زوجة مصرية :

صباح الخير على أحلى صحبة ازيكن جميعا. يا رب بالف صحة وخير عروس....ربنا يعزك بجد..كل الروابط والأفكار اللى بتحطيها بتشحذ الهمة...محتاجين ده على طول..ربنا يفرحك يا رب بأولادك ويقر عينك بيهم.................... عجبنى الدعاء ده قوى يا بنات "اللهم ارزق اولادي صحبة الاخياروخصال الاطهار الله بلغنى فيهم كل املى ومناي اللهم ارزقنى ببرهم في حياتي وبدعائهم عند مماتي" وقلت يا رب افتكر أدعيه ولو مرة ف اليوم دعاء تانى جميل كانت أخت بتشتكى من سوء معاملة زوجها أحيانا، المحفظة بتاعة القرآن قالت لها قولى دايما " ربنا آتنا فى الدنيا حسنة وفى الآخرة حسنة وقنا عذاب النار" تصدقوا قالت لها من زعلى منه ساعات مش بقدر ادعى..قالت لها اكبرى على الشيطان قولى الله اكبر واستعيذى بالله منه وقوليه بعدها فى كل وقت وربنا هيرفع عنكم ان شاء الله مادو...معلش أنا والله بيشغلنى بس مذاكرتى مع ابنى وكمان لما كان تعبان...بس ولا يهمك هأشجعك تانى من أول الشهر وبالنسبة للعسل ..عادى انها تاخده معلقة..... العادى ان الأولاد بيرفضوه من غير ميه عشان زاعق فى حلاوته فلو الموضوع معاكى كويس من غير ميه يبقى خير ميمسى..موضوع الشاندويتنشات عسول فعلا وفيه افكار جديدة..هجرب التوست بالبيض ..ابنى بيحب جدا التوست بالمربى والجبنة الكيرى ..هجربهوله بالبيض أنا بقى لى كام يوم بادى ابنى سمبوسك بالجبنة أو المربى باحاول اغير فى الساندويتشات برضه زيكم ...بابعد عن اى لحوم مصنعة ولا لانشون ولا هامبورجر ولا سوسيس..كفاية اللى مضطرين ناكله فى الفاكهة والخضار .. enn ..فعلا زى ما قلتى البيض بيبوظ بسرعة وخطر جدا اننا ناكل بيض مسلوق عدى عليه أكتر من 4 ساعات ..بلاش خالص ..اعمليه أومليت أو عجة أو حتى بيض مقلى عادى ..بلاش المسلوق عطر ..مبسوطة انك متابعة معايا..فعلا اللحوم الحمرا قلتها أحسن ولو ضرورى ناكلها مشوية ومعاها بقدونس ( حتى محلات الكباب دايما يحطوه تحت الكباب) لانه بيقلل نسبة الكوليسترول اللى دخلت جسمنا مع اللحمة...سبحان الله حاجات كتير بتتعمل من زمان بالفطرة ويطلع لها أسباب صحية ونظريات علمية...سبحانك يا ربى ..فوق كل ذى علم عليم فطوم ..أولا ألف سلامة عليكى ربنا يعفو عنك أنا أختى عندها البواسير من أول ولادة وهى متجوزة اصلا من 14 سنة ..ولسه ما عملتهاش كل فترة تشد عليها وآخر مرة من سنة الدكتور قاللها انتى ف المرحلة الرابعة ولازم تتعمل بس برضه ما عملتهاش والحمد لله بقت أفضل وحاولت تلتزم بشوية حاجات..بتشرب ميه كتير جدا، العشا دايما زبادى، اساسى طبق السلطة فى وجبة الغدا على الأقل ، بتحاول تتفادى الإمساك أو الإسهال عشان الاتنين متعبين ..حاسة بيكى والله يا فطوم لانى باشوف احتى لما تتعب حاجة تانية ..نصيحة قالها لها الدكتور..حاولى ما تاكليش حاجة تسبب الغازات ..المخللات ..الكرنب..الباذنجان..البقول بشكل عام قللى منها خالص لان الغازات بتتعب العضلة اللى فى المنطقة دى ولو حسيتى ان فيه فى بطنك غازات..اشفطى بطنك لغاية ما تساعديها تخرج..معلش انا باقول تفاصيل خاصة شوية بس والله هترتاحى بجد..آخر حاجة..ما تدخليش الحمام الا وانتى محتاجة تدخلى فعلا..فاهمانى مش كده...وربنا يعفو عنك انا أختى عمالة تأجلها لانها من النوع الخواف جدا وكمان مش بتستحمل تبعد عن ولادها خالص والدمتور لما يئس منها قالها النصايح دى تمشى عليها وطمنينا عليكى روشانا ..كويس ان يوم الغسيل عجبك..تصدقى ساعات بأعمل أسبوع غسيل بس غالبا فى الصيف ..البرد بيجوع برضه بلاش اى كريمات فى الدنيا لى وشك يا روشانا حتى لو كريم بمليون جنيه..جربى تعملى مساج بزيت اللوز يوميا قبل ما تنامى والصبح هاتى بطاطس حلقات ودورى بيها تحت عنيكى وسيبيها تنشف واعمليها تانى..لمدة ربع ساعة كده وبعدين اشطفى وشك اعملى الموضوع دع اسبوع كده وطمنينا نيرفانا أ لف سلامة على ابنك..ربنا يعفو عنه عروس ..حاضر على أد ما اقدر هآجى أتابع الريجيم انا الحمد لله ماشية عليه كويس..بس المشى صعب وقتى الصبح مشغول فى البيت والبنوتة وبعد الضهر فى المذاكرة..هاحاول اخلى المشى يكون الصبح الساعة 10 مثلا يكون الجو كويس عشان البنت ربنا يسعد أيامكم..

صباح الخير على أحلى صحبة ازيكن جميعا. يا رب بالف صحة وخير عروس....ربنا يعزك بجد..كل الروابط...