كل سنه وانتم طيبين وبخير واحسن صحه وافضل حال

كل سنة وانتم طيبين وان شاء الله عيد سعيد ويعود علينا بالخير والفرحة والاخبار الحلوة ويا رب
دايما متجمعين

صباح الخير يا بنات وحشتوني جدا جدا
معلش كنت مش بعرف ادخل كتير في رمضان وان شاء الله اعرف ادخل كتير الفترة الجاية

كل سنة وانتو طيبين نفراية نفراية وفي احسن حال انتو وكل اسركم

روشانا ليكي وحشة والله بطلت تبصي علينا في المضيفة خالث يا وحشة
مال بنوتك سلامتها الف سلامة

شيماء الف مبروك ربنا يتمملك حملك على خير ويرزقك ولاده سهلة وبيبي جميل سليم الخلق والخلقة يا رب

هايا
كل سنة وانتى طيبة
بروح المضيفة وبشارك بس مش كتير فعلا معلش

بنتى يا ستى الصغيرة مابتلحقش تخف من دور برد او كحة ومضاد حيوى الا وتاخد دور تانى ونرجع لمضاد حيوى تانى
بعنى اول اسبوع فى رمضان كانت عيانة وبتاخد ادوية ومضاد حيوى خفت الحمد لله مكملتش3 اسابيع واخر اسبوع فى رمضان نفس الفيلم سخونة التهاب فى الزور مضاد حيوى بعدين كحة تستلمها شوية حلوين
وفى النص الحمد لله الكبيرة صباع رجلها اتفتح واتخيط غرزتين على الماشي كده والحمد لله على كل شيء

بس كله كوم والصغيرة دى كوم بتصعب عليا جدا لما كل شوية تسخن بخاف انا اوى من السخونة ده ربنا يكفينا شرها