اولا يا شيماء مش ينفع تاخدى اى حاجة ملينة مدام انتى حامل
بس كلى خس و استحملى شوية
كلى حاجات فيه الياف كتير واشربى مية وربنا معاكى ان شاء الله.

بالنسبة ل be happy انا مش معاكى فى الموضوع ده
بس عطر الشموع ردت عليكى وقالتلى كل اللى فى نفسى

احنا هنا مش قاعدين فى بلدنا لكن بنتعامل معاملة محترمة
البنى آدم عنهم له قيمة واحترام
حتى وهو بيعدى الشارع فى الاسواق التجارية
طبعا مش هقول ان هنا جنة الله فى الارض
لكن المعاملة يا بنتى
كما اللى انا ملحظاه فى مصر انحدار اخلاقى غير طبيعى
يعنى اه زمان كان فيه ناس كتير مش مؤدبة دلوقتى بقت حاجة صعبة اوى

انتى عارفة لما نزلت مصر السنة اللى فاتت وكنت بخرج مع بنتى كنت بخليها مش تلبس الجيب بتاعتها القصيرة
مع ان بنتى عندها 4 سنين
بس تحسى انك عايشة فى غابة مش فى بلد كنت بفتقد احساس الامان فيها
يعنى بلدى ولا مديانى امان ولا قيمة ولا احترام
وبالرغم من كده انا بقولك انى مش بكرها لانى لو بكرها مش هتفرق معايا
لكن للاسف بحبها وصعبان عليا انها تعمل فينا كده
والله حاجة تحزن

انتى عارفة كمان احنا مركزين معانا ليه؟؟؟ لاننا للاسف كنا بلد ريادة قبل كده
تحسينا كنا ام لكل البلاد
زى اختك الكبيرة العاقلة كده
وبقول كناااااااااااا

وعليه العوض .......

ايه يا زئردة انتي و عطر ده
لا ح ازعل منكم
طب ما هو الانحلال الاخلاقي في كل مكان في الدنيا
يعني هو الدول العربية اللي على رايك جنه طبعا لا
على قولتك
ربنا يعيننا و يهدي الجميع
الانحلال الاخلاقي موجود عند الجميع
بس المشكلة في المجتمع المصري انه عمره ما كان كده
الناس فعلا اتغيرت
قليل اوي لما تلاقي حد متربي و عارف ربنا
و الاجيال الجديدة طالعه زفت
بس يا جماعه بلييييييييييييييييز
لو كل الناس الكويسه و المحترمه سابوها
مين اللي ح يفضل فيها
لو كل الناس اللي عندها دين و اخلاق و تربية
هربوا وقالوا نربي عيالنا بره ونعيش بره و ريحنا دماغنا
مين اللي ح يصلح في الارض
انا بازعل لما بتقولوا الكلام ده
بجد
المرة اللي فاتت لما فتحتوا الموضوع ده ما رضيتش ارد علشان ما تزعلوش
بس بجد ما ينفعش
آه مصر بقت قاسيه على ولادها
و نماذ كتير في المجتمع بقت زفت
و مش عارفين نعيش كويس
و الحياة صعبه
بس لو كلنا جرينا و قلنا نفسي مين اللي ح يفضل فيها
فكروا بجد مين اللي ح يرجعها تاني مصر
و زي ما فيه الوحش اكيد فيه الكويس
لو تشوفوا الولاد بتوع الجمعيات الاهليه و صناع الحياة قد ايه حلوين
و لا البنات و الشباب المتدينين و المتربين تفرحوا صحيح مش كتير
بس ربنا يبارك و يزيد
فكروا في كلامي

