلفل الاسود فى الاكل لان لو نظمتى
اكلك ان شاء الله ممكن ما تحتاجيش جراحه
مادو بالنسبه للعسل هو معلقه كفايه لكن سمعت من دكتور ان خلط العسل مع الماء بيعطى نتيجه افضل
ملعقة عسل وليمون على نصف كوب ماء حتى لو اخذته على دفعات على مدار اليوم ومع الوقت حا تتعود عليه
الكبسولات الوقائيه دى كان ابنى بياخد منها لكن نوع اخر وكا بياخدها ثلاث شهور متصله ويريح شهر
ويرجع تانى هى مش بتمنع الحساسيه او البرد لكن دور البرد بيكون خفيف جدا والشفاء منه سريع
والحمد لله فرق كتير فى صحة ابنى فاستشيروا الدكتور وتوكلو على الله وربنا الشافى
اليوم على الرساله صباحا كان فى حلقه لعمرو خالد عن الخشوع فى الصلاه
اكيد كلنا الشيطان بيذكرنا بكل شىء وقت الصلاه والصراع يبدأ فتصورى لحل المشكله
اننا لازم نقرأ عن كيفية الخشوع فى الصلاه لان بعد الحلقه حسيت انى بصلى بطريقه مختلفه
عن قبل الحلقه لان لو بعدنا الحياه وضغوطها حا تبعدنا اكثر
اللهم ارزقنا جميعا الخشوع فى الصلاه وتقبلها منا

سها خليكى متابعه معانا فى الريجيم انا نزلت الزياده ال زدتها فى رمضان وزنت اليوم
لقيت وزنى زاد تانى احيانا بتحمس واحيانا بحس بملل فشجعينى
شوفو النصائح دى للمطبخ
اذا انسكب اللبن أثناء الغلى ضعى كميه من الملح على اللبن المسكوب لانه سوف يقضى على رائحة احتراق اللبن لحين الانتهاء وغسل البوتاجاز
للاحتفاظ بالفيتامينات أثناء الطهى يجب حكم الغطاء جيدا
عدم اضافة الملح للبقول اثناء سلقها لانه يؤخر النضج
للحصول على بانيه مقرمش يضاف للبقسماط بيكينج بودر
للحصول على كيك هش ينخل الدقيق اكثر من مره
عند ضرب بياض البيض يضاف له قليل من الملح اثناء الخفق فيجعله اكثر هشاشه
اذا احترق سطح الكيك يزال المحروق بالسكين ثم يرش على الوجه السكر الناعم ويدخل الفرن خمس دقائق فيتكون له سطح جديد
للحصول على قشره ذهبيه على سطح الكيك يرش الوجه بقليل من اللبن المجفف قبل ادخالها الفرن
يارب تكون معلومات مفيده ولا تنسونى من الدعاء بظهر الغيب