بنات كل سنة وانتم طيبين وشكرا لكل المعلومات القيمة ربنا يجازيكم عليها خير

السلام عليكم ورحمة الله وبركاته
شيماء جزاك الله خيرا ويارب فعلا تكون صحبة خير فى الدنيا والاخره
عاملين ايه فى الوقت ربنا يرحمنا فعلا الوقت بيجرى بسرعه رهيبه
ربنا يعنا ويتقبل منا الطاعه ويبارك لنا فى الوقت اخبار الهمه ايه
مين قرب يختم
حلقة اليوم من عمرو خالد جميله جدا يارب نكون كلنا اصحاب رساله
رساله اننا نحزن لحال الامه ونفرح لحالها فعلا مش نعيش ناكل ونشرب
ونربى ولادنا فقط اكيد ان شاء الله تجمعنا يكون فى ميزان حسناتنا
اننا نبقى ايجابيين ننصح بعض فى الخير ونحذر بعض من الاخطاء
واخبار المسلسلات ايه انا شايفه ان الحمد لله كل الناس بقى
عندها صحوه فعلا ناس كتير مانعه المسلسلات فى رمضان
وربنا يثبتنا جميعا بعد رمضان فى برنامج لمصطفى حسنى على اقرأ
لشرح الاحاديث القدسيه الساعه 11 ونصف وفى برنامج اسمه خواطر
حلو جدا اجمل ما فيه انه بيعرض الايجابيات فالحمد لله بالرغم من كثرة الفساد
لكن فى شباب عنده صحوه ربنا يعز الاسلام ويثبتنا على طاعته
شدو الهمه فى القرآن والنوافل بلاش كسل والتسبيح
واتمنى كلنا ندعى لبعض بالعتق من النار
ايه رايكم اننا كلنا وقت الفطار ندعى لنفسنا وكل من فى التجمع بالعتق من النار
وتقبل الله منى ومنكم صالح الاعمال

مساء الخير يا ستات الخير

عروس الحمد لله الهمه تمام و الحمد لله جوزي بدا يقلدني
و بجد دي حاجه عملالي سعاده
و اليوم فعلا عمرو خالد كان رائع
و فعلا لازم يكون لينا رساله و نفسي نتجمع كلنا لهدف قوي
و حلقات مصطفى حسني كمان حلوه اوي

و عن المسلسلا ت الحمد لله تحررنا منها السنه دي
مفيش غير ساعه الفطار لان صعب اسيطر على جوزي

بس يلا شدوا همتنا كمان و كمان
و ان شاء الله ندعي لبعض بالعتق وقت الافطار
لعل ربنا يتقبل من اي واحده فينا

و ادعولي البرد يخف بقى احسن زهقت

مشمش وحشتيني و خفي انت كمان بسرعه بقى عشان مزعلش منك

يلا تصبحوا على خير

ازيكم يا بنات
بارك الله فيكم
ممكمن اكون معكم
مدام وائل ...............................موضوعاتك رائعه
ياريت موضوع نتكلم فيه عن الاطفال
انا اعندى ولد عمره سنه ونصف
لكن شقى جدا وعصبى جدا جدا
والبنت 3و4شهور هى كانت هاديه بس دلوقتى خلاص
ربنا يهدى اولادنا جميعا

صباح الخير يا بنات
ماشاء الله عليكوا التجمع فرق معانا كلنا ماشاء الله
ربنا يتقبل دعواتنا جميعا و ان شاء الله نكون من عتقاء شهر رمضان
الحمد لله بقيت احسن شويه اعراض البرد بدأت تهدا بس دخلت في كحه
وانا يا ولاد لما بابتدي الموسم بالعيا وسعوا لي ما حدش يقرب لي هههههههه
ربنا يستر و مااخدش الشتا كله عيا
الحمد لله انك بقيتي احسن يا انجي ربنا معاكي

عروس حلوة اوي فكرة الدعا الجماعي ان شاء الله نعملها جميعا