ازيكم يا بنات

موضوع التفاح دة اول مرة اسمعه بس يمكن صح لانه فعلا ممكن يقعد كتير في الثلاجة ومش بيبوز ولمعته غريبة فعلا

عروس

موضوع الضرب دة غريب جدا اذا كان ضرب الزوجة مش مقبول يبقى نقول للزوجة انتى كمان اضربي حاجة عجيبة فعلا !!!!!!!! و فين المودة والرحمة والمعاملة الحسنة

دة المفروض انه الزوج ما يكلمهاش بطريقة تجرحها او يعلى صوته عليها فما بالكم بالضرب لا حول ولا قوة الا بالله

ولما ولادنا يشوفوا كدة نبقى بنعلمهم ايه ان الاسلوب الامثل في التعامل هو الضرب
ربنا يرحمنا من الفتاوى العجيبة دى ويستر علينا

ايه يا جماعه كم الموضوعات الل تجيب انهيار مش اكتئاب
والله حرام اللي بيحصل في الدنيا ده

اولا موضوع التفاح___طبعا انا اصدقه جدااااا لان الامريكي بالخصوص بيفضل في التلاجه شهر ولا يتاثر ولا يبوظ
بس انا مش بعرف اكل تفاح من غير قشر !!!


ثانيا____الفتوى الغريبه بتاعه ضرب الزوجه لزوجها !!!!!
اهكذا وصلنا؟؟؟
طب الغرب يقول ايه على المسلمين؟؟؟
يبقى مش غريب بقى انهم يقولوا علينا همج و اننا بنلجا للعنف
مش حرام الفتاوي دي؟؟؟و مين المسئول عن البلبه اللي يتحصل دي
يعني لما انا اضرب جوزي وهو يضربني يبقى هعلم ولادي ايه؟؟؟
بدل منعلمهم ان القوه في التفكير و الاستنباط اقولهم حقي بدراعي!!!!!
بجد حاجه تحزن و بجد مش عارفه الناس دي هتقابل ربنا ازاي؟؟؟؟
نفسي نتقي الله يا امه ضحكت من جهلها الامم



اما عن موضوع الطبيب المصري______فعلى راي عروس الخادمات احسن عند حكوماتهم من الاطباء عند حكومتنا
لحد امتى هنفضل نتنازل عن ادميتنا و كرامتنا ؟؟؟
مش هقول غير حسبي الله و نعم الوكيل في الحكومه الغراء اللي طفشتنا و سابتنا نتهان
و للاسف فنظام الكفيل في السعوديه هو منتهى المذله و الاهانه
يعني روح الموظف في ايده
يمشيه
يقتله
يضربه بالجزمه
مادام بيقبضه و يدفع مرتبه !!!!!
ايه يا ربي الذل و الهوان ده؟؟؟؟
بس الاكيد ان العيب فينا مش في الاخوه السعوديين لاننا بنقبل و نطاطي
ولان بلدنا مش حريصه علينا

عروس
خايفه ابسط الموضوع تتنرفزو منى زى اخواتى

بس بجد فى رجاله بتضرب بايذاء وافترى وبيحلل لنفسه الضرب
على كل صغير ويقول انه تاديب للزوجه والشرع بيحلل له كده
فالفتوى موضوعه لحالات معينه ونادرة مش للحالات العاديه

تلاقى مثلا واحده سالت هل الدفاع عن النفس وقت ضرب الزوج حلال ولا لا
مش اى زوج-- فى ناس مرضى والعياذ بالله والحل الامثل بيبقى الطلاق
لكن مش اى ست تقدر تطلبه بسهوله كده
ومحدش يترفز منى ماشى
سلام

:):)

مادو

حبيبتي هدي اعصابك و احنا طبعااا فاهمين الحالات الشاذه دي

و فعلا في حالات مينفعش الطلاق لاسباب كتييير

و للاسف ممكن دي يكون حل

بس انا قصدي ان دي متنفعش تبقى فتوى عامه عشان البلبله و عشان شكلنا ميبقاش همجي

انما لو كان في حتميه للفتوى دي يبقى الاصح انها تكون فتوى خاصه لصاحبه الحاله

ولا يجب ان تعمم


و ياستي منقدرش نتنرفز عليكي