السلام عليكم ورحمة الله وبركاته
مدام وائل ايمان جزاكى الله كل خير حبيبتى على كلامك وذوقك العالى ده بجد ومش بجاملك حسيت من كلامك قد ايه انتى متواضعه وزوق وكلك خير وليا الشرف انى تعرفت عليكى ويارب تقبلينى اخت ليكى فى الله ربنا يكرمك دنيا واخره ويحققلك اللى بتتمنيه يارب
رانيا يوم عن يوم بكتشف انك انسانه جميله ربنا يكرمك فى صحتك وولادك يارب
متشكره يا بنات على سؤالكم ودعواتكم الحلوه ليا ربنا يكرمكم ويديم الصحبه الحلوه بينا
خواتى وحبايبى روشانا ومادو وعروس ولميا ومى ورانيا واميره وكل الصحبه اللى فى القعده بجد بحمد ربنا انى اتعرفت عليكم ويارب يجعل دايما ملتقانا فى الخير وللخير ويديم المحبه بينا يارب
بنات كنت عايزه اسألكم سؤال مهم جدا ويارب تجوبونى عليه بسرعه للاهميه بصو انا كل سنه متعوده بعد رمضان على طول اصوم ايام القضاء بتوعى الاول وبعديهم على طول السته البيض بجد الموضوع ده كان جميل قوى وفى نفس الوقت مريح لانك بتخلصى اللى وراكى وماحدش ضامن عمره ولا الايام اللى جايه هايحصل فيها ايه المهم السنه دى ولله الحمد الصحه مش زى الاول يعنى تعبت كتير قبل واثناء رمضان غير كمان الشغل اثناء الصيام وحاسه انى مش قادره اواصل بعد رمضان زى كل سنه والموضوع ده مضايقنى خالص بس اعمل ايه (ان لبدنك عليك حق) صعب قوى يا بنات اعمل زى ما متعوده كل سنه فهل يكفى صيام السته البيض واعتبرهم بنية الاتنين مع بعض يعنى قضا وصيام نوافل يعنى ينفع كده؟؟؟؟ انا كنت سمعت حاجه زى كده بس مش متأكده ؟؟ ولا اصوم القضا وبس انتم ايه رأيكم وتنصحونى بأيه ؟ ؟؟؟؟؟؟؟؟؟؟؟ ارجوكم اللى تعرف ترد عليا ضرورى لان الموضوع ده قلقنى وبفكر فيه جامد
مش تنسونى فى دعاكم الايام المفترجه دى وربنا يتقبل منا اجمعين وبسلم عليكم كلكم وبحبكم كلكم فى الله

السلام عليكم
مدام وائل متشغليش نفسك بتحديد اليوم ربنا يبلغك ويبلغنا جميعا بليله القدر
وبعد رمضان كل واحد يقول هو حس بيها امتى عشان منكسلش حد عن العبادة
وكل سنه وانت طيبه وكل اللى فى التجمع بخير ان شاء الله

امانى
الف سلامه عليكى يا جميل
انا بسمع كتير من علماء كبار بجمع النوايا فعلا
راى انك تجمعى النيه فى السته ايام البيض وبعدها ان شاء الله نشجع بعض اتنين او خميس ونكمل
وربنا يقدرك وتصومى بزياده ان شاء الله
عروس انتى فين؟؟

ربنا يكرمكم جميعا

امبارح جوزى اليوم قالى شوفى كده الشمس كانت زى امامها قعة شيفون


واول امبارح حسيتها
بس المهم انى يارب نحتار علشان نجتهد اكتر واحنا اللى هنستفيد ان شاء الله

السلام عليكم

طبعا انا اقل واحدة مشاركة معاكم

بس طبعالا عارفين ظروفى


ربنا يجعلنا من عتقا ء شهر رمضان ويوفقنا لما يحب ويرضى

احب ابشركم انى ولدت والحمد لله
ربى رزقنى ب الحسن

ولدت من حوالى عشر ايام

بس من 3 ايام وهو فى الحضانة قلبى متقطع على فراقه

اسالكم الدعاء له بالشفاء وتمام الصحة والعافيه

فطووووووووم

الف مبروك يا حبيبتى ربنا يخليه لك ويتربى في عزك
وربنا يشفيه عاجلا غير اجلا وتفرحي بيه