السلام عليكم ورحمة الله وبركاته
شيماء بالنسبه للملينات خليكى فى الوسائل الطبيعيه
الرده حطيها على الماء واشربيها وايضا زيت الزيتون ملين ممتاز
وكلها وصفات من طبيب
مادو انتى فين شكلك بتدربى كاراتيه لانك من مؤيدى الفتوى
عطر وزئرده الفساد مش فى مصر فقط وأنا قريت اليوم فى الجريده
عن تبادل الازواج وصاحب الفكره فى الاصل يهودى تعرف عليه مصرى
عن طريق النت وعر عليه الفكره فتحمس لها المصرى وتحول من زوج
لحيوان واعتقد حتى الحيوانات عندها غيره
لان من صفات الجمل انه غيور جدا وعندما يلتقى بالانثى يختبىء بها
بعيدا عن الانظار ولو شاهد بشر تنظر اليه وقت قضاء شهوته فلا يتركه حتى يقتله
فالحيوان اكرم منهم وعنده غيره على أنثاه فليتهم كانو حيوانات
وسبب تفشى الانحلال الاخلاقى والمشاهد المؤسفه فى جميع البلاد الاسلاميه
وليست مصر فقط سببها البعد عن الدين فالغرب المحرك فى سلوكه القانون
فهو يحترم القانون جدا لكنه بعيد عن الوازع الدينى فتفشى فيهم الانحلال الاخلاقى
وللاسف المسلمين لا يخترمو القانون والدين فأصبحنا نموذج ليس له هويه
لكن لن نيأس ان شاء الله ويظل الخير فى الامه الاسلاميه الى يوم الدين
ونبدأ بنفسنا وان شاء الله نخرج جيل من ابنائنا يحترم دينه ومعتقداته
وتكون هى المحرك الاساسى لجميع أفعاله
اليوم عندنا مطر شديد وبرق ورعد والجو حر جدا فكوكتيل عجيب
غير متناسق ابدا
أنا كنت كتبت على وصفه لعلاج الصداع لانى ملازمنى باستمرار
عصير نصف ليمونه على نصف كوب ماء بدون سكر ممتاز بتيجته اسرع من المسكن
ايناس انا منتظره طريقة الشكولاته لان ولادى من عشاقها
بلاش ياس واحباط وان شاء الله الخير قادم وفى نماذج مشرفه من
الشباب الملتزم المتدين يارب يكون اولادنا جميعا منهم

الرابط http://forum.hawaaworld.com/showthread.php?t=1431862
شوفو الرابط ده عن موضوع فتوى الضرب
وشوفو الرابط دهفيه وسائل مفيده لتربية الابناء
http://forum.hawaaworld.com/showthread.php?t=1266834

السلام عليكم

حرقتو دمى حرقتو دمى حرقتو دمى

بيفور
وشمه ريحه شياط

انا مش عايزه اعلق عشان منطولش فى الموضوع ده ونرجع ليومياتنا اللى منكتبتش ولا مرة فى الملف دة
هههههه
عطر وزئردة
ولا بلاش زئرده هههه حاسه انها واخده موقف وصعب العب فى دماغها
عطر
حبيبه فلبى ارجعى للملف اللى فات هتلاقينى كاتبه
ان فى دوله خليجيه اللى كنت فيها وانا صغيرة
بدون تحديد
حكتلكو ان كان بيحصل فيها نفس الحاله تبادل زوجات
وكانو مسلمين طبعا واغنياء
وتشوفيهم تقولى محترمين
وازفت من كده بيحصل والله وبلاش نتكلم
على راى ايناس احيانا بيكون الجهل حلو
المشكله فى مصر اننا كتيير قوى والحلويين مستخبين فى الزحمه
والوحش هو اللى ظاهر
اتكلمو عن عدم احترام الحكومه لادميتنا زى ما انتم عايزين
بس بلاش تتكلمو عن اهل مصر بالتعميم
والا احكى لكم حكايات عن البلاد التانيه لحد ما اقرفكم بلاش
وبلاش يا عطر تقرئى صفحه الحوادث وتعرفى اخبار الشغل بتاعه جوزك
والله احسن متعرفيش
وبتتريقو على الفتوة انها بتعمم ؟؟؟؟!!!!
وبتغلطو نفس الغلطه